هاوڵاتیانى عێراق له‌به‌ر به‌رفراوانى مه‌ترسیه‌کان وڵات جێده‌هێڵن

7/13/2014 3:59:00 PM
وێنەکان
هاوڵاتیانى عێراق له‌به‌ر به‌رفراوانى مه‌ترسیه‌کان وڵات جێده‌هێڵن
جەماوەر نیوز
جه‌ماوه‌رنیوز

ئاژانسى هه‌واڵى مکالاتشى ئه‌مریکى له‌ ڕاپۆرتێکیدا سه‌باره‌ت به‌ نائارامیه‌کانى بارودخى عێراق ڕایگه‌یاند هاوڵاتیانى عێراق له‌ به‌ر به‌رفراوانى مه‌ترسیه‌کان له‌ نێوان پێکهاته‌ى سونه‌و شیعه‌ عێراق جێده‌هێلێن و به‌روه‌ تورکیا و ئۆردن هه‌ڵدێن .

راپۆرته‌که‌ ئاماژه‌شى به‌وه‌داوه‌ به‌هۆى داگیرکردنى شارى موسڵ و چه‌ند پارێزگایه‌کى ترى عێراق له‌ لایه‌ن چه‌کدارانى داعش مه‌ترسى بۆ شیعه‌ مه‌زهه‌به‌کان له‌چه‌ند پارێزگایه‌کى عێراق دروستبووه‌ ،هاوکات له‌ شارى به‌غدا به‌ تایبه‌تى ئه‌و گه‌ڕه‌ک و ناوچانه‌ى که‌زۆربه‌ی دانیشتوانه‌کانیان سونه‌ن له‌ ترسى گروپه‌ شیعه‌ توندڕه‌وه‌کان  ڕووبه‌ڕووى مه‌ترسى بونه‌ته‌وه‌ به‌ تایبه‌تى ناوچه‌کانى ئه‌عزه‌میه‌و  ئه‌بوغرێب و ناوچه‌ سونه‌ نشینه‌کانى تر .

هه‌روه‌ها ڕاپۆرته‌که‌ ئه‌وه‌شى خستۆته‌روو  که‌مه‌ترسیه‌کانى هه‌ڵگیرساندنى شه‌ڕى ناوخۆیی له‌ عێراقدا ده‌کرێت  و ئه‌وه‌شى ئاشکرا کردووه‌ که‌چه‌کداره‌کان به‌ بیانوى پاراستنى گیانى هاوڵاتیان له‌ زۆربه‌ى ناوچه‌کانى به‌غدا  داویانکردوه‌ ئه‌وانه‌ى ده‌چنه‌ بازاڕو و شوێنه‌ گشتیه‌کان ناوی خۆیان تۆمار بکه‌ن و ئه‌و ئوتومبیلانه‌ى دێنه‌ ناو بازگه‌کان  زانیارى ته‌واویان لیوه‌رده‌گیرێت به‌ مه‌به‌ستى ڕێگرتن له‌ کارى تیرۆرستى .

هه‌ر له‌راپۆرته‌که‌دا مه‌ترسه‌کانى سه‌ر هاوڵاتیانى شارى به‌غدا ده‌خاته‌ روو  به‌وه‌ى  که‌ گه‌وره‌ ترین مه‌ترسى که‌ له‌ سه‌ر دانیشتوانى شارى به‌غداد و ناوچه‌کانى ترى عێراقه‌ ئه‌وه‌یه‌ که‌چه‌کداره‌کان زانیارى ته‌واویان له‌ سه‌ر خێزانه‌ مه‌سیحیه‌کان و سونه‌کان و پێکهاته‌کانى ترى عێراق هه‌یه‌ ،  زۆربه‌ى کات ئه‌و گه‌نجانه‌ى ده‌چن بۆکارو یان بوخوێندنگا له‌ بازگاکه‌ن ده‌ستگیر ده‌کرێن و ناگڕینه‌وه‌ شوێن بزر ده‌کرێن و هه‌مان سیاسه‌ت له‌لایه‌ن داعشه‌و به‌رامبه‌ر به‌ شیعه‌کان پیاده‌ ده‌کرێت به‌ به‌رده‌وامى دانیشتوانى ئه‌و ناوچانه‌ له‌ نا ئارامى و دڵه‌ ڕاوکێدا ده‌ژین . 

له‌راپۆرته‌که‌دا هاتووه‌ که‌ئاماژه‌کانى هه‌ڵگیرساندنى جه‌نگى تایفى له‌ عێراقدا سه‌ره‌تاکه‌ى ده‌گه‌ڕێته‌وه‌ بۆ ساڵى 2005 بۆ 2008 که‌ له‌ سه‌ره‌تادا به‌ شێوازێکى نهێنى به‌ هه‌زاران هاوڵاتى عێراقى بوونه‌ قوربانى  و ئێستاش ئه‌و جه‌نگه‌ ناوخۆییه‌ خه‌ریکه‌ به‌رۆکى سه‌رجه‌م عێراقیه‌کان ده‌گرێته‌وه‌ و له‌لایه‌ن هه‌ردوو پێکهاته‌ى سونه‌و شیعه‌ شانه‌ى چه‌کدار له‌ که‌سانى مه‌ده‌نى دروستکراوه‌ .

له‌وباره‌یه‌شه‌وه‌ به‌رپرسێکى سه‌ربازى عێراقى که‌ نه‌یویست ناوى ئاشکرا بکرێت ئاماژه‌ى به‌وه‌دا میلشا چه‌کداره‌کان بونه‌ته‌ سه‌رچاوه‌ى دڵه‌ ڕاوێکى بۆ هاوڵاتیان به‌ تایبه‌تى دواى تێکشکانى هێزه‌ سه‌ربازییه‌کانى عێراق له‌ پارێزگاکانى موسڵ و نه‌ینه‌وا و هه‌ندێک له‌ پارێزگاکانى ترى عێراق،

به‌شێوه‌یه‌ک پڕچه‌ک کراون که‌ ره‌نگه‌ له‌ئاینده‌و دواى کۆنتایى هاتنى ئه‌م بارودۆخه‌ى ئێستا روبه‌روى عێراق بۆته‌وه‌ چه‌کداماڵین له‌و میلیشیایانه‌ زۆر ئه‌سته‌م بێت و عێراق به‌ره‌و ملیشیاو گروپ و ده‌سته‌ى جیاواز به‌رێت .

ئا : به‌ختیار 


لۆگۆ
سەرپێچی

وتار

زۆرترین خوێندراو