ئه‌توانى له‌رێگاى ئیمه‌یڵ و ژماره ته‌له‌فۆنه‌کانمانه‌وه په‌یوه‌ندیمان پێوه‌بکه‌یت و راوسه‌رنج وپێشنیارو داواکاریه‌کانى خۆت بخه‌یته‌روو.
07705066052
که‌رکوک له‌سایه‌ى هه‌ڵبژاردندا
4/8/2014 3:58:00 PM
جەماوەر نیوز
جه‌ماوه‌رنیوز مه‌هدى خالید خه‌مبار
که‌مێک بۆ مه‌زه‌ى بانگه‌شه‌که، یه‌که‌م شه‌وه‌که‌ى حه‌رامیتیاخورا! بانگه‌شه‌ى هه‌ڵبژاردنه‌کانى ئه‌مساڵى کوردستان به‌گشتى و که‌رکوک به‌تایبه‌تى جۆرێک له ئاڵۆزى به کاتى ده‌ستپێکردنه‌که‌یه‌وه به‌دیکرا، زێده‌ڕۆیشنیه ئه‌گه‌ر پێشبینى ڕودانى جۆرێک له گرژى و پیاهه‌ڵقژان و کاردانه‌وه‌ى ناته‌ندروستى زیاتر بکه‌ین، پێویسته خه‌ڵکانى کوردستان هۆشیارانه و به‌رپرسانه مامه‌ڵه له‌گه‌ڵ پرۆسه‌که‌دا بکه‌ن، چونکه ئه‌زمونه‌که‌مان به هه‌ستیارترین قۆناخدا ده‌گوزه‌رێ، له شکستهێنانیدا هه‌مومان هاوچاره‌نوسین ( له خێروبه‌ره‌که‌ته‌که‌ى خوا بدات ؟
ده‌سپێکى بانگه‌شه‌که جۆرێک له دڵه‌ڕاوکێیى و ڕه‌شبینى لاى خه‌ڵکى دروستکرد، هۆکاره‌که‌شى له‌نوێ پیاده‌کردنى ( سه‌وزاندن و زه‌رداندن و نیلیاندن و ڕه‌شاندن و پرته‌قاڵیاندن و سوراندن هتد )ه، هه‌رچه‌نده باجى ئه‌و شه‌ڕه په‌ڕۆ و پۆسته‌ردڕاندنه له سه‌رمیله‌ت به گرانکه‌وت !
له‌که‌رکوکدا ناکرێت هه‌ستیارى و مۆزایکى پێکهاته‌یى ( به‌ڕه‌سه‌ن و ناڕه‌سه‌ن ) و ڕۆڵى ده‌سته ناوخۆیى ( به‌هه‌ردوو شێوه‌که‌یه‌وه ) و ده‌سته ده‌ره‌کیه‌کان له‌به‌رچاو نه‌گیرێن که تایبه‌تمه‌ندیه‌کانى که‌رکوکن، ناکرێ کارى سه‌رکه‌وتو ئه‌نجامبدرێ، که‌رکوک له ڕاستیدا وه‌ک( گه‌مى )یه‌که به سه‌رپشتى شه‌پۆڵه‌کانى ده‌ریاوه، هه‌ڵکردنى زریانێکى بچوک یا لاسه‌نگیه‌ک له کێشیدا به‌سه، تا گه‌مییه‌که به‌ره‌و نقومبون ببات، له‌م دۆخه‌شدا هه‌مومان تیایدا خه‌ساره‌مه‌ندین. ئومێده‌وارم یه‌کێتى نیشتیمانى کوردستان وه‌ک ئه‌و حیزبه‌ى که بڕوا و متمانه‌م پێیه‌تی، تکامه بۆ که‌رکوک و که‌رکوکیه‌کان سه‌رچاوه‌ى داهێنانى نوێبێت نه‌ک لاساییکه‌ره‌وه‌ى خه‌ڵکانیتر، خه‌ڵکى له وشه‌ى بریقه‌دار و به‌ڵێنى درۆ پڕبونه،با بانگه‌شه‌کانتان پڕبن له ئاڵاى کوردستان، به‌ڵێنى شتێ مه‌ده‌ن که بۆتان نه‌کرێت، ئۆباڵى شتێ مه‌گرنه ئه‌ستۆ که له تواناندا نه‌بێت.
له ٢٠٠٣ ڕژێمى به‌عس ڕوخاوه به‌ڵام تا ئه‌م ساته وه‌خته به قه‌د ئه‌وه‌ى کار بۆ حیزباندن کراوه چاره‌کى له خزمه‌تى که‌رکوک و که‌رکوکیه‌کاندا نه‌بوه، حیزباندنێکى نادروست به‌و ئاسته‌ى که بیرى ته‌سکى حیزبایه‌تى ڕێگربێت له دانپیانانیخێر به هه‌ر که‌سێکدا با له خزمه‌تى شاره‌که و پێکهاته‌که‌شیدابێت، جاران حیزب وه‌سیله بو بۆ کوردایه‌تى و خزمه‌تکردنى خه‌ڵک، به‌ڵام ئه‌مڕۆ مۆدێلێکیتر ده‌بینرێت.
به‌ده‌ر له هه‌ڵه‌ى سیاسى لایه‌نه کوردستانى وعێراقیه‌کان به گشتى و پارتى و یه‌کێتى به‌تایبه‌تى که له‌م شاره پیاده‌یان کردوه، هه‌رێمى کوردستانیش که به‌رده‌وام له گه‌شتى سه‌فا و مه‌رواییدایه به‌ره‌و به‌غدا و هه‌موجارێکیش هه‌مان ئه‌و جانتا و کێشانه ده‌به‌نه‌وه سه‌رمێزى گفتوگۆکان ( بوجه، نه‌وت، پێشمه‌رگه ( خۆیان له پرسى پاره و داهات ) ده‌بیننه‌وه، بۆ تاقه‌جارێکیش که‌رکوک وه‌ک مه‌سه‌له‌یه‌کى سیاسى و غه‌درلێکراو، ده‌ستنیشانکردنى سنورى کوردستان ، گێڕانه‌وه‌ى داگیرکه‌ره عه‌ره‌به‌کان، گه‌ڕانه‌وه‌ى ناوچه زه‌وتکراوه‌کان نه‌کراوه و نه‌براونه‌ته سه‌ر مێزى گفتوگۆکان ( ئه‌مانه کێشه‌ى بنه‌ڕه‌تین نه‌ک ته‌نها پاره )! گتوگۆکان ئه‌وه‌مان پێده‌ڵێن که کوردستانیبونى که‌رکوک له سایه‌ى سیاسه‌تى دووفاقى ئێوه‌دا، خۆتان خۆش و ده‌ستى ئێمه‌ش به هه‌رامه و هین و وانه‌کتان!
ماده‌ى ١٤٠ مۆرفینێکبو داتان به‌که‌رکوکیه‌کان تا له‌و ناسنامه ڕوزه‌رده کوردیه‌تان بێئاگابن که به ترسوشه‌رمه‌وه په‌ستاتانه باخه‌ڵى شاره‌که، شارێک هه‌ڵکێشراو له به‌ڵگه‌نامه‌ى کوردستانیبون، که‌چى دێن و پێمانده‌فه‌رمون که‌رکوک شارێکى عێراقیه به پێناسه‌ى کوردستانی!
سه‌یرنه‌بێت له بانگه‌شه‌ى هه‌ڵبژاردنا چى ده‌وترێت،که‌رکوک بکرێته‌وه کوردستانى و زمانه دژه‌کانیش له بنببڕن! ( به‌ڵام با زوتر په‌تێ له هینى ئه‌وانه بخه‌ن که ده‌ڵێن که‌رکوک شارێکى تورکمانیه و بۆ هه‌تا هه‌تایه هه‌روا ده‌مێنێته‌وه )، ده‌بیستین هه‌ندێک که‌رکوک له مه‌ڕمه‌ێ وبه ئاڵتونى خه‌لیجى بنیات ده‌نێته‌وه، هه‌ندێکیتر بۆڕى غاز و نه‌وت ڕاده‌کێشنه هه‌مو ماڵێکه‌وه سه‌ربارى ئاو کاره‌با ئه‌گه‌ر به‌پێویستزانران! جگه له دڵ و قودسه‌که‌ش له‌وێ بوه‌ستن که هه‌ندێکیان چیان پێتێکنه‌درابێت تێکیده‌ده‌ن!
ئه‌وه‌ى گوێى له به‌ڵێنى کاندیده‌کان بێت، واده‌زانێت ئه‌مانه له هه‌ساره‌یه‌کیتره‌وه هاتون و له کردار و بڕیاردا ئازادن و ئه‌وه‌ى بیانه‌وێت ده‌یکه‌ن وه‌ک ئه‌وه‌ى که لغاوى ده‌ست و زمانیان له ده‌ستى حیزبدا نه‌بێت . به پێى بانگه‌شه‌کانى ئه‌مڕۆبێت ، ئیتر خۆشبه‌ختانه نه کریکار و کاسبکار و جوتیار و پیشه‌وه‌ر و کرێنشین و خوێندکار و قوتابى و ژنان و ئافره‌تان و خانمان و به‌ساڵاچوان و منداڵان ، که‌م ده‌رامه‌ت و خاوه‌نپێداویستى تایبه‌ت و مردوه‌کانیش ، هیچکام له‌م چین و توێژانه نامێننه‌وه که موچه‌ى مانگانه‌یان بۆ نه‌بڕێته‌وه.
خۆزگه له وڵاتى ئێمه‌شدا بانگه‌شه‌کان شارستانیانه‌تر ده‌بو، دور ده‌بو له‌م ململانێ دوژمنکارانه‌یه‌ى لایه‌نگرانى حیزبه‌کان و هه‌راسانکردنى خه‌ڵکی، له‌م به‌هه‌ده‌ردانه زۆره‌ى قوتى میله‌ت، له پیسکردنى له‌ڕاده‌به‌ده‌رى ژینگه،ڕه‌واى هه‌قنیه حیزبێک شان به‌سه‌ر ئه‌ویتردا شۆڕبکاته‌وه، مه‌گه‌رکه‌مده‌رامه‌تى حیزب هۆکار بێت بۆ ئه‌وه‌ى وه‌ک یه‌ک نه‌بن. ئه‌گینا هه‌موتان گۆشتخۆرن!
وتار
-
ڕه‌وشى ڕۆژنامه‌نوسى کوردى یان جیهانی
07.02.2024 -
ره‌گه‌ز گۆڕین کارێکى قێزه‌وه‌ن و شووره‌ییه
29.01.2024 -
سوکایه‌تى و بێڕێزى له‌پاى چی؟
10.01.2024
زۆرترین خوێندراو
- ڕۆژ
- هەفتە
- مانگ
-
پارتی و یه‌كێتی له سه‌ر دوو وه‌زاره‌ت ڕێكنه‌كه‌وتوون
27.10.2022
-
دوورخستنەوەی سەرۆککۆماری پێشووی چین ئاشكرا ده‌كرێت
23.10.2022
-
له كفری پارتی سۆسیال دیموكرات خولێكی تۆپی پێ ده‌كاته‌وه
22.10.2022
-
پارتی سۆسیال دیموكرات گۆڕانكاری ئه‌نجامده‌دات
23.02.2023