ئه‌توانى له‌رێگاى ئیمه‌یڵ و ژماره ته‌له‌فۆنه‌کانمانه‌وه په‌یوه‌ندیمان پێوه‌بکه‌یت و راوسه‌رنج وپێشنیارو داواکاریه‌کانى خۆت بخه‌یته‌روو.
07705066052
ڕه‌چه‌ڵه‌کى ئێمه ئێزدیه … شه‌نگال وارا مه هه‌میه
8/25/2014 12:19:00 AM
جەماوەر نیوز
جه‌ماوه‌رنیوز
مه‌هدى خالید خه‌مبار
که‌مى لاپه‌ره‌کانى دیرۆکى نه‌ته‌وه‌که‌مان به به‌روارد به‌وڕاستیه‌ى که حاشاى له دێرینیمان نه‌کردوه و ده‌یگه‌ڕێنێته‌وه بۆ ٧٠٠ ساڵ به‌ر له حه‌زره‌تى مه‌سیح ، ئه‌مه‌ش به‌رچاوڕونى ئه‌وه‌مان پێده‌دات که نه‌یارانى نه‌ته‌وه‌که‌مان ئه‌وه‌نده‌ى بۆیان لوابێت هاوڕێ له‌گه‌ڵ ئه‌و شه‌ڕوشۆڕ و ئه‌نفالانه‌ى که به دژى گه‌له‌که‌مان له پێناو له‌به‌ینبردنیدا به‌رپایان کردوه ، ئه‌وا ده‌ستیان له ( مێژو و ئاین و زمان و کولتور )ه‌که‌شى نه‌بواردوه و هه‌رچى چنگیان پێیگه‌یشتبێت له‌یه‌ک کاتدا ئه‌وا ( فه‌رهود و تاڵان ) و ئه‌نفالیان کردون ، ( سه‌روه‌ت و سامان) ه‌که‌شیان وه‌ک ( غه‌نائیمى جه‌نگ ) حه‌ڵاڵ و داره‌به‌شکردوه ، ( ئافره‌ت ) ه‌کانشیان مامه‌ڵه‌ى دیل و جاریه‌یان له‌گه‌ڵ کردون ! به‌شێک له‌و کلتور و ئه‌ده‌بیاته‌شى که کورد هه‌یبوه ئه‌وا که‌وتۆته به‌ر ڕه‌حمه‌تى گۆڕاندن و شێواندن ! به‌جۆرێک به خاشاک و گه‌نده‌یى خۆیانیان موتوربه و ئاوێته‌کردوه که به چاوى گومانه‌وه له ڕاستى به‌شێک له‌مه‌ى وه‌ک که‌لتورى نه‌ته‌وایه‌تى پێمان ناسێنراوه بڕوانین .
ئه‌گه‌ر شه‌ن وکه‌وێک له‌م چه‌ند لاپه‌ڕه که‌مه‌ى ئه‌م مێژوه‌مان بکه‌ین که له‌مۆزه‌خانه‌و و کتێبخانه‌ى ووڵاتانى دونیادا له ئه‌نفال و سوتان پارێزراون و ماونه‌ته‌وه ، ئه‌وه په‌رده له‌سه‌ر ئه‌و کوشتارگه گه‌وره و کۆمه‌ڵکوژییانه هه‌ڵده‌ده‌نه‌وه که له‌سه‌رده‌مى خه‌لافه‌تى ئیسلامیه‌وه تا ئه‌مڕۆ دژ به‌کورد ئه‌نجامدراون .
مێژوى نوێش خاڵى نیه له جینۆساید و ئه‌نفالکردن ، په‌رێزى ده‌ستى میله‌تانى سه‌رده‌ستى ناوچه‌که و جیهانى نوێش پاک نین له‌و تاوانه قێزه‌وه‌نانه‌ى ( پاکتاوى ڕه‌گه‌زیه‌ى ) که به‌هۆیه‌وه له‌به‌ینبردنى نه‌ته‌وه‌که‌مانیان تێیدا کردۆته ئامانج .
گه‌لى ئێمه‌ش هه‌م له مێژوى کۆن و هه‌م له تازه‌شدا هێنده بێخیره‌تى و زه‌لیلى قبوڵ نه‌کردوه و به‌ڵکو به‌رده‌وام ئه‌وه‌نده‌ى توانیبێتى پارێزگارى له خۆى و خاکه‌که‌ى و پیرۆزیه‌کانى کردوه ، به‌م هۆیه‌شه‌وه ئه‌م وڵاتانه‌ى که گه‌لى ئێمه‌یان ژێرده‌ست خستوه هه‌رگیز نه‌یانتوانیوه له ئاسوده‌یى و خه‌یاڵ ڕاحه‌تى و بێکێشه‌ییدا بژین و بۆیه ئێستا به‌و ترۆپکى ڕاستیه گه‌یشتن که ئێدى شه‌ڕ له‌دژى ئه‌م نه‌ته‌وه‌یه دوره له لۆژیک و یاساکانى ژیان ، بۆیه ئه‌وه‌تا ئه‌مه بوه ئه‌مرى واقیع و ئیتر گۆڕانکاریه‌کان له سیاسه‌ت و مامه‌ڵه‌یان له‌ته‌ک کورد به ١٨٠ نمره وه‌رچه‌رخا .
زۆر وڵاتى ئیسلامى عه‌یار ٢٤ له نه‌ته‌وه‌کوژى و ئه‌نفالى ئێمه و به غه‌نیمه‌بردنى کچ و ژنانماندا به‌شدار بون ! ؟ بۆیه له گه‌ڵیاندا ئه‌گه‌ر لێشیان خۆشببین ، ته‌نها شتێک که بتوانین ته‌نها دۆستبونیانه نه‌ک برایی مێژوى کۆن بۆ ئه‌وانه‌ى بیانه‌وێت له‌زمانى بگه‌ن ، خه‌وشى له‌سه‌ر زه‌رده‌شتیبونى کورد نه‌هێشتۆته‌وه و زه‌رده‌شتى به پێغه‌مبه‌رى کورد و ئاوێستاش وه‌ک کیتابه پیرۆزه‌که‌ى نیشان داوه ، باسى له‌وه‌شکردوه که چۆن و به‌چ شێوازێک ئه‌م ئاینه‌یان له هیزرى تاکى کوردا سڕیوه‌ته‌وه ؟ تۆ بڵێى هه‌روا به‌سوک و ئاسان له‌و ئاینه‌یان ته‌وه‌لا بوبێتن و چوبێتنه ژێر به‌یداخى ئیسلامه‌وه ؟ یان دواى ده‌یان و سه‌دان به‌ره‌نگاربونه‌وه‌ى خوێناوى و سه‌ختى و فراوانى شه‌ڕ و نابه‌رامبه‌ره‌ى له ژماره و چه‌ک و ئابڵوقه‌دانى مه‌حکه‌م و درێژخایه‌ن و کوشتنى به‌شه زۆره‌که‌ى جه‌نگاوه‌رانى کورد و شه‌ته‌ک و ماندوبون و برسێتى و تینیۆتى و له‌ده‌ستدانى سوارچاک و سه‌رکرده‌ى هێزه‌که و بونى بریندارى زۆر ، هه‌مو ئه‌مه‌نه ئه‌و به‌شه که‌مه‌ى ڕزگاریان بوبو ناچار به هه‌ڵدانى ئاڵاى سپى خۆبه‌ده‌سته‌وه‌دان به سوپاى ئیسلامى کردن.
زه‌رده‌شتیه‌کان ، ئێزدیه‌کان و کاکه‌ییه‌کان و هه‌ندێ ئاینزایتریش که له ئێستادا دابه‌شى سه‌ر هه‌ندێ ووڵات بونه مێژو به ڕه‌سه‌ن و ڕه‌چه‌ڵه‌کى کوردى ناودێر کردون و به‌و ڕێژه که‌مه‌وه توانیویانه خۆیان له پوکانه‌وه و توانه‌وه بپارێزن ته‌سلیم به ئیراده‌ى هیچ ئاین و گه‌لیتر نه‌بن
ئه‌وه‌ى ئه‌مڕۆ ( داعش ) به‌رپایکردوه ، هه‌وڵێکى نه‌زۆکانه‌یه بۆ گێڕانه‌وه‌ى مێژو ، به‌ڵام من له‌وه دڵنیام له‌وه‌ى ( داعش ده‌بێته ئه‌و مقه‌سه‌ى نه‌خشه‌ى هه‌رێمه‌که ده‌بڕێته‌وه و پارچه‌کانى کوردستانیش لێکده‌دورێته‌وه ) ئه‌مجاره‌یان به پێچه‌وانه‌ى ڕابردو بۆ ئێمه ده‌بێت به ده‌ستپێکى وه‌رچه‌رخانێکى مێژویى له دیرۆکى ئێمه‌دا ، سه‌رهه‌ڵدانى گروپى توندڕه‌وى داعش، سه‌رهه‌ڵدانى کۆده‌نگیه‌کى پشتیوان ئامێزى جیهانى ده‌بێت بۆ کورد و هێزى پێشمه‌رگه‌ى کوردستان ، لێره‌وه یه‌کڕیزى یه‌کجاره‌کى گه‌لێکى ٤٠ ملیۆنى سه‌ریهه‌ڵدا ، جمانى خوێنى کورده له شاده‌مارى کوردایه‌تى و نیشتیمانى و مرۆییدا ، سه‌رهه‌ڵدانى که‌شوهه‌وایه‌کى سیاسى مژده‌به‌خش ده‌بێت بۆ گه‌له‌که‌مان له هه‌ر چوار به‌شه‌که‌ى نیشتیمان ، ده‌سته‌کانى په‌که‌که و یه‌په‌گه و هه‌په‌گه و حدک ، بژدک له شاخى شه‌نگالدا گه‌یانده ده‌ستى پدک و نیک و خه‌ڵکى باشورى کوردستان و ده‌بێ له شه‌نگالیشدا پێکهێنانى کۆنگره‌ى نه‌ته‌وه‌یى کورد دور له‌به‌رژه‌وه‌ندى حیزبایتى دابمه‌زرێت .
شه‌نگالیش و چیاى شه‌نگالیش بون به دیرۆک جیهانى به ئاگا هێنایه‌وه و بۆ خۆشمان ده‌سته‌کانى خسته سه‌ر یه‌ک و له سه‌نگه‌رى داکۆکیکردن له گه‌ل و نیشتیمان کۆیکردینه‌وه و نیشتیمانه‌که‌شمانى لێکدایه‌وه . ئومێده‌وارم و داواکارم له هه‌مو هێزه سیاسیه‌کانى کوردستان ، به عیلمانى و ئیسلامى و کۆمۆنیسته‌وه له‌هه‌مو خه‌ڵکى کوردستانى باشور ئه‌م ده‌ستکه‌وت و سه‌رکه‌وتوانه دوربن له پیاچزانى مۆرى تاک حیزبى و تاک به‌ره‌یى و تاک پارچه‌یى ، چونکه مێژو هه‌رگیز ئه‌م کۆده‌نگى و فره‌ده‌نگیه که وه‌ک ده‌سپێکى میژویه‌کى نوێ فه‌رامۆش ناکات ، ئه‌مڕۆ نه‌ته‌وه‌کان ڕوبه‌ڕى هه‌وڵێکى داگیرکردنى به‌ربه‌رى بۆته‌وه و ده‌یان نه‌یار و ناحه‌زى گه‌له‌که‌مان له ژێر ئاڵاى ڕه‌شى داعشدا کۆبونه‌ته‌وه و له هه‌ولى ئه‌نجامدانى ئه‌نفالێک و کۆمه‌ڵکوژیه‌کى تردان که ده‌رهه‌ق به گه‌له‌که‌مان ئه‌نجامى بده‌ن ، ئێزدیه‌کانمان و کاکه‌ییه‌کانمان و مه‌سیحى و سریانى و کلدوئاشورى هه‌مو خه‌ڵکى کوردستان ڕوبه‌ڕوى دڕنده‌ترین دوژمن و ڕه‌فتارى نامرۆڤانه بونه‌ته‌وه کوشتن و هه‌تک کردن و فڕاندن هه‌ڕه‌شه له خه‌ڵکى کوردستان ده‌کات . ئه‌رکى هه‌مومانه که له‌دژى ئه‌م هێرشه بوه‌ستینه‌وه و به‌شدارى له‌م خه‌باته پیرۆزه بکه‌ین ، ڕوداوه‌کانى داهاتو ده‌ریده‌خه‌ن که ئاسوى کورد چ ڕونیه‌ک به‌خۆوه ده‌بینێت
وتار
-
ڕه‌وشى ڕۆژنامه‌نوسى کوردى یان جیهانی
07.02.2024 -
ره‌گه‌ز گۆڕین کارێکى قێزه‌وه‌ن و شووره‌ییه
29.01.2024 -
سوکایه‌تى و بێڕێزى له‌پاى چی؟
10.01.2024
زۆرترین خوێندراو
- ڕۆژ
- هەفتە
- مانگ
-
پارتی و یه‌كێتی له سه‌ر دوو وه‌زاره‌ت ڕێكنه‌كه‌وتوون
27.10.2022
-
دوورخستنەوەی سەرۆککۆماری پێشووی چین ئاشكرا ده‌كرێت
23.10.2022
-
له كفری پارتی سۆسیال دیموكرات خولێكی تۆپی پێ ده‌كاته‌وه
22.10.2022
-
پارتی سۆسیال دیموكرات گۆڕانكاری ئه‌نجامده‌دات
23.02.2023