ئه‌توانى له‌رێگاى ئیمه‌یڵ و ژماره ته‌له‌فۆنه‌کانمانه‌وه په‌یوه‌ندیمان پێوه‌بکه‌یت و راوسه‌رنج وپێشنیارو داواکاریه‌کانى خۆت بخه‌یته‌روو.
07705066052
سه‌رۆکى هه‌رێم : یان هه‌موومان پێکه‌وه ده‌مرین یان پێکه‌وه به ئازادى و سه‌ربه‌رزى ده‌ژیین
7/23/2014 5:26:00 PM
جەماوەر نیوز
جه‌ماوه‌رنیوز
ئه‌مڕۆ چوارشه‌ممه 23 ى ته‌مموزى 2014 له سه‌لاحه‌دین به‌ڕێز مه‌سعود بارزانى سه‌رۆکى هه‌رێمى کوردستان پێشوازى له پاتریاک لویس ڕۆفاییلى یه‌که‌م ساکۆ پاتریاکى کلدانى له عێراق و جیهان و شاندێکى یاوه‌رى کرد که له ژماره‌یه‌ک مه‌تران و پیاوى ئایینى مه‌سیحیى کوردستان و عێراق پێکهاتبوو.
له کۆبوونه‌یه‌کدا پاتریاک لویس ڕۆفاییلى یه‌که‌م ساکۆ پاتریاکى کلدانى له عێراق و جیهان سوپاسى سه‌رۆکى هه‌رێمى و حکوومه‌تى هه‌رێمى کوردستانى کرد بۆ پێشوازى و حه‌واندنه‌وه‌ى مه‌سیحییه‌کانى نه‌ینه‌وا و عێراق و هه‌روه‌ها هاوکاریکردن و پاراستنیان له هه‌ڕه‌شه‌ى تیرۆریستان.
پاتریاکى کلدانى له عێراق و جیهان نیگه‌رانیى خۆیشى نیشان دا به‌رانبه‌ر ڕووداوه‌کانى موسڵ و هه‌روه‌ها ئه‌و هه‌ڕه‌شه و جیاکارییه‌ى له‌سه‌ر بنه‌ماى ئایین و به‌ناوى ئیسلام له‌دژى مه‌سیحییه‌کان ده‌کرێ و ئاماژه‌ى به‌وه‌دا که ئه‌وه‌ى ئێستا له ئارادایه په‌ره‌سه‌ندنى کولتوورى ئینکارى به‌رانبه‌ر و شێواندنى سیماى ئیسلامه و ڕایشیگه‌یاند که ده‌رکردن و تێکدانى که‌نیسه‌کان و توراسى مێژوویى و ئایینیى مه‌سیحییه‌کان له نه‌ینه‌وا بوونى مه‌سیحییه‌کانى له‌م ناوچه‌یه کردۆته ئامانج. له درێژه‌ى قسه‌کانیدا پاتریاکى کلدانى له عێراق و جیهان جه‌ختى له‌وه کرده‌وه که پێویسته توراسى مێژوویى مه‌سیحییه‌کان و مانه‌وه‌ى مه‌سیحییه‌کان بپارێزرێت و شێوه‌یه‌کى سه‌رده‌میانه بۆ یه‌کلاییکردنه‌وه‌ى گرفته‌کانى عێراق بدۆزرێته‌وه و داوایشى کرد که له‌گه‌ڵ حکوومه‌تى هه‌رێمى کوردستان هه‌ماهه‌نگى و به‌دواداچوونى هاوبه‌ش هه‌بێت بۆ چاره‌کردنى گرفتى ئاواره و په‌نابه‌رانى مه‌سیحی.
سه‌رۆکى هه‌رێم سه‌باره‌ت به ده‌رکردنى خوشک و براکانى مه‌سیحى له ده‌شتى نه‌ینه‌وا به توندى ئه‌و هه‌وڵانه‌ى ئیدانه کرد که له‌دژى مه‌سیحییه‌کان له لایه‌ن تیرۆریستانه‌وه ئه‌نجام ده‌درێت و ڕایگه‌یاند که ئه‌م ته‌وژمه ته‌نیا هه‌ڕه‌شه نییه بۆ سه‌ر مه‌سیحییه‌کان به‌ڵکو هه‌ڕه‌شه‌یه بۆ سه‌ر هه‌موو پێکهاته‌کانى عێراق و ناوچه‌که و جیهان و دژى هه‌موو پڕه‌نسیپه ئایینى و مرۆڤییه‌کان و دژى ژیانه و له‌و ماوه‌یه‌دا نه‌ک ته‌نیا که‌نیسه‌کان به‌ڵکو مه‌زارگه و شوێنه پیرۆزه‌کانى موسلمانانیش که‌وتوونه‌ته به‌ر په‌لامارى تیرۆریستانه‌وه.
بارزانى له درێژه‌ى قسه‌کانیدا شاندى میوانى دڵنیا کرده‌وه که هه‌رێمى کوردستان هه‌موو هه‌وڵێکى ده‌خاته‌گه‌ڕ بۆ یارمه‌تیدانى په‌نابه‌ران و ئاواره‌کان و کوردستانیش وڵاتى هه‌مووانه و ده‌رگه‌ى بۆ لێقه‌وماوان کرایه‌وه و ڕایگه‌یاند که زۆر باش له کێشه و گرفته‌کانى خوشک و برا مه‌سیحییه‌کان ده‌گات و پێویسته هه‌موومان وڵاتى خۆمان بپارێزێن و وتی: " یان هه‌موومان پێکه‌وه ده‌مرین یان پێکه‌وه به ئازادى و سه‌ربه‌رزى ده‌ژیین". داوایشى له خوشک و برا مه‌سیحییه‌کان کرد که خۆڕاگر بن و بیر له کۆچکردن بۆ ده‌ره‌وه‌ى وڵات نه‌که‌نه‌وه و ئه‌وه‌ى خسته‌ڕوو که دژایه‌تیکردنى تیرۆر و نه‌هێشتنى توندڕۆیى هه‌وڵێکى هه‌مه‌لایه‌نه و ده‌ولیى پێویسته و هه‌رێمى کوردستانیش به‌هه‌موو توانایه‌کیه‌وه ڕووبه‌ڕووى تیرۆریستان ده‌بێته‌وه و به‌رگرى له خاک و ژیانى هاووڵاتیان ده‌کات.
وتار
-
ڕه‌وشى ڕۆژنامه‌نوسى کوردى یان جیهانی
07.02.2024 -
ره‌گه‌ز گۆڕین کارێکى قێزه‌وه‌ن و شووره‌ییه
29.01.2024 -
سوکایه‌تى و بێڕێزى له‌پاى چی؟
10.01.2024
زۆرترین خوێندراو
- ڕۆژ
- هەفتە
- مانگ
-
پارتی و یه‌كێتی له سه‌ر دوو وه‌زاره‌ت ڕێكنه‌كه‌وتوون
27.10.2022
-
دوورخستنەوەی سەرۆککۆماری پێشووی چین ئاشكرا ده‌كرێت
23.10.2022
-
له كفری پارتی سۆسیال دیموكرات خولێكی تۆپی پێ ده‌كاته‌وه
22.10.2022
-
پارتی سۆسیال دیموكرات گۆڕانكاری ئه‌نجامده‌دات
23.02.2023