سه‌رۆکى حکومه‌تى هه‌رێم پشتگیرى له‌ پرۆسه‌ى ئاشتى له‌ تورکیا دووپات ده‌کاته‌وه‌

7/23/2014 5:31:00 PM
وێنەکان
سه‌رۆکى حکومه‌تى هه‌رێم پشتگیرى له‌ پرۆسه‌ى ئاشتى له‌ تورکیا دووپات ده‌کاته‌وه‌
جەماوەر نیوز
جه‌ماوه‌رنیوز

سه‌رله‌به‌یانیى ئه‌مڕۆ چوارشه‌ممه‌ 23ى ته‌ممووزى 2014، به‌ڕێز نێچیرڤان بارزانى سه‌رۆک وه‌زیرانى هه‌رێمى کوردستان، پێشوازى له‌ خاتوو له‌یلا زانا په‌رله‌مانته‌رى سه‌ربه‌خۆى ئامه‌د و به‌ڕێز سڕڕى سوره‌ییا ئۆنده‌ر په‌رله‌مانته‌رى هه‌ده‌په‌ى ئیستانبول‌ کرد.

له‌ دیدارێکدا دوایین پێشهاته‌کانى پرۆسه‌ى ئاشتى له‌ تورکیا و ئه‌و هه‌نگاوه‌ یاساییه‌ى ئه‌م دواییه‌ بۆ چاره‌سه‌رکردنى پرسى کورد له‌ تورکیا نرا؛ خرایه‌ به‌ر باس و به‌ڕێز نێچیرڤان بارزانى ئه‌م هه‌نگاوه‌ یاساییه‌ى به‌ ته‌کانێکى گه‌وره‌ به‌ره‌و چاره‌سه‌رکردنى پرسى کورد له‌ تورکیا به‌ شێوه‌یه‌کى ئاشتیانه‌ى سیاسى له‌ قه‌ڵه‌م دا و هه‌موو پشتگیرییه‌کى خۆى و حکوومه‌تى هه‌رێمى کوردستانى بۆ پرۆسه‌ى ئاشتى و دانانى ئه‌و چوارچێوه‌ یاسایییه‌ بۆ پرۆسه‌که‌ دووپات کرده‌وه‌.

لاى خۆیانه‌وه‌ خاتوو له‌یلا زانا و به‌ڕێز سڕڕى سوره‌ییا ئۆنده‌ر که‌ دوایین جار سه‌ردانى دوورگه‌ى ئیمرالییان کردبوو، وێڕاى سڵاو و ڕێز، هه‌روه‌ها پێزانینى به‌ڕێز ئۆجالانیان گه‌یانده‌ به‌ڕێز نێچیرڤان بارزانى به‌رامبه‌ر به‌و هه‌وڵ و کۆششه‌ى که‌ بۆ ده‌سپێکردن و به‌رده‌وامى و سه‌رکه‌وتنى پرۆسه‌ى ئاشتى له‌ تورکیا داویه‌تى و داوایان کرد وه‌ک هه‌میشه‌ له‌ پشتگیریکردنى پرۆسه‌ى ئاشتى و چاره‌سه‌رکردنى ئاشتیانه‌ى پرسى کورد له‌ تورکیا به‌رده‌وام بێت.

له‌ به‌شێکى دیکه‌ى دیداره‌که‌دا ڕه‌وش و پێشهاته‌کانى ناوچه‌که‌ به‌ گشتى و دواڕۆژى پرۆسه‌ى ئاشتى و چاره‌سه‌رى و هه‌ڵبژاردنه‌کانى ناوه‌ڕاستى مانگى داهاتووى سه‌رۆکایه‌تیى کۆمار له‌ تورکیا، تاوتوێ کران.


لۆگۆ
سەرپێچی

وتار

زۆرترین خوێندراو