ئه‌توانى له‌رێگاى ئیمه‌یڵ و ژماره ته‌له‌فۆنه‌کانمانه‌وه په‌یوه‌ندیمان پێوه‌بکه‌یت و راوسه‌رنج وپێشنیارو داواکاریه‌کانى خۆت بخه‌یته‌روو.
07705066052
حکوومه‌ت و ده‌زگاکانى نه‌ته‌وه یه‌کگرتوه‌کان له ڕه‌وشى ئاواره‌کان ده‌کۆڵنه‌وه
9/21/2014 2:41:00 PM
جەماوەر نیوز
جه‌ماوه‌رنیوز
ده‌رباره‌ى ڕه‌وشى ئاواره و په‌نابه‌ران له سنوورى پارێزگاى دهۆک، پێشنیوه‌ڕۆى ئه‌مڕۆ یه‌کشه‌ممه 21 ى ئه‌یلوولى 2014 ، به سه‌رۆکایه‌تیى نێچیرڤان بارزانى سه‌رۆک وه‌زیرانى هه‌رێمى کوردستان و به ئاماده‌بوونى جێگرى سه‌رۆک وه‌زیران و، وه‌زیره په‌یوه‌نداره‌کانى حکوومه‌تى هه‌رێمى کوردستان وپارێزگارى دهۆک، کۆبوونه‌وه‌یه‌ک له‌گه‌ڵ لایه‌نه په‌یوه‌نداره‌کانى نه‌ته‌وه یه‌کگرتووه‌کان، ڕێکخراوى جیهانیى ته‌ندروستى WHO، به‌رنامه‌ى جیهانیى خۆراک WFP و کۆمیساری باڵاى کاروبارى په‌نابه‌رانى سه‌ر به نه‌ته‌وه یه‌کگرتووه‌کان UNHCR و ڕێکخراوى کاروبارى منداڵانى سه‌ر به نه‌ته‌وه یه‌کگرتووه‌کان UNICEF، له دهۆک ساز کرا.
له سه‌ره‌تاى کۆبوونه‌وه‌که‌دا ڕێکخراوه‌کانى نه‌ته‌وه یه‌کگرتووه‌کان، سوپاس و پێزانینیان پێشکه‌ش به حکوومه‌تى هه‌رێمى کوردستان کرد، که له ماوه‌یه‌کى پێوانه‌یى زوودا و به شێوه‌یه‌ک پێشبینى نه‌ده‌کرا، مامه‌ڵه‌ى له‌گه‌ڵ ڕووداوه‌کاندا کرد و توانى پێشوازى له‌و ژماره زۆره‌ى ئاواره‌کان بکات و داڵده‌یان بدات و پێداویستییه‌کانیان دابین بکات، هه‌روه‌ها لێزانى و لێهاتووییه‌کى ته‌واو بۆ چۆنیه‌تیى ڕووبه‌ڕووبوونه‌وه‌ى ڕه‌وشه‌که و به‌ڕێوه‌بردنى ئه‌و ژماره زۆره‌ى ئاواره‌کان، نیشان بدات.
پاشان به تێروته‌سه‌لى باس له ڕه‌وشى په‌نابه‌ران و ئاواره‌کان له هه‌موو ڕوویه‌که‌وه کرا و تیشک خرایه سه‌ر کێشه و گرفته‌کانیان، جه‌ختیش له‌وه کرایه‌وه که ئه‌وپه‌ڕى هاوکارى و هه‌ماهه‌نگى له نێوان ده‌زگا و ئاژانس و لایه‌نه په‌یوه‌نداره‌کانى نه‌ته‌وه یه‌کگرتووه‌کان و ده‌زگاکانى حکوومه‌تى هه‌رێمى کوردستاندا بکرێت، بۆ ئه‌وه‌ى به باشترین شێوه خزمه‌ت به په‌نابه‌ران و ئاواره‌کان بکرێت و کێشه و گرفته‌کانیان چاره‌سه‌ر و، پێداویستییه‌کانیان له ڕووى ژیارى و ته‌ندروستى و په‌روه‌رده‌یى و ته‌واوى خزمه‌تگوزارییه‌کانه‌وه دابین بکرێن.
له کۆتاییى کۆبوونه‌وه‌که‌دا سه‌رۆک وه‌زیرانى هه‌رێمى کوردستان، سوپاس و پێزانینى حکوومه‌تى هه‌رێمى کوردستانى پێشکه‌ش به ده‌زگا و ئاژانسه‌کانى نه‌ته‌وه یه‌کگرتووه‌کان کرد، بۆ ئه‌و کۆمه‌ک و هاوکارییانه‌ى له کوردستان به گشتى و له پارێزگاى دهۆک به تایبه‌تى پێشکه‌ش به ئاواره و په‌نابه‌رانى ده‌که‌ن، که بوونه‌ته هاوکارێکى گرنگى حکوومه‌تى هه‌رێمى کوردستان بۆ ڕووبه‌ڕبوونه‌وه‌ى ئه‌و ڕه‌وشه قورسه‌ى به هۆى زۆریى ژماره‌ى ئاواره و په‌نابه‌رانه‌وه که‌وتووه‌ته سه‌ر شانى حکوومه‌ت، به تایبه‌تى که حکوومه‌تى عیراق وه‌ک پێویست له‌م که‌یسه‌دا هاوکار نیه و ئه‌رکه‌کانى خۆى جێبه‌جێ نه‌کردووه.
وتار
-
ڕه‌وشى ڕۆژنامه‌نوسى کوردى یان جیهانی
07.02.2024 -
ره‌گه‌ز گۆڕین کارێکى قێزه‌وه‌ن و شووره‌ییه
29.01.2024 -
سوکایه‌تى و بێڕێزى له‌پاى چی؟
10.01.2024
زۆرترین خوێندراو
- ڕۆژ
- هەفتە
- مانگ
-
پارتی و یه‌كێتی له سه‌ر دوو وه‌زاره‌ت ڕێكنه‌كه‌وتوون
27.10.2022
-
دوورخستنەوەی سەرۆککۆماری پێشووی چین ئاشكرا ده‌كرێت
23.10.2022
-
له كفری پارتی سۆسیال دیموكرات خولێكی تۆپی پێ ده‌كاته‌وه
22.10.2022
-
پارتی سۆسیال دیموكرات گۆڕانكاری ئه‌نجامده‌دات
23.02.2023