ئه‌توانى له‌رێگاى ئیمه‌یڵ و ژماره ته‌له‌فۆنه‌کانمانه‌وه په‌یوه‌ندیمان پێوه‌بکه‌یت و راوسه‌رنج وپێشنیارو داواکاریه‌کانى خۆت بخه‌یته‌روو.
07705066052
نێچیرڤان بارزانى : هه‌رێمى کوردستان بێ جیاوازى پێشوازى له هه‌موو ئاواره و په‌نابه‌ران کردووه
12/16/2014 5:27:00 PM
جەماوەر نیوز
جه‌ماوه‌رنیوز
ئێواره‌ى ئه‌مڕۆ سێشه‌ممه 16ى کانوونى یه‌که‌مى 2014، نێچیرڤان بارزانى سه‌رۆک وه‌زیرانى هه‌رێمى کوردستان، پێشوازى له پاتریارک مار لویس ڕۆفائێل ـ یه‌که‌م ساکۆ، پاتریارکى کلدان له عیراق و جیهان و شاندێکى یاوه‌رى کرد.
له دیدارێکدا پاتریارک سوپاسى حکوومه‌تى هه‌رێمى کوردستان و سه‌رۆک وه‌زیرانى کرد بۆ پێشوازیکردن و داڵده‌دانى ئاواره مه‌سیحییه‌کان له هه‌رێمى کوردستان و ئاماژه‌ى به‌وه دا که هه‌ر چه‌نده ڕه‌وشى ئاواره‌کان قورسه، به‌ڵام ئه‌وان هه‌ست به غه‌ریبى ناکه‌ن و له هه‌رێمى کوردستان له‌ناو که‌سوکارى خۆیاندان. هه‌روه‌ها هیواى خواست حکوومه‌تى هه‌رێمى کوردستان بتوانێت سوود له تواناکانى مامۆستا و دکتۆر و کارمه‌ند و پیشه‌وه‌رانى ئاواره وه‌ربگرێت و ده‌رفه‌تى کاریان بۆ بڕه‌خسێنێت، تا بتوانن بارى ژیانى خۆیان باشتر بکه‌ن، هاوکاریى ئه‌و قوتابییه مه‌سیحیانه‌ش بکات که له خوێندن دابڕاون، تا بتوانن بکه‌ونه‌وه به‌ر خوێندن و تاقیکردنه‌وه‌کانیان نه‌فه‌وتێت.
پاتریارک هه‌موو ئاماده‌ییى که‌نیسه‌ى کاسۆلیکیشى ده‌ربڕى بۆ ئه‌وه‌ى په‌یوه‌ندییه‌کانى خۆى له‌گه‌ڵ ڤاتیکان و جیهانى مه‌سیحى به‌کار بێنێت تا له‌گه‌ڵ حکوومه‌تى هه‌رێمى کوردستان هاوکاریى ئاواره‌کان بکه‌ن. ئاماژه‌ى به‌وه‌ش دا که له دوایین دیداریدا له‌گه‌ڵ قه‌داسه‌تى پاپاى ڤاتیکان، باسى له هه‌موو هاوکاریه‌کانى خه‌ڵک و حکوومه‌تى هه‌رێمى کوردستان بۆ ئاواره مه‌سیحییه‌کان و ته‌واوى په‌نابه‌ران و ئاواره‌کانى دیکه له هه‌رێمى کوردستان کردووه و ڕۆڵى هه‌رێمى کوردستان و حکوومه‌تیان له‌مباره‌یه‌وه به‌رز هه‌ڵسه‌نگاندووه. هه‌روه‌ها هیواى خواست حکوومه‌تى عیراقیش ڕۆڵى خۆى ببینێت و باشتر به ده‌نگ ئاواره‌کانه‌وه بچێت و هاوکاریى زیاتریان بکات.
لاى خۆیه‌وه نێچیرڤان بارزانى دووپاتى کرده‌وه که هه‌رێمى کوردستان بێ جیاوازى پێشوازى له هه‌موو ئاواره و په‌نابه‌ران کردووه و ئه‌وه‌ى له توانایدا بووبێت، هاوکارى کردوون و یارمه‌تى داون، به هه‌مان شێوه‌ش به‌رده‌وام ده‌بن، هه‌روه‌ها سوپاسى پاتریارکى کرد که وێنه‌یه‌کى باشى هه‌رێمى کوردستانى گه‌یاندووه‌ته ڤاتیکان و جیهانى مه‌سیحى. بۆ چاره‌سه‌رکردنى کێشه‌کانى ئاواره مه‌سیحییه‌کانیش، بڕیارى دا لیژنه‌یه‌کى تایبه‌ت بۆ به‌دواداچوونى کێشه‌کان و دۆزینه‌وه‌ى چاره‌سه‌رى، له لایه‌نه په‌یوه‌نداره‌کانى حکوومه‌ت، پێک بهێنرێت.
وتار
-
ڕه‌وشى ڕۆژنامه‌نوسى کوردى یان جیهانی
07.02.2024 -
ره‌گه‌ز گۆڕین کارێکى قێزه‌وه‌ن و شووره‌ییه
29.01.2024 -
سوکایه‌تى و بێڕێزى له‌پاى چی؟
10.01.2024
زۆرترین خوێندراو
- ڕۆژ
- هەفتە
- مانگ
-
پارتی و یه‌كێتی له سه‌ر دوو وه‌زاره‌ت ڕێكنه‌كه‌وتوون
27.10.2022
-
دوورخستنەوەی سەرۆککۆماری پێشووی چین ئاشكرا ده‌كرێت
23.10.2022
-
له كفری پارتی سۆسیال دیموكرات خولێكی تۆپی پێ ده‌كاته‌وه
22.10.2022
-
پارتی سۆسیال دیموكرات گۆڕانكاری ئه‌نجامده‌دات
23.02.2023