به‌یاننامه‌ى مه‌ڵبه‌ندى ڕانیه‌ى (حسدک) له‌یادى 24 ساڵه‌ى ڕاپه‌ڕینه‌ مه‌زنه‌که‌دا

3/4/2015 12:14:00 PM
وێنەکان
به‌یاننامه‌ى مه‌ڵبه‌ندى ڕانیه‌ى (حسدک) له‌یادى 24 ساڵه‌ى ڕاپه‌ڕینه‌ مه‌زنه‌که‌دا
جەماوەر نیوز
جه‌ماوه‌رنیوز
 
مه‌ڵبه‌ندى رانه‌یه‌ى حزبى سۆسیالیست دیموکراتى کوردستان له‌ساڵیادى راپه‌رینه‌ مه‌زنه‌که‌ى 1991 که‌ ده‌روازه‌که‌ى له‌راپه‌رینه‌وه‌ ده‌ستى پێکرد به‌یاننامه‌یه‌ک بڵاو ده‌کاته‌وه‌ ئه‌مه‌ ده‌قه‌که‌یه‌تى : 

به‌یاننامه‌ى مه‌ڵبه‌ندى ڕانیه‌له‌یادى 24 ساڵه‌ى ڕاپه‌ڕینه‌ مه‌زنه‌که‌ى 5-3-1991    

کوردستانیانى خۆشه‌ ویست 
که‌سوکارى سه‌ربه‌رزى شه‌هیدان 
پێشمه‌رگه‌ قاره‌مانه‌کانى کوردستان 
جه‌ماوه‌رى شارى ڕانیه‌ى ده‌روازه‌ى ڕاپه‌ڕین 
خه‌بات وتیکۆشانى نه‌ته‌وه‌یمان له‌قۆناغه‌جیاکانى مێژوودا ڕووبه‌ڕووى ده‌یان کاره‌سات و نه‌هامه‌تى گه‌وره‌ بۆته‌وه‌ له‌لایه‌ن  داگیرکه‌رانى کوردستان، به‌ڵام بڕوابون به‌دۆزى ڕه‌واى گه‌له‌که‌مان و گیانى به‌رگرى و خۆڕاگرى  به‌تایبه‌ت له‌م به‌شه‌ى باشورى کوردستان دوژمنى ناچار به‌پاشه‌کشه‌و تێکشکان کردبوو، هه‌ربۆیه‌    ده‌ سه‌ڵاته‌ خۆسه‌پێنه‌کانى عێراق   به‌رده‌وام هه‌وڵى سڕینه‌وه‌ویان داوین و نکوڵیان له‌بونى نه‌ته‌ویمان کردوه‌ و   به‌هاتنه‌ سه‌ر کارى به‌عسیه‌کان وگرتنه‌ ده‌ستى جڵه‌وى ده‌سه‌ڵات پیلان وستراتیژیان بۆرێگرى له‌ شۆرش و کپکردنى ده‌نگى ئازادیخوازان خسته‌کارو هه‌نگاوه‌ کانیشیان به‌زیندان و ڕاگواستن و به‌به‌عسى کردن وخاپورکردنى دێهاته‌کان و زینده‌ به‌چاڵ و ئه‌نفال وکیمیاباران وده‌یان شێوازى دڕندانه‌ بو و، هه‌مووئه‌وکارانه‌یان بۆدابڕینى گه‌له‌مان بووه‌ له‌خاک و شۆرشه‌که‌ى وتوانه‌وه‌مان له‌ناو بۆته‌ى عه‌ره‌بیدا  ، به‌ڵام له‌گه‌ڵ هه‌موو ئه‌وکاره‌ وه‌حشیانه‌یاندا کوره‌ى خه‌باتى تێکۆشه‌رانمان گه‌رم ترده‌بوو ،سه‌نگه‌ره‌کانى پێشمه‌رگه‌ به‌هێزتر و  تۆڵه‌ ئه‌سه‌نترده‌بوون به‌جۆرێک هێزه‌ تێکۆشه‌ره‌کانى کوردستان به‌تایبه‌ت هێزه‌کانى حزبى سۆسیالست له‌وسه‌رده‌مه‌دا تاده‌هات زه‌برى گورچک بڕیان له‌دوژمن ده‌وه‌شاند و وانه‌ى به‌رگرى وخۆراگریان به‌گوێى دووژمنداده‌دا هێزو لایه‌نه‌ سیاسسیه‌کانی کوردستان هه‌میشه‌ به‌دوای ئه‌وده‌رفه‌ته‌دا ده‌گه‌ران که‌ له‌مێژه‌وه‌ به‌رنامه‌و پلانیان بۆدانابوو ، بۆیه‌ده‌ره‌ئه‌نجام ئیراده‌ى گه‌ل وشۆرشه‌که‌ى سه‌رکه‌وت له‌ 5-3-1991 دا و به‌پێى به‌رنامه‌یه‌کى به‌ره‌ى کوردستانى و به‌سود وه‌رگرتن له‌و بارودۆخه‌ى ڕژێم تێیکه‌وتبوو ، جه‌ماوه‌رى شارى ڕانیه‌  یه‌که‌م بڵێسه‌ی ڕاپه‌ڕینى جه‌ماوه‌رى به‌رپاکردو بڕواو متمانه‌ی گه‌ل و هێزی پۆڵاینی پێشمه‌رگه‌ قاره‌مانه‌کان بوو به‌یه‌که‌م ترووسکه‌ی شادی وپاک کردنه‌وه‌ی شاری ڕانیه‌. 
ئاشکراشه‌ هه‌رزوو هێزه‌کانى سۆسیالست خۆیان گه‌یانده‌ ناو شار بۆپشتیوانى جه‌ماوه‌رو ى ڕاپه‌رى و توانرا له‌ماوه‌یه‌کى که‌مدا ته‌واوی  شارى ڕانیه‌ ئازادبکرێت و کۆتاى به‌حوکمى ده‌یان ساڵه‌ى داگیرکه‌ران بهێنرێت و کڵپه‌ى ئه‌وڕاپه‌ڕینه‌ش تاده‌هات فراونتر ده‌بوو وره‌ی پۆڵاینی جه‌ماوه‌ری کوردستان ئه‌وه‌نده‌ به‌رزبوو تاله‌ماوه‌یه‌کی که‌مدا ته‌واوی شارو شارۆچکه‌کانی کوردستانی گرته‌وه‌ سه‌رئه‌نجام له‌ به‌روا 21-3-1991 کڵپه‌ی ڕاپه‌رین گه‌یشته‌ شاری که‌رکوکی خۆشه‌ویست و له‌وشاره‌دا ئاهه‌نگی جه‌ژنی نه‌ورۆز و ئازادکردنی  تێکه‌ڵ به‌یه‌ک بوون ،شاری کرکوک  تاجى سه‌رکه‌وتنى ڕاپه‌رینى له‌سه‌رنا .

جه‌ماوه‌رى تێکۆشه‌رى کوردستان ...

ئه‌مرۆ له‌ کاتێکدا یادى ڕاپه‌ڕین ده‌که‌ینه‌وه‌  کوردستان توشى شه‌ڕێکى نه‌خوازراوى داسه‌پاوبۆته‌وه‌ له‌لایه‌ن تاریک په‌رستان  چه‌کدارانی داعشه‌وه‌ که‌وڵاتمان  توشى بارودۆخێکى نائاساى بووه‌ به‌ڵام به‌ئیراده‌ى پۆڵاینى گه‌له‌که‌مان و هێزوبازوى پێشمه‌رگه‌ قاره‌مانه‌کانى کوردستان دڵنیاین سه‌رکه‌وتن هه‌ربۆگه‌له‌که‌مانه‌و دووژمنانیش شوێنیان زبڵدانى میژوو  ده‌بێت .
بۆیه‌ ئێمه‌ له‌ حزبی سۆسیالیست دیموکراتی کوردستان جه‌خت ده‌که‌ینه‌وه‌ له‌سه‌ر یه‌کڕیزی و یه‌ک هه‌ڵوێستی هێزولایه‌نه‌ سیاسیه‌کانی کوردستان ، ده‌سته‌که‌وته‌کانی ئه‌مرۆی گه‌له‌که‌مان که‌ به‌خوێنی شه‌هیدانمان به‌ده‌ست هاتووه‌ و کوردستانێکی ئارام وئازادی بۆجه‌ماوه‌ره‌که‌ی خوڵقاندووه‌ ،پاراستنی ئه‌م ده‌سته‌که‌وتانه‌ ئه‌رکی هه‌موولایه‌کمانه‌ ،وێڕاى هه‌بوونی ئه‌و گرفتانه‌ی ئێستا له‌کوردستان به‌دی ده‌کرێت، ئێمه‌ پشتوانی ته‌واوی داواکاریه‌کانی جه‌ماوه‌ری کوردستان و ئیداره‌ی ڕاپه‌رین ده‌که‌ین به‌تایبه‌تی پرسی به‌پارێزگابوونی ئیداره‌ی راپه‌رین وه‌له‌م یاده‌ مه‌زنه‌دا خۆمان  به‌داکۆکاریه‌کى ڕاسته‌ قینه‌ى داخوازى جه‌ماوه‌رى سنوره‌که‌مان ده‌زانین و پشتوانى له‌دواکاریه‌کانیان ده‌که‌ین .

له‌کۆتایدا به‌ڵێن دووپاتده‌که‌ینه‌وه‌ هه‌میشه‌و به‌رده‌وام پارێزه‌ری خاکی پیرۆزی کوردستان بین و داکۆکیکاری مافه‌ره‌واکانی جه‌ماوه‌ر بین. 

سڵاوبۆگیانی پاکی شه‌هیدان
سه‌رکه‌وتن بۆپێشمه‌رگه‌ قاره‌مانه‌کان 
شه‌کاوه‌بێت ئاڵای کوردستان
                                                                                        
مه‌ڵبه‌ندی ڕانیه‌
حزبی سۆسیالیست دیموکراتی کوردستان
4-3-2015 


لۆگۆ
سەرپێچی

وتار

زۆرترین خوێندراو