به‌یاننامه‌ی مه‌ڵبه‌ندی قه‌ڵادزێ (حسدک) له‌یادى 41 ساڵه‌ى بۆردومانکردنى قه‌ڵادزێ‌

4/24/2015 7:18:00 PM
وێنەکان
به‌یاننامه‌ی مه‌ڵبه‌ندی قه‌ڵادزێ (حسدک) له‌یادى 41 ساڵه‌ى بۆردومانکردنى قه‌ڵادزێ‌
جەماوەر نیوز
جه‌ماوه‌رنیوز

مه‌ڵه‌به‌ندى قه‌ڵادزێى حزبى سۆسیالیست دیموکراتى کوردستان به‌بۆنه‌ى یادى 41 ساڵه‌ى بۆردومانکردنى شارى قه‌ڵادزێ به‌یاننامه‌یه‌ک بڵاو ده‌کاته‌وه‌ که‌ئه‌مه‌ ده‌قه‌که‌یه‌تى :


به‌یاننامه‌ی مه‌ڵبه‌ندی قه‌ڵادزێى حزبی سۆسیالیست دیموکراتی کورستان

جه‌ماوه‌ری سه‌ربه‌رزی  کوردستان ...
خه‌ڵکی خۆراگری قه‌لادزێ و پشده‌ر...

ئاشکرایه‌41ساڵ پێش ئێستا رژێمی به‌عسی له‌ناوچوو تاوانێکی دڕندانه‌و گه‌وره‌ی ده‌رهه‌ق به‌شاری قه‌ڵادزێ  و رۆڵه‌و خوێندکارانی کوردستان ئه‌نجامدا. چونکه‌ له‌و ده‌مه‌دا که‌ رژێمی به‌عسی له‌ناوچوو له‌هه‌وڵی ئه‌وه‌دابوو نه‌خشه‌ی کوردستان به‌ته‌واوه‌تی بسڕێته‌وه‌ . خوێندنگه‌و قوتابخانه‌و زانکۆکانی کوردستانی کردبووه‌ ئامانج بۆمه‌رامه‌ تایبه‌تییه‌کانی خۆیان له‌و کاته‌شدا شاری قه‌ڵادزێ  باوه‌شی بۆناوه‌ندێکی گرنگی بواری زانست و مه‌عریفه‌ کردبووه‌وه‌. که‌ ئه‌ویش زانکۆی سلێمانی بوو. ئه‌مه‌ش وای کرد به‌عسییه‌ خوێن رێژه‌کان ، بۆردوومانی  شاری قه‌ڵادزییه‌ بکه‌ن وله‌و بۆردومانه‌دا چه‌ندین خوێندکاری زانکۆ و هاوڵاتی بێتاوان  شه‌هید بوون وخه‌ڵکی ده‌ڤه‌ره‌که‌ش ئاواره‌بوون.

جه‌ماوه‌ری تێکۆشه‌ری کوردستان ...

ئه‌مڕۆ له‌کاتێکدا یادی ئه‌و  کاره‌ساته‌  ده‌که‌ینه‌وه‌ که‌ هه‌رێمی کوردستان روبه‌روی  شه‌ڕێکی داسه‌پاو بۆته‌وه‌ له‌گه‌ڵ گروپێک چه‌کداری به‌ناوى(داعش ) له‌به‌رامبه‌ر ئه‌م شه‌ڕه‌ نه‌خوازراوه‌دا هێزه‌کانی  پێشمه‌رگه‌ قاره‌مانه‌کانی کوردستان به‌خوێنی خۆیان به‌رگری له‌خاکی پیرۆزی کوردستان  نیشتمانه‌که‌مان ده‌که‌ن، له‌گه‌ڵ  هاتنی چه‌کدارانی داعش بۆسنوره‌کانی کوردستان پێشمه‌رگه‌ قاره‌مانه‌کان و هێزو لایه‌نه‌سیاسیه‌کان به‌رده‌وام  له‌به‌رگریدابوون له‌و پێناوه‌شدا چه‌ندیدن پێشمه‌رگه‌ی قاره‌مان گیانی خۆیان کرده‌ قوربانی و شه‌هیدبوون .خه‌ڵکی ناوچه‌ی پشده‌روو قه‌ڵادزێ  له‌م کاته‌شدا له‌ قوربانیدان و به‌رگری کردندا پێشه‌نگ بوون  زۆرێک له‌شه‌هید و برینداره‌کان له‌ده‌ڤه‌ری پیشده‌رو بتوێنن ، که‌ ئه‌مه‌ش هێمایه‌ بۆخۆنه‌ویستی و دڵسۆزیتان بۆ کوردستان.

ئێمه‌ له‌حزبی سۆسیالیست دیموکراتی کوردستان  به‌ڵین دووپات ده‌که‌ینه‌وه‌ وه‌ک رابووردوو هه‌میشه‌ خۆمان به‌ پارێزه‌ری خاکی پیرۆزی کوردستان بزانین و ده‌نگمان ده‌خینه‌ پاڵ ده‌نگی جه‌ماوه‌ری قه‌ڵادزێ و ده‌وروبه‌ری له‌گه‌ڵ ته‌واوی خواست و داواکارییه‌کانتانداین. وه‌به‌پێویستی ده‌زانین که‌ حکومه‌تی هه‌رێمی کوردستان زیاتر ئاوڕ له‌خه‌ڵکی ئه‌م ناوچه‌یه‌بداته‌وه‌ . ته‌واوی داخوازییه‌کانیان بۆجێبه‌جێ بکات .

شه‌کاوه‌بێت ئاڵای پیرۆزی کوردستان ...

سڵاو بۆجه‌ماوه‌ری تێکۆشه‌ری قه‌ڵادزێ ...


مه‌ڵبه‌ندی  قه‌ڵادزێ‌ 
حزبی سۆسیالیست دیموکراتی کوردستان  
      24-4-2015


لۆگۆ
سەرپێچی

وتار

زۆرترین خوێندراو