کۆنکرێتى پرۆژه‌ى کارگه‌ى ئاردى تاسلوجه‌ ڕاده‌گیرێت

11/26/2015 6:27:00 PM
وێنەکان
کۆنکرێتى پرۆژه‌ى کارگه‌ى ئاردى تاسلوجه‌ ڕاده‌گیرێت
جەماوەر نیوز
جه‌ماوه‌رنیوز


له‌ پێناوى پاراستنى سه‌لامه‌تی گیانى هاوڵاتیان، لیژنه‌ هاوبه‌شه‌کانى قائیمقامیه‌تى سلێمانى خه‌باته‌ى  مه‌رکه‌زى ئاماده‌کردنى کۆنکرێت بۆ پرۆژه‌ى دروستکردنى کارگه‌ى ئاردى تاسلوجه‌ له‌ سلێمانى ڕاده‌گیرێت .

هه‌ردى حمه‌ره‌شید سه‌رۆکى لیژنه‌ى بیناسازى ڕایگه‌یاند: دروستکردنى بیناى کاره‌گه‌ى ئاردى تاسلوجه‌ که‌ له‌لایه‌ن کۆمپانیایه‌کى ناوخۆییه‌وه‌ جێبه‌جێ ده‌کرێت، هه‌ستاوه‌ به‌دانانى خه‌باته‌یه‌کى مه‌رکه‌زى له‌ناو پرۆژه‌که‌دا بۆ ئاماده‌کردنى کۆنکرێتى پرۆژه‌که‌ به‌ده‌ر له‌ مه‌رج و ڕێنماییه‌کانى پارێزگاى سلێمانی، که‌ پێویسته‌ مه‌وادى سروشتى به‌کارنه‌هێنرێت بۆ کۆنکرێت وه‌ک چه‌وو و بحص.

هه‌روه‌ها سه‌رۆکى لیژنه‌که‌ ئاماژه‌ى به‌ ئه‌وه‌ کرد که‌: دواى چه‌ند جارێک ئاگادارکردنه‌وه‌ و غرامه‌که‌ کردنى کۆمپانیایه‌که‌، پابه‌ند نه‌بووه‌ به‌جێبه‌جێ کردنى ڕێنماییه‌کان، دواجار له‌لایه‌ن قائیمقامی سلێمانىیه‌وه‌ بڕیارى ڕاگرتنی کاره‌کانی داوه‌.

ده‌رباره‌ى کاتی ڕێگه‌ پێدانیان بۆ دووباره‌ کارکردن، سه‌رۆکی لیژنه‌که‌ وتیشی: سه‌ره‌تا پێویسته‌  به‌ڵیننامه‌ پڕ ده‌کاته‌وه‌ که‌ پابه‌ندى سه‌رجه‌م ڕێنماییه‌کانى کارکردن بێت به‌ به‌کارهێنانى مه‌وادى بیناسازى شکێنراو (مکسر) له‌ ئاماده‌کردنى کۆنکرێتى پرۆژه‌که‌دا، پاشان رێگه‌ به‌ دووباره‌ کارکردنه‌وه‌ى ده‌ده‌ین.


لۆگۆ
سەرپێچی

وتار

زۆرترین خوێندراو