ئه‌توانى له‌رێگاى ئیمه‌یڵ و ژماره ته‌له‌فۆنه‌کانمانه‌وه په‌یوه‌ندیمان پێوه‌بکه‌یت و راوسه‌رنج وپێشنیارو داواکاریه‌کانى خۆت بخه‌یته‌روو.
07705066052
هیندستان کونسوڵخانه‌ى خۆى له هه‌رێمى کوردستان ده‌کاته‌وه
5/4/2016 2:21:00 PM
جەماوەر نیوز
جه‌ماوه‌رنیوز
سه‌رله‌به‌یانیى ئه‌مڕۆ چوارشه‌ممه 4 ى مایسى 2016 ، نێچیرڤان بارزانى سه‌رۆک وه‌زیرانى هه‌رێمى کوردستان، پێشوزاى له جۆرج ڕاجو باڵیۆزى هیندستان له عێراق و شاندێکى یاوه‌رى کرد.
له دیدارێکدا ڕاجو خۆشحاڵیى خۆى به سه‌ردان و ئازادى و ئارامیى هه‌رێمى کوردستان نیشان دا و سوپاس و پێزانینى خۆیشى بۆ هێزه‌کانى پێشمه‌رگه‌ى کوردستان ده‌ربڕى که توانیویانه له دژى تیرۆر به‌رگرى له وڵاتى خۆیان بکه‌ن. ئاشکراشى کرد که حکوومه‌تى هندستان ئاماده‌یه په‌یوه‌ندییه‌کى توندوتۆڵى دیپلۆماسى له‌گه‌ڵ هه‌رێمى کوردستان ببه‌ستێت و له‌مباره‌یه‌شه‌وه بڕیاریان داوه له داهاتوویه‌کى نزیکدا کۆنسوڵخانه‌ى گشتیى خۆیان له هه‌رێمى کوردستان بکه‌نه‌وه.
هه‌روه‌ها سوپاس و پێزانینى خۆیشیان بۆ ئه‌و چاودێرى و مامه‌ڵه باشه‌ى حکوومه‌تى هه‌رێمى کوردستان له‌گه‌ڵ کرێکاره هیندییه‌کان ده‌یکات، ده‌ربڕی.
ئاماژه‌ى به‌وه‌ش دا که بارودۆخى هه‌رێمى کوردستان بۆ پێشکه‌وتن و وه‌به‌رهێنان گونجاوه و ئاماده‌ییى خۆیشى نیشان دا خاوه‌ن کار و وه‌به‌رهێنه‌رانى هیندستان هان بدات بێن له هه‌رێمى کوردستان وه‌به‌رهێنان بکه‌ن. ئه‌وه‌شى دووپات کرده‌وه که بوار هه‌یه هه‌ماهه‌نگییه‌کى باش له نێوان هه‌رێمى کوردستان و هیندستاندا له ڕووى که‌لتوورى و ئیدارى و ئابووریدا دروست بکرێت و ئه‌وان ده‌توانن له بواره‌کانى خوێندنى باڵا و دابینکردنى کورسى خوێندن بۆ قوتابیانى هه‌رێمى کوردستان و مه‌شق و ڕاهێنان له بواره‌کانى کارگێڕى و به‌ڕێوه‌بردن و ته‌ندروستى بۆ کادیرانى حکوومه‌تى هه‌رێمى کوردستان، هاوکاریى هه‌رێمى کوردستان بکه‌ن.
لاى خۆیه‌وه سه‌رۆک وه‌زیرانى هه‌رێمى کوردستان سوپاسى ئه‌و سه‌ردانه‌ى کرد و پێشوازى له بڕیارى حکوومه‌تى هیندستان کرد به کردنه‌وه‌ى کونسوڵخانه‌ى گشتى له هه‌ولێر که ده‌بێته هۆى باشترکردنى په‌یوه‌ندییه‌کان له بواره‌کانى که‌لتوورى و ته‌ندروستى و ئابووریدا. باسى له‌وه‌ش کرد که ده‌رفه‌تى وه‌به‌رهێنان له هه‌رێمى کوردستان به‌هۆى قه‌یرانى دارایى و شه‌ڕى دژى تیرۆرستانى داعش هه‌ندێک سستى به‌خۆیه‌وه بینیوه، به‌ڵام دواى تێپه‌ڕاندنى ئه‌م قه‌یرانانه ئومێدى ڕه‌خساندنى ده‌رفه‌تى باشتر بۆ وه‌به‌رهێنان ده‌بێت و له‌م چوارچێوه‌یه‌شدا کۆمپانیاکانى هیندستان ده‌توانن له هه‌رێمى کوردستان وه‌به‌رهێنان بکه‌ن.
هه‌روه‌ها سوپاسى هاوکاریى حکوومه‌تى هیندستانى کرد به پێشکه‌شکردنى کورسى خوێندن بۆ قوتابیانى هه‌رێمى کوردستان له‌سه‌ر خه‌رجیى خۆیان و کۆرسى مه‌شق و ڕاهێنان به کادیرانى حکوومه‌تى هه‌رێم و هیواى خواست له‌مباریه‌وه له‌گه‌ڵ وه‌زاره‌ته په‌یوه‌ندیداره‌کانى حکوومه‌تى له په‌یوه‌ندیدا بن بۆ ئه‌وه‌ى ئه‌و پڕۆژه‌یه بکه‌وێته بوارى جێبه‌جێکردنه‌وه و پشتگیریى داموده‌زگاکانى حکوومه‌تیشى بۆ ئه‌و پڕۆژه‌یه دووپات کرده‌وه.
وتار
-
ڕه‌وشى ڕۆژنامه‌نوسى کوردى یان جیهانی
07.02.2024 -
ره‌گه‌ز گۆڕین کارێکى قێزه‌وه‌ن و شووره‌ییه
29.01.2024 -
سوکایه‌تى و بێڕێزى له‌پاى چی؟
10.01.2024
زۆرترین خوێندراو
- ڕۆژ
- هەفتە
- مانگ
-
پارتی و یه‌كێتی له سه‌ر دوو وه‌زاره‌ت ڕێكنه‌كه‌وتوون
27.10.2022
-
دوورخستنەوەی سەرۆککۆماری پێشووی چین ئاشكرا ده‌كرێت
23.10.2022
-
له كفری پارتی سۆسیال دیموكرات خولێكی تۆپی پێ ده‌كاته‌وه
22.10.2022
-
پارتی سۆسیال دیموكرات گۆڕانكاری ئه‌نجامده‌دات
23.02.2023