4
7 بارزانى و نوێنه‌رى سه‌رۆکى ئه‌مه‌ریکا له‌ هاوپه‌یمانێتى شه‌ڕى دژى داعش کۆبۆوه‌
13/3/2017
Increase text size Decrease text size

 جه‌ماوه‌رنیوز







ڕۆژى دووشه‌ممه‌ 13 ى مارسى  2017 له‌ سه‌لاحه‌دین به‌ڕێز مه‌سعود بارزانى سه‌رۆکى هه‌رێمى کوردستان پێشوازى له‌ بڕێت مه‌کگورگ نوێنه‌رى تایبه‌تى سه‌رۆکى ئه‌مه‌ریکا له‌ هاوپه‌یمانێتیى نێوده‌وڵه‌تیى شه‌ڕى دژى داعش و شاندێکى یاوه‌رى کرد که‌ پێکهاتبوو له‌ دۆگڵاس سڵیمان باڵیۆزى ئه‌مه‌ریکا له‌ عێراق و کین گرووس کونسوڵى ئه‌مه‌ریکا له‌ هه‌ولێر و جه‌نه‌ڕاڵ داونسێند فه‌رمانده‌ى هێزه‌کانى ئه‌مه‌ریکا له‌ عێراق و ژماره‌یه‌ک ڕاوێژکارى باڵیۆزخانه‌ و سوپاى ئه‌مه‌ریکا له‌ عێراق.

له‌ دیداره‌که‌دا نوێنه‌رى تایبه‌تى سه‌رۆکى ئه‌مه‌ریکا له‌ هاوپه‌یمانێتیى نێوده‌وڵه‌تیى شه‌ڕى دژى داعش جه‌ختیشى له‌وه‌ کرده‌وه‌ ئارامیى و سه‌قامگیریى کوردستان بۆ وڵاته‌که‌ى جێگه‌ى بایه‌خه‌ و په‌یوه‌ست به‌ بارودۆخى شنگال ئه‌وه‌ى ڕاگه‌یاند که‌ ئه‌مه‌ریکا نایه‌وێ جگه‌ له‌ هێزه‌ فه‌رمییه‌کانى هه‌رێمى کوردستان و عێراق هیچ هێزێکى تر له‌م ده‌ڤه‌ره‌ بێت.

هه‌ر له‌م دیداره‌دا هه‌ردوولا خۆشحاڵیى خۆیان نیشاندا له‌وه‌ى هه‌ماهه‌نگیى نێوان پێشمه‌رگه‌ و هاوپه‌یمانان و هێزه‌کانى سوپاى عێراق سه‌رکه‌وتن و ئه‌نجامى زۆر باشى لێکه‌وتووه‌ته‌وه‌.

له‌ به‌شێکى دیکه‌ى کۆبوونه‌وه‌که‌دا په‌یوه‌ندییه‌کانى نێوان حکوومه‌تى هه‌رێم و به‌غدا و بارودۆخى سیاسیى ناوچه‌که‌ و شه‌ڕى تیرۆریستانى داعش له‌ سووریا و عێراق تاوتوێ کرا.

په‌یوه‌ندییه‌کانى نێوان هه‌رێمى کوردستان و ئه‌مه‌ریکا ته‌وه‌رێکى دیکه‌ى دیداره‌که‌ بوو و شاندى میوان جه‌ختیان له‌ به‌رده‌وامیى وڵاته‌که‌یان له‌ پێشکه‌شکردنى هاوکارى بۆ هێزى پێشمه‌رگه‌ى کوردستان کرده‌وه‌.


ناو
کۆمێنت



hizb
5
ئایا کورد ده‌توانێ سود له‌بارودۆخى دواى داعش وه‌ربگرێ ؟


چه‌مکى ئاشتى لاى حزبى سۆسیالیست دیموکراتى کوردستان
قۆناغه‌ گرنگه‌کانى خه‌بات و تیکۆشانى سۆسیالیست له‌ ٤۱ ساڵى ڕابردودا
فێڵبازه‌ بێ‌ ویژدانه‌که‌ به‌رده‌وامه‌ له‌ڕاوی نێچیری زیاتر
داعش به‌ به‌رپرسیار داده‌نرێت له‌ ئه‌نجامدانى پاکتاوى نه‌ژادى دژ به‌ کورد و که‌مینه‌کانى تر
دیندار زێباری: هه‌میشه‌ کوردستان شوێنى پێکه‌وه‌ژیانى نێوان پێکهاته‌ ئایینى و مه‌زهه‌بییه‌ جیاوازه‌کان بووه‌
شه‌ڕی حه‌ویجه‌ ئاسانه‌و جارێکی تر پێشمه‌رگه‌و حه‌شد رووبه‌رووی یه‌ک نابنه‌وه‌
Created by AVESTA Group