به‌ڕێز محه‌مه‌دى حاجى مه‌حمود پێشوازى له‌یه‌کێتى په‌رله‌مانتارانى کوردستان ده‌کات

3/16/2017 5:10:00 PM
وێنەکان
به‌ڕێز محه‌مه‌دى حاجى مه‌حمود پێشوازى له‌یه‌کێتى په‌رله‌مانتارانى کوردستان ده‌کات
جەماوەر نیوز
جه‌ماوه‌رنیوز







  ئه‌مڕۆ پێنج شه‌ممه‌ 16 ى مارسى 2016 ، به‌ڕێز محه‌مه‌دى حاجى مه‌حمود  له‌شوێنى تایبه‌تى خۆى له‌گوندى گوڵه‌خانه‌ى ده‌ڤه‌رى شاره‌زوور به‌ئاماده‌بونى ژماره‌یه‌ک له‌ئه‌ندامانى ئه‌نجومه‌نى سه‌رکردایه‌تى حزبى سۆسیالیست دیموکراتى کوردستان پێشوازیکرد له‌ شاندێکى یه‌کێتى په‌رله‌مانتارانى کوردستان .

له‌ دیدارێکدا باس له‌ بارودۆخى سیاسى کوردستان و عێراق و ناوچه‌که‌ و شه‌ڕى روبه‌روبونه‌وه‌ى داعش کرا ،له‌وروه‌شه‌وه‌ به‌گرنگیه‌وه‌ باس له‌ ڕۆڵ و قوربانیدانى پێشمه‌رگه‌ کرا که‌ توانیان به‌ر به‌داگیرکارى داعش بگرن و نه‌هێڵین خاکى کوردستان داگیر بکه‌ن که‌ ئه‌م به‌رخودان و قوربانیدانه‌ى پێشمه‌رگه‌ توانى به‌شێکى زۆرى خاکى داگیرکراوى کوردستان بگه‌ڕێنێته‌وه‌ سه‌ر هه‌رێم و ئێستا زۆربه‌ى ئه‌و خاکه‌ ئازادکراونه‌ له‌لایه‌ن هێزى پیشمه‌رگه‌ى کوردستان پارێزگارى لێده‌کرێت ،پێشمه‌رگه‌ رۆڵى گه‌وه‌رى بینى له‌پرۆسه‌ى ئازادکردنه‌وه‌ى شارى موسڵ .

ئاماژه‌درا به‌کاره‌ساتى گه‌وه‌رى کیمیابارنکردنى هه‌ڵه‌بجه‌ که‌ئه‌مڕۆ هاوکاتبوو له‌گه‌ڵ 29 ساڵه‌ى ئه‌و کاره‌ساته‌ى به‌سه‌ر نه‌ته‌وه‌که‌مان هات له‌سه‌رده‌ستى رژێمى به‌عسى عێراقى که‌ پێنج هه‌زار هاوڵاتى شه‌هید بوون و به‌هه‌زارنى دیکه‌ش بریندارو بێ سه‌رو شوێن بوون و تائێستاش کاریگه‌رى ئه‌و چه‌که‌ ماوه‌ له‌سه‌ر دانیشتوانى ئه‌و شاره‌و به‌رکه‌وتوانى چه‌کى کیمیایى پێویستیان به‌چاودێرى و هاوکارى زیاتر هه‌یه‌ .
   
هه‌روه‌ها باس له‌قه‌یرانى سیاسى عێراق و هه‌رێمى کوردستان کرا ، به‌پێویستیش زاندرا هه‌موو لایه‌ک هه‌وڵه‌کانیان چڕکه‌نه‌وه‌ بۆ تێپه‌ڕاندنى ئه‌و قه‌یرانه‌ سیاسى و داراییه‌ى روبه‌روى هه‌رێمى کوردستان بۆته‌وه‌ که‌به‌شێوه‌یه‌ک کاریگه‌رى نێگه‌تیڤى کردۆته‌ سه‌ر ژیانى هاوڵاتیان.

له‌ته‌وه‌رێکى ترى دیداره‌که‌دا جه‌خت له‌سه‌ر په‌یوه‌ندى تێوان لایه‌نه‌ سیاسیه‌کان و یه‌کریزى و ته‌بایى نێوانیان کرایه‌وه‌ به‌تایبه‌تى که‌له‌ئێستادا ناوچه‌که‌ به‌ره‌و گۆڕانکارى گه‌وه‌رده‌روات ،بۆ سود وه‌رگرتن له‌و گۆڕانکاریانه‌ش کورد پێویستى به‌یه‌کریزى و یه‌کگوتارى هه‌یه‌ بۆبه‌ده‌ستهێنانى مافه‌کانى.

له‌لاى خۆیانه‌وه‌ شاندى یه‌کێتى په‌رله‌مانتارانى کوردستان  سوپاسى به‌رێز محه‌مه‌دى حاجى مه‌حمودیان  کردو رۆڵى به‌رێزیان و حزبى سۆسیالیست دیموکراتى کوردستانیان له‌سه‌رجه‌م بواره‌کاندا به‌رز نرخاند به‌تایبه‌تى که‌هه‌میشه‌ خه‌مخۆرى ئاشتى پێکه‌وه‌ژیان بوون ، هیواشیان خواست  به‌هه‌مولایه‌ک هه‌وڵه‌کانیان چڕبکه‌نه‌وه‌ بۆئه‌وه‌ى خزمه‌تى زیاتر به‌ره‌وشى هه‌رێمى کوردستان بکه‌ن و نێوماڵى کوردى به‌هێز بکه‌ن له‌پێناو گه‌یشتن به‌ مافه‌کانى گه‌له‌که‌مان و سه‌ربه‌خۆى کوردستان.


لۆگۆ
سەرپێچی

وتار

زۆرترین خوێندراو