ده‌زگاى پێشمه‌رگه‌ى سۆسیالیست دامه‌زراندنى هێزێک بۆ سۆسیالیست ره‌تده‌کاته‌وه‌

3/23/2017 8:04:00 PM
وێنەکان
ده‌زگاى پێشمه‌رگه‌ى سۆسیالیست دامه‌زراندنى هێزێک بۆ سۆسیالیست ره‌تده‌کاته‌وه‌
جەماوەر نیوز
جه‌ماوه‌رنیوز







ده‌زگاى کاروبارى پێشمه‌رگه‌ى حزبى سۆسیالیست دیموکراتى کوردستان له‌رونکردنه‌وه‌یه‌کدا بۆ رایگشتى ره‌تیده‌کاته‌وه‌ که‌هێزێکى چه‌کدار بۆ حزبى سۆسیالیست دیموکراتى کوردستان داده‌مه‌زرێَت .

ئه‌مه‌ده‌قه‌که‌یه‌تى :
 

وه‌ڵامێک بۆ ژماره‌یه‌ک ڕاگه‌یاندن و په‌یامێک بۆ ڕاى گشتى 

ماوه‌یه‌که‌ ژماره‌یه‌ک ڕاگه‌یاندنى سێبه‌ر هه‌واڵى ناراست و چه‌واشه‌کارى له‌سه‌ر هێزه‌کانى حزبى سۆسیالیست دیموکراتى کوردستان بڵاوده‌که‌نه‌وه‌  که‌ ئامانج له‌م هه‌واڵانه‌ شاردنه‌وه‌ى شکستى خاوه‌نى ئه‌و ڕاگه‌یاندنانه‌ و به‌لاڕێدابردنى ڕاى گشتى و چه‌واشه‌کارییه‌ و هه‌وڵدانه‌ بۆ ناشیرینکردنى خه‌باتى حزبى سۆسیالیست دیموکراتى کوردستان .

له‌ نوێترین هه‌واڵى بێبنه‌مادا بڵاویانکردووه‌ته‌وه‌ گوایه‌ "هێزێکى چه‌کدار بۆ حزبى سۆسیالیست دیموکراتى کوردستان داده‌مه‌زرێنێت " .

له‌کاتێکدا سه‌رله‌به‌رى ئه‌و هه‌واڵه‌ ڕه‌تده‌که‌ینه‌وه‌ ، ڕایده‌گه‌یه‌نین ناوه‌ڕۆک و مه‌به‌ستى هه‌واڵه‌که‌ سوکایه‌تییه‌ به‌رانبه‌ر به‌و پێشمه‌رگانه‌ى که‌ ماوه‌ى سێ ساڵه‌ خۆبه‌خشانه‌ له‌ سه‌نگه‌ره‌کاندا له‌ به‌رانبه‌ر داعش ده‌جه‌نگن و خوێنده‌به‌‌خشن له‌پێناو پارێزگارى و ڕزگارى خاکى کوردستان .

مێژوو و جه‌ماوه‌رى کوردستان شایه‌تن که‌ حزبى سۆسیالیست دیموکراتى کوردستان هه‌ر له‌ سه‌ره‌تاى درووستبوونییه‌وه‌ تا ئه‌مڕۆ خاوه‌نى هێزى پێشمه‌رگه‌ى خۆی بووه‌ و به‌شدارى هه‌موو سه‌روه‌رییه‌کانى ئازادى و ڕزگارى کوردستانى کردووه‌ له‌و ڕێگایه‌شدا هه‌زاران شه‌هیدى به‌خشیوه‌ . 
له‌ دواى ڕاپه‌ڕینیشه‌وه‌ شه‌ره‌فى یه‌که‌مین فێرگه‌ى نیزامى بۆ پێشمه‌گه‌ به‌ر ئه‌م حزبه‌ ده‌که‌وێت و ده‌یان خولى پێگه‌یاندنى بۆ پێشمه‌رگه‌ کردووه‌ته‌وه‌‌ و هه‌زاران پێشمه‌رگه‌ى په‌روه‌رده‌کردووه‌ که‌ ئێستا ژماره‌یه‌ک له‌و پێشمه‌رگانه‌ى له‌فێرگه‌کانى حزبى سۆسیالیست دیموکراتى کوردستاندا په‌روه‌رده‌ کراون له‌ وه‌زاره‌تى پێشمه‌رگه‌دا بوونه‌ته‌ سه‌رمه‌شق بۆ هێزه‌کانى پێشمه‌رگه‌ى کوردستان .

هه‌موولایه‌ک ئه‌و ڕاستییه‌ ده‌زانن له‌ دواى یه‌کگرتنه‌وه‌ى ئیداره‌کان هه‌موو هێزه‌کانى پێشمه‌رگه‌ یه‌کیاننه‌گرته‌وه‌ وه‌ک هه‌نگاوى یه‌که‌م بۆ یه‌کگرتنه‌وه‌ى هێزى پێشمه‌رگه‌ چه‌ند هێزێک له‌ چوارچێوه‌ یه‌که‌ى ٧٠ و یه‌که‌ى ٨٠ ڕێکخران که‌ ژماره‌یه‌ک له‌ پێشمه‌رگه‌کانمان له‌ ڕێگاى ئه‌و یه‌کانه‌وه‌ چوونه‌ ناو هێزى پێشمه‌رگه‌ى یه‌کگرتووى کوردستان و پابه‌ندى بڕیارى یه‌که‌کانیان بوون و له‌ شه‌ڕى ڕووبه‌ڕووبوونه‌وه‌ى داعشدا له‌هه‌ردوو یه‌که‌که‌دا شه‌هید و بریندامان داوه‌ .
هه‌روه‌ها ژماره‌یه‌ک پێشمه‌رگه‌مان نه‌ له‌ وه‌زاره‌تى پێشمه‌رگه‌ نه‌ له‌ یه‌که‌کان ڕێکنه‌خران به‌ڵام هه‌ر به‌وجۆره‌ش خۆبه‌خشان و ئازایانه‌ و له‌ ماوه‌ى شه‌ڕى داعشدا به‌شداربووین و شه‌هید و بریندارمان هه‌یه‌ .

ئێمه‌ له‌ ده‌زگاى کاروبارى پێشمه‌رگه‌ى حزبى سۆسیالیست دیموکراتى کوردستان به‌رده‌وام داوامانکردووه‌ و ئێستاش داواکه‌مان دووپاتده‌که‌ینه‌وه‌ که‌ هێزى پێشمه‌رگه‌ى کوردستان یه‌کبگرێته‌وه‌ و پێشمه‌رگه‌کانمان له‌ چوارچێوه‌ى وه‌زاره‌تى پێشمه‌رگه‌ ڕێکبخرێن .
لێره‌وه‌ به‌و ڕاگه‌یاندنانه‌ش ده‌ڵێن ئاراسته‌ى کارکردنتان نابه‌رپرسیارانه‌ و دوژمنکارانه‌یه‌ ، له‌برى ده‌ستخۆشى و هاندانى پێشمه‌رگه‌کانمان که‌ ڕۆڵه‌ى ئه‌م ووڵاته‌ن و به‌ گیرفانى خاڵییه‌وه‌ به‌رگرى له‌ نیشتمان ده‌که‌ن ، 
له‌برى دڵنه‌وایى که‌سوکارى شه‌هیده‌کانمان ،
له‌برى هیوابه‌خشین به‌برینداره‌کانمان که‌ هه‌ندێکیان پێویستیان به‌ چاره‌سه‌ره‌ له‌ ده‌ره‌وه‌ى ووڵات و تا ئێستا ئاوڕیان لێنه‌دراوه‌ته‌وه‌ ئێوه‌ دێن درۆمان بۆ هه‌ڵده‌به‌ستن  .

سه‌رکه‌وتن بۆ پێشمه‌رگه‌ 
سه‌رکه‌وتن بۆ کوردستان 



ده‌زگاى کاروبارى پێشمه‌رگه‌ى حزبى سۆسیالیست دیموکراتى کوردستان


لۆگۆ
سەرپێچی

وتار

زۆرترین خوێندراو