بارزانى ده‌زگا په‌یوه‌ندیداره‌کانى راسپاردووه‌ هێرشکاره‌کانى سه‌ر فه‌رهاد پیرباڵ ده‌ستگیر بکه‌ن

4/12/2017 10:02:00 PM
وێنەکان
بارزانى ده‌زگا په‌یوه‌ندیداره‌کانى راسپاردووه‌ هێرشکاره‌کانى سه‌ر فه‌رهاد پیرباڵ ده‌ستگیر بکه‌ن
جەماوەر نیوز
 جه‌ماوه‌رنیوز







سه‌رۆکایه‌تى هه‌رێمى کوردستان له‌باره‌ى هێرشکردنه‌سه‌ر فه‌رهاد پیرباڵ رایگه‌یاند "سه‌رۆکى هه‌رێمى کوردستان ئاگادارى ئه‌م بابه‌ته‌یه‌ و دڵگرانه‌ به‌و رووداوه‌ و ده‌زگا په‌یوه‌ندیداره‌کانى راسپاردووه‌ ئه‌نجامده‌رانى هێرشه‌که‌ ده‌ستگیر بکه‌ن".

ئێواره‌ى رۆژى چوارشه‌ممه‌ 12 ى نیسانى 2017، گرته‌یه‌کى ڤیدیۆیى بڵاو کرایه‌وه‌ که‌له‌نێو بازارى شارى هه‌ولێر  دوو که‌س هێرشده‌که‌نه‌سه‌ر فه‌رهاد پیرباڵ و به‌توندى ئازارى ئه‌ده‌ن له‌به‌ر چاوى خه‌ڵک  به‌مه‌ش ده‌نگدانه‌وه‌ زۆرى به‌دوایخۆیدا هێنا ،به‌تایبه‌تى تۆڕه‌ کۆمه‌ڵایه‌تیه‌کانى هه‌ژاند ، به‌هۆیه‌شه‌وه‌ به‌رێز مه‌سعود بارزانى فه‌رمانى ده‌ستگیر کردنى ئه‌و دووکه‌سه‌ى ده‌رکرد.

ده‌قى راگه‌یێندراوه‌که‌ى گوته‌بێژى سه‌رۆکایه‌تى هه‌رێمى کوردستان

سه‌باره‌ت به‌ رووداوى هێرشکردنه‌ سه‌ر د. فه‌رهاد پیرباڵ له‌ رۆژى چوارشه‌ممه‌ 12-4-2017 له‌ هه‌ولێر, به‌ گشت لایه‌ک راده‌گه‌یه‌نین که‌ به‌رێز سه‌رۆکى هه‌رێمى کوردستان ئاگادارى ئه‌م بابه‌ته‌یه‌ و دڵگرانه‌ به‌و رووداوه‌ و ده‌زگا په‌یوه‌ندداره‌کانى راسپاردووه‌ ئه‌نجامده‌رانى هێرشه‌که‌ ده‌سگیر بکه‌ن ، بۆ ئه‌وه‌ى بدرێنه‌ دادگا، تا به‌ پێى یاسا ئیجرائاتیان له‌گه‌ڵدا بکرێ.

ئومێد سه‌باح ، گوته‌بێژى فه‌رمى سه‌رۆکایه‌تى هه‌رێمى کوردستان  


لۆگۆ
سەرپێچی

وتار

زۆرترین خوێندراو