له‌سه‌ر ڕاوکردنى ماسى 9 که‌س ده‌ستگیر ده‌کرێن

6/18/2017 9:43:00 PM
وێنەکان
له‌سه‌ر ڕاوکردنى ماسى 9 که‌س ده‌ستگیر ده‌کرێن
جەماوەر نیوز
جه‌ماوه‌رنیوز







تا ئێستا وه‌رزى  قه‌ده‌غه‌ى ڕاوکردنى ماسى به‌رده‌وامه‌ و له‌وپێناوه‌شدا مه‌فره‌زه‌کانى پۆلیسى دارستان له‌سه‌رجه‌م به‌ش و بنکه‌کان و سه‌رده‌ریاچه‌ و ڕووباره‌کان به‌رده‌وامه‌ به‌وپه‌ڕى توانا ڕێگرى له‌ سه‌رپێچیکار ان ده‌گرن و له‌و پێناوه‌شدا له‌ماوه‌ى ( 24 ) کاتژمێرى ڕابردوودا له‌لایه‌ن مه‌فره‌زه‌کانى به‌شى پۆلیسى دارستان و ژینگه‌ى ماوه‌ت  توانراوه‌ ( 9 ) هاوولاتى سه‌رپێچیکار له‌سه‌ر دیارده‌ى ڕاوکردنى ماسى ده‌ستگیر بکرێن و ڕاده‌ستى دادگا بکرێن . 

له‌وباره‌یه‌وه‌  عه‌قیدى پۆلیس  هێمن کمرخان ئه‌فندى  به‌ڕێوه‌به‌رى ڕاگه‌یاندنى به‌ڕێوه‌به‌رایه‌تى پۆلیسى دارستان و ژینگه‌ى پارێزگاى سلێمانى ڕایگه‌یاند : له‌پێناو پاراستنى سامانى ماسى و سوود گیاندن به‌و هاوولاتیانه‌ى پیشه‌یان ڕاورکدنى ماسى یه‌ به‌ پێى ڕێنماییه‌کان  تا ئێستا ماوه‌ى قه‌ده‌غه‌ى ڕاوکردنى ماسى به‌رده‌وامه‌ و له‌و پێناوه‌شدا مه‌فره‌زه‌کانمان له‌سه‌ر ده‌ریاچه‌ و ڕوباره‌کان به‌رده‌وامه‌ .

عه‌قید  هێمن کمرخان ئاماژه‌ى به‌وه‌کرد  که‌ له‌ماوه‌ى  ( 24 )  کاتژمێرى ڕابردوودا له‌سنورى قه‌زاى ماوه‌ت له‌لایه‌ن مه‌فره‌زه‌کانى به‌شى پۆلیسى دارستان و ژینگه‌ى ماوه‌ت  له‌ دوو چالاکى جیوازدا   9    هاوولاتى له‌سه‌ر دیارده‌ى ڕاوکردنى ماسى ده‌ستگیرکراون  و هاوکات ده‌ستگیراوه‌ به‌سه‌ر  یه‌ک تاپڕو یه‌ک بلاجکتۆر و پێنج تۆڕى  ماسى گرتن دا .

جه‌ختیشى له‌وه‌کرده‌وه‌  که‌ سه‌رجه‌م ده‌ستگیرکراوه‌کان و ده‌ست به‌سه‌رداگیراوه‌کان ڕاده‌ستى یاسا کراون بۆ وه‌رگرتنى لێپێچینه‌وه‌  .


لۆگۆ
سەرپێچی

وتار

زۆرترین خوێندراو