4
7 زیاتر له‌ 20 هه‌زار دۆنم پوش و پاوان ده‌سوتێ
17/7/2017
Increase text size Decrease text size

جه‌ماوه‌رنیوز







له‌ماوه‌ى (2) دوو ڕۆژى ڕابردوودا ئاگرێکى فراوان له‌سنورى گونده‌کانى چه‌مى ڕه‌زان که‌وته‌وه‌ و به‌وهۆکاره‌ش ڕوبه‌رێکى زۆر فراوان له‌ پوش و پاوان و دارى سروشتى و ڕه‌ز و باخى هاوولاتیان سووتان و زیانى زۆریان پێگه‌یشت .

له‌وباره‌یه‌وه‌  عه‌قیدى پۆلیس  هێمن کمرخان افندى  به‌ڕێوه‌به‌رى ڕاگه‌یاندنى به‌ڕێوه‌به‌رایه‌تى پۆلیسى دارستان و ژینگه‌ى پارێزگاى سلێمانى ڕایگه‌یاند به‌پێى سه‌رچاوه‌کانى هه‌واڵ له‌به‌شى پۆلیسى دارستان و ژینگه‌ى دووکان له‌ماوه‌ى دوو ڕۆژى ڕابردوودا له‌ سنورى گوندى (قۆچه‌بلاغ )که‌وته‌وه‌ ، ده‌ست به‌جێ مه‌فره‌زه‌یه‌کى بنکه‌ى پۆلیسى دارستانى پیره‌مه‌گرون گه‌یشتونه‌ته‌ شوێنى ڕوداوه‌که‌ و به‌هاوکارى ئاگرکوژێنه‌وه‌ى پیره‌مه‌گرون ئاگره‌که‌ کۆنترۆڵکراوه‌ و به‌وهۆکاره‌ش نزیکه‌ى( 500) دۆنم له‌ پوش و پاوان سوتاوه‌ .

دواتر له‌سنورى گوندى شێخ زه‌ینه‌ڵ ئاگرێکى تر سه‌رى هه‌ڵداوه‌ و به‌هۆى بوونى بایه‌کى به‌هێز ئاگره‌که‌ ته‌شه‌نه‌ى کردووه‌ بۆ سنورى گونده‌کانى ( بیران / قۆچبلاغ / ده‌ره‌نار / سیکانیان و چه‌ند گوندێکى تر ) به‌هۆى فراوانى ڕوبه‌رى ئاگره‌که‌ و سه‌ختى سنوره‌که‌ ئه‌رکى کۆنترۆڵکردنى ئاگره‌که‌ قورس بوه‌ و به‌مــاوه‌ى زیــاتـر لـــه‌( 15 )کاتژمێر هه‌وڵدان ئاگره‌که‌ کۆنترۆڵکراوه‌ .

به‌هۆى ئه‌و ڕوبه‌ره‌ فراوانه‌ى ئاگره‌که‌وه‌ زیاتر له‌ (20 ) بیست هه‌زار دۆنم له‌ پوش و پاوان و دارى سروشتى سوتاون و زیانێکى زۆر به‌ر سروشتى ناوچه‌که‌ که‌وتوه‌ و چه‌ندین ئاژه‌ڵ و باڵنده‌ى کێوى زیانیان پێگه‌یشتووه‌ .

به‌پێى به‌دواداچوونه‌کان ده‌رکه‌وتوه‌ هۆکارى ئاگرکه‌وتنه‌وه‌کان به‌هۆى پابه‌ندنه‌بوونى هاوڵاتیان و پاشماوه‌ى به‌جێماوى گه‌شتیاران و هاوڵاتیانه‌وه‌ ڕویداوه‌ و دواتر ئاگره‌که‌ ته‌شه‌نه‌ى کردووه‌.

عه‌قید هێمن  په‌یامى بۆ هاووڵاتیان ئه‌وه‌یه‌ با به‌هه‌موومان ژینگه‌ى و سروشتى کوردستان بپارێزین به‌تایبه‌تى له‌م وه‌رزه‌دا هاووڵاتیان ڕوو ده‌که‌نه‌ ده‌شت و چیا کان زۆر دڵنیابن له‌ پاشماوه‌ى  ئاگرو پشکۆ له‌ دواى خۆیان به‌جێ نه‌هێڵن بۆ ئه‌وه‌ى کاره‌ساتى گه‌وره‌ ڕوونه‌دات.


ناو
کۆمێنت



hizb
5
ئایا کورد ده‌توانێ سود له‌بارودۆخى دواى داعش وه‌ربگرێ ؟


ئه‌نجامدانى ڕیفراندۆم له‌جوگرافیاى قه‌یرانى به‌هاکاندا کارێکى ناوازه‌یه‌
ئایا به‌به‌شدارى سه‌رجه‌م لایه‌نه‌کان په‌رله‌مانى کوردستان کاراده‌کرێته‌وه‌
چه‌مکى ئاشتى لاى حزبى سۆسیالیست دیموکراتى کوردستان
هه‌رێمى کوردستان سیسته‌مى په‌روه‌رده‌ى له‌ پێشینه‌ى کاره‌کانى داناوه‌
هه‌نگاوه‌ نوێیه‌کانى ڕووسیا له‌ ڕۆژهه‌ڵاتى ناوه‌ڕاست
ئاواره‌کانى جه‌رف ئه‌لسه‌خر گه‌ڕانه‌وه‌یان لێ قه‌ده‌غه‌ ده‌کرێ‌
Created by AVESTA Group