حکومه‌تى هه‌رێم ده‌ست به‌سه‌راگرتنى داهاتى نه‌وتى هه‌رێم له‌لایه‌ن تورکیاوه‌ ره‌تده‌کاته‌وه‌

7/17/2017 6:48:00 PM
وێنەکان
حکومه‌تى هه‌رێم ده‌ست به‌سه‌راگرتنى داهاتى نه‌وتى هه‌رێم له‌لایه‌ن تورکیاوه‌ ره‌تده‌کاته‌وه‌
جەماوەر نیوز
جه‌ماوه‌رنیوز








حکومه‌تى هه‌رێمى کوردستان ده‌ست به‌سه‌اگرتنى  داهاتى نه‌وتى حکوومه‌تى هه‌رێمى کوردستان له‌لایه‌ن تورکیاوه‌ به‌هۆکارى سیاسى ره‌تده‌کاته‌وه‌ .

ده‌رباره‌ى هه‌واڵى چه‌ند ده‌زگایه‌کى ڕاگه‌یاندن که‌ گوایه‌ به‌ هۆکارى سیاسى له‌ تورکیا ده‌ست به‌سه‌ر داهاتى نه‌وتى هه‌رێمى کوردستاندا گیراوه‌، له‌ لێدوانێکى تایبه‌تدا بۆ ماڵپه‌ڕى حکوومه‌تى هه‌رێمى کوردستان، سه‌فین دزه‌یى وته‌بێژى فه‌رمیى حکوومه‌ت سه‌رله‌به‌رى ئه‌و هه‌واڵه‌ى ڕه‌تکرده‌وه‌ و ڕایگه‌یاند:

هه‌ندێک له‌ ده‌زگا نابه‌رپرسه‌کانى ڕاگه‌یاندن هه‌واڵێکى چه‌واشه‌کارییان بڵاوکردووه‌ته‌وه‌ گوایه‌ به‌ هۆکارى سیاسى له‌ تورکیاوه‌ ده‌ست به‌سه‌ر داهاتى نه‌وتى حکوومه‌تى هه‌رێمى کوردستاندا گیراوه‌ و ڕێگرى لێکراوه‌ بگه‌ڕێته‌وه‌ هه‌رێمى کوردستان.

دووپاتى ده‌که‌ینه‌وه‌ که‌ سه‌رله‌به‌رى ئه‌م هه‌واڵه‌ دروستکراو و چه‌واشه‌کارییه‌ و له‌ هه‌موو ڕاستییه‌که‌وه‌ دووره‌ و به‌هۆى کێشه‌یه‌کى ته‌کنیکى نێوان بانکى نێره‌ر و بانکى وه‌رگر چه‌ند ڕۆژێک پرۆسه‌ى گواستنه‌وه‌ى پاره‌ په‌کى که‌وتبوو، به‌ڵام له‌ کۆتاییدا کێشه‌که‌ چاره‌سه‌ر کرا و ئێستا پرۆسه‌ى گواستنه‌وه‌ى داهاتى نه‌وت له‌ نێوان هه‌ردوو بانکه‌که‌دا به‌ شێوه‌یه‌کى ڕێکوپێک به‌ڕێوه‌ده‌چێت.


لۆگۆ
سەرپێچی

وتار

زۆرترین خوێندراو