ئه‌توانى له‌رێگاى ئیمه‌یڵ و ژماره ته‌له‌فۆنه‌کانمانه‌وه په‌یوه‌ندیمان پێوه‌بکه‌یت و راوسه‌رنج وپێشنیارو داواکاریه‌کانى خۆت بخه‌یته‌روو.
07705066052
هێنرى لوئه‌ی: کوردستانى سه‌ربه‌خۆ و ئازاد، به‌هێزترین هۆکارى ئاشتى و سه‌قامگیریى ناوچه‌که‌یه
7/17/2017 6:55:00 PM
جەماوەر نیوز
جه‌ماوه‌رنیوز
فه‌یله‌سووفێکى فه‌ره‌نسى دامه‌زراندنى ده‌وڵه‌تى کوردستانى سه‌ربه‌خۆ و ئازاد به هۆکارى ئاشتى و سه‌قامگیرى له ناوچه‌که ده‌زانێت.
له وتارێکدا که له هه‌فته‌نامه‌ى (لۆپوه‌ن)ى فه‌ره‌نسیدا بڵاویکردووه‌ته‌وه، (بێرنارد هێنرى لوئه‌ی) فه‌یله‌سووفى ناودارى فه‌ره‌نسا باسى له پرسى ڕیفراندۆم له هه‌رێمى کوردستان کردووه که بڕیاره ٢٥ى مانگى ئه‌یلولى داهاتوو ئه‌نجام بدرێت، له‌و باره‌یه‌وه ده‌نووسێت له ڕه‌وانگه‌ى ئه‌وروپییه‌کانه‌وه که وڵاتى عێراق به دروستکراوى دواى شه‌ڕى یه‌که‌مى جیهانى ده‌زانن و وه‌ک ده‌وڵه‌تێکى ده‌ستکرد ناوى ده‌به‌ن، به‌ڵام له هه‌رێمى کوردستان وه‌ک نه‌ته‌وه – ده‌وڵه‌ت ده‌ڕوانن که خاوه‌نى ڕه‌سه‌نایه‌تیى خۆیه‌تی، ڕیشه‌ى قووڵى فه‌رهه‌نگى هه‌یه و ڕێز له بنه‌ما دیموکراتییه‌کان ده‌گرێت، له‌وانه ئازادى و یه‌کسانیى ژن و پیاو و پاراستنى مافى که‌مینه‌کان.
پشتیوانى له سه‌ربه‌خۆیى هه‌رێمى کوردستان، پشتیوانییه له دیموکراسى و ڕێزگرتنه له مافى که‌مینه نه‌ته‌وه‌ییه‌کان که به ڕوونى له هه‌ڵسوکه‌وتى کورده‌کان و هاووڵاتییانى غه‌یرى کورد له هه‌رێمى کوردستاندا ده‌رده‌که‌وێت. پاڵپشتى له سه‌ربه‌خۆیى هه‌رێمى کوردستان، پاڵپشتییه له به‌رابه‌رى و یه‌کسانیى ژن و پیاو له کۆمه‌ڵگه و ئه‌و بنه‌مایانه‌ى که وڵاتانى ئه‌وروپاى له‌سه‌ر دامه‌زراوه. نووسه‌ر له وتاره‌که‌یدا ده‌نووسێت که جێى گومان نییه سه‌ره‌ڕاى دوژمنان و نه‌یارانى سه‌ربه‌خۆیى کوردستان، ئه‌و ده‌وڵه‌ته ده‌بێته هۆکارى زۆر به‌هێزى ئاشتى و سه‌قامگیرى له ناوچه‌که‌دا.
(بێرنارد هێنرى لوئه‌ی) له وتاره‌که‌یدا له هه‌فته‌نامه‌ى (لۆپوه‌ن)، هه‌روه‌ها ئاماژه به هێزى پێشمه‌رگه‌ى کوردستان ده‌کات له شه‌ڕى دژ به تیرۆریستانى داعش و ده‌نووسێت که له ڕاستیدا پێشمه‌رگه‌ى کوردستان بوو که له مانگه‌کانى ئۆکتۆبه‌ر و نۆڤه‌مبه‌رى ڕابردوودا ده‌روازه‌کانى شارى موسڵیان به ڕووى هێزه‌کانى سوپاى عێراقدا کرده‌وه، هه‌ر ئه‌وانیش بوون که له‌م ساڵانه‌ى دواییدا به ته‌نیا له به‌رامبه‌ر داعشدا وه‌ستان و به کردنه‌وه‌ى به‌ره‌ى شه‌ڕى زیاتر له هه‌زار کیلۆمه‌تر، شکستیان پێ هێنان.
وتار
-
ڕه‌وشى ڕۆژنامه‌نوسى کوردى یان جیهانی
07.02.2024 -
ره‌گه‌ز گۆڕین کارێکى قێزه‌وه‌ن و شووره‌ییه
29.01.2024 -
سوکایه‌تى و بێڕێزى له‌پاى چی؟
10.01.2024
زۆرترین خوێندراو
- ڕۆژ
- هەفتە
- مانگ
-
پارتی و یه‌كێتی له سه‌ر دوو وه‌زاره‌ت ڕێكنه‌كه‌وتوون
27.10.2022
-
دوورخستنەوەی سەرۆککۆماری پێشووی چین ئاشكرا ده‌كرێت
23.10.2022
-
له كفری پارتی سۆسیال دیموكرات خولێكی تۆپی پێ ده‌كاته‌وه
22.10.2022
-
پارتی سۆسیال دیموكرات گۆڕانكاری ئه‌نجامده‌دات
23.02.2023