په‌یامى هاوخه‌مى به‌رێز محه‌مه‌دى حاجى مه‌حمود بۆ کۆچى دوایى تێکۆشه‌رى دێرین کاکه‌ محه‌مه‌دى حاجى سابیر

7/18/2017 10:57:00 PM
وێنەکان
په‌یامى هاوخه‌مى به‌رێز محه‌مه‌دى حاجى مه‌حمود بۆ کۆچى دوایى تێکۆشه‌رى دێرین کاکه‌ محه‌مه‌دى حاجى سابیر
جەماوەر نیوز
جه‌ماوه‌رنیوز







به‌رێز محه‌مه‌دى حاجى مه‌حمود په‌یامێکى هاوخه‌میدا بۆ کۆچى دوایى تێکۆشه‌رى دێرین کاکه‌ محه‌مه‌دى حاجى سابیر که‌پێشمه‌رگه‌ى ڕۆژانى سه‌ختى خه‌باتى ڕزگاریخوازى پێشمه‌رگه‌و ئومێدى به‌رزى ئازادى ئازایخوازان بووه‌، ئه‌مه‌ده‌قه‌که‌یه‌تى :

به‌ڕێزان / بنه‌ماڵه‌و که‌سوکارى تێکۆشه‌رى دێرین کاکه‌ محه‌مه‌دى حاجى سابیر خوالێخۆشبوو.

به‌خه‌م و په‌ژاره‌یه‌کى زۆره‌وه‌ هه‌واڵى دڵته‌زێنى کۆچى دوایى پێشمه‌رگه‌و تێکۆشه‌رى دێرین و یه‌کێک له‌ پێشمه‌رگه‌ دیاره‌کانى هه‌ڵگیرساندنه‌وه‌ى شۆڕشى نوێى و مه‌فره‌زه‌سه‌ره‌تاییه‌کان و ناسراوى کوردستان و هاورێى منداڵیم کاکه‌ حه‌مه‌ى حاجى سابیرمان پێگه‌یشت و له‌ناخه‌وه‌ خه‌مبارى کردین.

کۆچى دوایى کاکه‌ حه‌مه‌ى حاجى سابیر لاى ئێمه‌و جه‌ماوه‌رى کوردستان خه‌مێکى قووڵ و گه‌وره‌یه‌و هه‌موومان تازیه‌بارى ئه‌و کۆسته‌ گه‌وره‌یه‌ین.

پێشمه‌رگه‌ى کۆچکردوو، پێشمه‌رگه‌ى ڕۆژانى سه‌ختى خه‌باتى ڕزگاریخوازى پێشمه‌رگه‌و ئومێدى به‌رزى ئازادى ئازایخوازان بوو، تێکۆشه‌رێکى ماندوو نه‌ناسى بزاڤى خه‌بات و دڵسۆزێکى ئه‌مه‌کدارى نیشتیمان بوو..

ئێمه‌ له‌ناخه‌وه‌ خه‌مبارى ئه‌و کۆسته‌ین و هاوبه‌شى خه‌مى گه‌وره‌ى خێزان و بنه‌ماڵه‌و که‌سوکاره‌ تێکۆشه‌رو کوردپه‌روه‌ره‌که‌تانین.

له‌خواى گه‌وره‌ داواکارین گیانى پاکى کاکه‌ حه‌مه‌ى حاجى سابیر به‌ به‌هه‌شتى به‌رین شادبکات و سه‌بورى و ئارامى به‌دڵى خێزان و که‌سوکارى و ئێمه‌و جه‌ماوه‌رى کوردستان ببه‌خشێت.

انا لله‌ و انا الیه‌ راجعون 

دڵسۆزتان 
محه‌مه‌دى حاجى مه‌حمود


لۆگۆ
سەرپێچی

وتار

زۆرترین خوێندراو