فیلمى په‌نابه‌رانێکى کورد له‌ فیستیڤاڵى فایمى له‌نده‌ن نمایش ده‌کرێت

9/11/2017 8:54:00 PM
وێنەکان
فیلمى په‌نابه‌رانێکى کورد له‌ فیستیڤاڵى فایمى له‌نده‌ن نمایش ده‌کرێت
جەماوەر نیوز
جه‌ماوه‌رنیوز







فیلمى په‌نابه‌رانێکى کورد له‌ فیستیڤاڵى فایمى له‌نده‌ن نمایش ده‌کرێت، ڕه‌نگه‌ په‌نابه‌ره‌که‌ نه‌توانێت ئاماده‌ى فیستڤاڵه‌که‌ ببێت  .

به‌هرۆزى بوچانى، ئه‌و په‌نابه‌ره‌ کورده‌یه‌ که‌ له‌ دوورگه‌ى مانوسى پاپانیوگینیا به‌ندکراوه‌ و به‌م دوایانه‌ فیلمێکى دۆکومێنتارى له‌باره‌ى خراپى ڕه‌وشى په‌نابه‌ران له‌و دوورگه‌یه‌ به‌نهێنى به‌رهه‌م هێنا. 

به‌پێى زانیاریه‌کانى ماڵپه‌رى ڕۆژنامه‌ى ئیندیپێندنت ، ئه‌و فلیمه‌ى بوچانى پاڵێوراوه‌ بۆ نمایشکردن له‌ فستیڤاڵى فیلمى له‌نده‌ن که‌ بڕیاره‌ له‌ 8 و 9 ى مانگى داهاتوودا له‌ له‌نده‌نى پایته‌ختى به‌ریتانیا به‌ڕێوه‌بچێت. 
به‌ڵام پێناچێت به‌هرۆز بتوانێت ئاماده‌ى بینیى فیلمه‌ى ببێت که‌ به‌هاوبه‌شى له‌گه‌ڵ ده‌رهێنه‌رێکى  به‌ڕه‌گه‌ز ئێرانى سه‌رجه‌م کاره‌کانى ته‌واوکراوه‌ چونکه‌ پێشتریش ئه‌و کاره‌ له‌ ئوسترالیا نمایش کراو ڕێگه‌ به‌ به‌هرۆز نه‌درا ئاماده‌ى نمایشه‌که‌ى ببێت.

هۆکارى ڕه‌تکردنه‌وه‌ى پێدانى ڤیزا به‌و په‌نابه‌ره‌ کورده‌ که‌ له‌ بنه‌چه‌دا خه‌ڵکى پارێزگاى ئیلامى ڕۆژهه‌ڵاتى کوردستانه‌ ، ئه‌وه‌یه‌ که‌ پێشتر ویستوێتى به‌ قاچاخ و به‌له‌م ڕوو له‌ ئوسترالیا بکات به‌ڵام له‌چوارچێوه‌ى ڕێوشوێنه‌ تونده‌کانى ئه‌و ووڵاته‌دا له‌به‌رامبه‌ر کۆچبه‌رانى نایاسایدا له‌گه‌ڵ سه‌دان کۆچبه‌رى تردا ده‌ستگیرکراوه‌ و ڕه‌وانه‌ى که‌مپه‌کانى په‌نابه‌ران له‌دوورگه‌ى مانوسى پاپانیوگینا کراون و هه‌رگیز ڕێگه‌یان پێنادرێت داواى مافى په‌نابه‌رێتى له‌ ئوسترالیا بکه‌ن. 

له‌ نامه‌یه‌کیشیدا داوا له‌ لایه‌نه‌ به‌رپرسه‌کانى حکومه‌تى به‌ریتانیا ده‌کات ڕێگه‌ى پێبدرێت نمایشى فیلمه‌که‌ى له‌ له‌نده‌ن ببینێت و ڤیزاى ئه‌و ووڵاته‌ى پێبدرێت که‌ وه‌ک خۆى ده‌ڵێت ماوه‌ى زیاتر له‌ چوار ساڵه‌ له‌و دوورگه‌یه‌ به‌ندکراوه‌ به‌بێ هیچ تاوانێکى ئه‌نجامدابێت. 


لۆگۆ
سەرپێچی

وتار

زۆرترین خوێندراو