بارزانى بۆ نه‌ته‌وه‌ یه‌کگرتووه‌کان ریفراندۆم له‌کاتى خۆى ئه‌نجام ده‌درێ

9/11/2017 9:10:00 PM
وێنەکان
بارزانى بۆ نه‌ته‌وه‌ یه‌کگرتووه‌کان ریفراندۆم له‌کاتى خۆى ئه‌نجام ده‌درێ
جەماوەر نیوز
جه‌ماوه‌رنیوز







ئه‌مڕۆ دوو شه‌ممه‌ 11 ی ئه‌یلولی2017 به‌ڕێز مه‌سعود بارزانى سه‌رۆکى هه‌رێمى کوردستان له‌ سه‌لاحه‌ددین پێشوازى له‌ یان کۆبیش نێرده‌ى تایبه‌تى سکرتێرى گشتى رێکخراوى نه‌ته‌وه‌ یه‌کگرتووه‌کان له‌ عێراق کرد.

له‌ دیدارێکدا بارودۆخى سیاسى عێراق و په‌یوه‌ندییه‌کانى نێوان هه‌ولێر و به‌غدا له‌ ئێستا و ئاینده‌دا‌ تاوتوێکرا، نێرده‌ى تایبه‌تى سکرتێرى گشتى نه‌ته‌وه‌یه‌کگرتووه‌کان ئاماژه‌ى به‌ بۆچوون و تێبینیه‌کانى نه‌ته‌وه‌یه‌کگرتووه‌کان کرد له‌باره‌ى ریفراندۆم و گفتوگۆکانى نێوان هه‌رێمى کوردستان و به‌غدا.

سه‌رۆکى هه‌رێمى کوردستان ئه‌وه‌ى بۆ نێرده‌ى تایبه‌تى سکرتێرى گشتى نه‌ته‌وه‌یه‌کگرتووه‌کانى دووپاتکرده‌وه‌، که‌ بڕیارى ئه‌نجامدانى ریفراندۆم، بڕیارى گه‌لى کوردستانه‌ و مافێکى یاسایى و ئاسایى خه‌ڵکى کوردستانه‌ و له‌ کاتى دیاریکراوى خۆیدا پرۆسه‌که‌ به‌ڕێوه‌ده‌چێت.

بارزانى ئاماژه‌ى به‌وه‌شکرد، گه‌لى کوردستان به‌رده‌وام ده‌بێ له‌ پاراستنى سه‌قامگیرى و پێکه‌وه‌ژیان و لێبورده‌یى له‌ هه‌رێمى کوردستان و ناوچه‌که‌.


لۆگۆ
سەرپێچی

وتار

زۆرترین خوێندراو