سلێمانى .... رێگرى له‌ بردنه‌ ده‌ره‌وه‌ى ئاردى بایه‌عى ده‌کرێت

1/10/2018 3:08:00 PM
وێنەکان
سلێمانى .... رێگرى له‌ بردنه‌ ده‌ره‌وه‌ى ئاردى بایه‌عى ده‌کرێت
جەماوەر نیوز
جه‌ماوه‌رنیوز








به‌ مه‌به‌ستى جێگیرکردنى نرخه‌که‌ى رێگرى له‌ ناردنه‌ ده‌ره‌وه‌ى ئاردى بایه‌عى ده‌کرێت، و قائیمقامییه‌تى سلێمانیش رێکار و رێو شوێنى پێویست له‌و باره‌یه‌وه‌ ده‌گیرێته‌به‌ر.

گۆران قادر على سه‌رۆکى لیژنه‌ هاوبه‌شه‌کانى سلێمانى رایگه‌یاند: له‌ پێناو پاراستنى نرخى ئارد به‌ شێوه‌یه‌کى جێگیر لیژنه‌ هاوبه‌شه‌کانى قائیمقامییه‌تى سلێمانى له‌ رێگه‌ى لیژنه‌ کانیانه‌وه‌ به‌دواداچوون و کارى پێویست ئه‌نجام ئه‌ده‌ن بۆ رێگریکردن له‌  بازرگانى کردن و گواستنه‌وه‌ى ئاردى بایه‌عى له‌ شوێنێکه‌وه‌ بۆ شوێنێکى تر و وتیشى ئامانجمان له‌م کاره‌ رێگریکردنه‌ له‌ به‌رزبوونه‌وه‌ى نرخى ئاردى بایه‌عیه‌ له‌ بازاره‌کانى شارى سلێمانى و رێوشوێن و مامه‌ڵه‌ى یاساییش له‌گه‌ڵ هه‌موو ئه‌و که‌سانه‌ده‌کرێت که‌ کارى له‌وجۆره‌ ئه‌نجام ئه‌ده‌ن.

قائیمقامییه‌تى سلێمانى له‌ رێگه‌ى لیژنه‌ هاوبه‌شه‌کانه‌وه‌ که‌ پێکهاتوون له‌ 22 لیژنه‌ له‌ ئێستادا، کارى به‌دواداچوون و چاودێریکردن بۆ بازار و شوێنه‌ گشتییه‌کانى شارى سلێمانى ئه‌نجام ئه‌ده‌ن، و رێنمایى پێویستیان پێ‌ ئه‌ده‌ن و ئامانجیشیان خزمه‌تکردنى زیاترى هاوڵاتیانه‌.


لۆگۆ
سەرپێچی

وتار

زۆرترین خوێندراو