ئه‌توانى له‌رێگاى ئیمه‌یڵ و ژماره ته‌له‌فۆنه‌کانمانه‌وه په‌یوه‌ندیمان پێوه‌بکه‌یت و راوسه‌رنج وپێشنیارو داواکاریه‌کانى خۆت بخه‌یته‌روو.
07705066052
به‌یاننامه‌ى کۆتایی کۆبونه‌وه‌ی سێ سه‌رۆکایه‌تییه‌که‌ى عێراق
2/18/2015 9:59:00 AM
جەماوەر نیوز
جه‌ماوه‌رنیوز
ئێواره‌ی رۆژی سێ شه‌ممه 17 ى شوباتى 2015 له کۆشکی سه‌لام له به‌غداد به ئاماده‌بونی به‌ڕێز فوئاد مه‌عسوم سه‌رۆک کۆمار و حه‌یده‌ر عبادی سه‌رۆک وه‌زیر و سه‌لیم جبوریی سه‌رۆکی ئه‌نجومه‌نی نوێنه‌ران و هه‌ریه‌ک له جێگره‌کانی سه‌رۆک کۆمار و سه‌رۆک وه‌زیر و سه‌رۆکی ئه‌نجومه‌نی نوێنه‌ران ،کۆبونه‌وه‌ی سێ سه‌رۆکایه‌تییه‌که به‌ڕێوه‌چو، که تیایدا مه‌دحه‌ت ئه‌لمه‌حمود سه‌رۆکی ئه‌نجومه‌نی باڵای قه‌زاش ئاماده‌ی بو.
له کۆبونه‌وه‌که‌دا هه‌مو گۆڕانکارییه سیاسیی و ئه‌منیی و ئابورییه‌کان له هه‌مو گۆشه نیگاکانه‌وه خرانه رو ،به چڕ و پڕیش هه‌نگاوه به‌دیهاتوه‌کانی وه‌سیقه‌ی سیاسیی و به‌رنامه‌ی کاری حکومه‌تیش تاوتوێکران ،ته‌ئکیدیش کرایه‌وه پێویسته هه‌مو لایه‌نه‌سیاسییه‌کان په‌ره‌بده‌ن به کاری هاوبه‌ش و سازانی سیاسیی و هه‌ست به به‌رپرسیارێتی باڵا بکه‌ن له پێناو به‌ره‌نگاربونه‌وه‌ی ئه‌و هه‌ڕه‌شه و ئاسته‌نگانه‌ی رویان له وڵات کردوه که پێکهاته‌کان دوچاری بونه‌ته‌وه .
کۆبونه‌وه‌که سه‌رکه‌وتنی جه‌نگاوه‌رانی هێزه چه‌کداره‌کان و حه‌شدی شه‌عبیی و پێشمه‌رگه و هێزه عه‌شایره‌کانی به‌رز نرخاند له به‌ره‌نگاربونه‌وه‌ی تێرۆریستان و تێک شکاندنیان له چه‌ندین ناوچه‌دا، له‌وباره‌یه‌وه هه‌ر سێ سه‌رۆکایه‌تییه‌که دوپاتیان کرده‌وه پێویسته ئه‌و سه‌رکه‌وتنانه په‌ره‌یان پێ بدرێت و به یه‌کهه‌ڵوێستیی سیاسیی و کاری هاوبه‌ش پشتیوانی بکرێن بپارێزرێن، هاوکات ئه‌وه‌ش دوپاتکرایه‌وه پشتیوانیی هه‌وڵ و کۆششی کۆمه‌ڵانی خه‌ڵکی ئه‌و ناوچانه بکرێت که هه‌ڕه‌شه‌ی تێرۆریان له‌سه‌ره تا به هاریکاریی هێزه چه‌کداره‌کان و توانا سه‌ربازیی و ئه‌منیی و هه‌واڵگرییه‌کانی ده‌وڵه‌ت ناوچه‌کانیان بپارێزن.
ئاماده‌بوان پێویستیی رێزگرتنی ده‌سه‌لات و سه‌ربه‌خۆیی قه‌زاییان دوپاتکرده‌وه به پێی پره‌نسیبه‌کانی ده‌ستور و پشتی پێ ببه‌سترێت له یه‌کلاییکردنه‌وه‌ی مه‌سه‌له‌کاندا هاوکات ئه‌نجامی لێکۆڵینه‌وه‌کان له‌و تاوانانه‌ی که ده‌رهه‌ق به رۆڵه‌کانی گه‌لی عێراق ده‌کرێن ئاشکرا بکرێن .
کۆبونه‌وه‌که به ئیجابیی سه‌یری رێککه‌وتنی نێوان حکومه‌تی فیدڕاڵیی و حکومه‌تی هه‌رێمی کوردستانی کرد له‌باره‌ی نه‌وت و بودجه و پابه‌ند بونی هه‌ردولایان به‌و رێککه‌وتنه،داواشیکرد کێشه هه‌ڵپه‌سێرراوه‌کان له رێی دیالۆگی ئیجابیی چاره‌سه‌ر بکه‌ن ،هاریکاریی سه‌ربازیی له به‌گژاچونه‌وه‌ی چه‌ته‌کانی داعشی تاوانباریش زیاتر باشتر بکه‌ن و به کاری هاوبه‌ش به‌هانای په‌نابه‌ران و ده‌ربه‌ده‌ربوه‌کانه‌وه بچن .
کۆبونه‌وه‌که ،که‌ش وهه‌وایه‌کی ته‌واو راشکاوانه وئیجابیی ویه‌کانگیربونی تێڕوانینه‌کانی له خۆ گرتبو ، له‌سه‌ر ئه‌وه‌ش رێککه‌وتن به‌م نزیکانه کۆببنه‌وه بۆ به‌دوادا چونی جێبه‌جێکردنی ئه‌و خاڵانه‌ی له‌سه‌ری رێککه‌وتون و، تاوتوێکردنی مه‌سه‌له هه‌نوکه‌ییانه‌ی تریش له هه‌مو ئاسته‌کاندا ته‌واو بکه‌ن.
وتار
-
ڕه‌وشى ڕۆژنامه‌نوسى کوردى یان جیهانی
07.02.2024 -
ره‌گه‌ز گۆڕین کارێکى قێزه‌وه‌ن و شووره‌ییه
29.01.2024 -
سوکایه‌تى و بێڕێزى له‌پاى چی؟
10.01.2024
زۆرترین خوێندراو
- ڕۆژ
- هەفتە
- مانگ
-
پارتی و یه‌كێتی له سه‌ر دوو وه‌زاره‌ت ڕێكنه‌كه‌وتوون
27.10.2022
-
دوورخستنەوەی سەرۆککۆماری پێشووی چین ئاشكرا ده‌كرێت
23.10.2022
-
له كفری پارتی سۆسیال دیموكرات خولێكی تۆپی پێ ده‌كاته‌وه
22.10.2022
-
پارتی سۆسیال دیموكرات گۆڕانكاری ئه‌نجامده‌دات
23.02.2023