بانکى ناوه‌ندى عێراق به‌هاى دیناروه‌ک خۆى ده‌هێڵیته‌وه‌

1/10/2016 3:13:00 PM
وێنەکان
بانکى ناوه‌ندى عێراق به‌هاى دیناروه‌ک خۆى ده‌هێڵیته‌وه‌
جەماوەر نیوز
جه‌ماوه‌رنیوز


بانکى ناوه‌ندى عیراق  ره‌تیده‌کاته‌وه‌ نیازى ده‌ستکاریکردنى به‌هاى خه‌رجکردنى دینار له‌به‌رامبه‌ر دۆلارى هه‌بێت، ته‌ئکیدیش ده‌کاته‌وه‌، که‌ به‌هاى دینارى عیراقى له‌ بودجه‌دا به‌رێکه‌وتن له‌گه‌ڵ حکومه‌ت و سندوقى دراوى نێوده‌وڵه‌تى جێگیرکراوه‌
له‌ راگه‌یه‌ندراوێکدا بانکى ناوه‌ندى عیراق  ره‌تیکرده‌وه‌ ده‌ست له‌ پشتگیرى کردنى دینارى عێراق هه‌ڵبگرێت و نرخى دیناریش وه‌ک خۆى ده‌هێڵێته‌وه‌.

له‌ راگه‌یه‌ندراوه‌که‌دا ئه‌وه‌ش هاتووه‌، "بانکى ناوه‌ندى ده‌زانێت که‌مکردنه‌وه‌ى به‌هاى دینار واته‌ زیان گه‌یاندن به‌ تواناى کڕین لاى هاوڵاتیان، چونکه‌ زۆربه‌ى پێویستییه‌کان هاورده‌ ده‌کرێن و خۆماڵى نین، به‌ده‌ر له‌و لێدوانانشى که‌ له‌ لایه‌ن به‌رپرسانى ئه‌و بانکه‌وه‌ ده‌رده‌چن، هه‌ر لێدوانێکى دیکه‌ ناڕاسته‌ و بۆ تێکدانى بازاڕه‌."

له‌ ئێستادا ده‌نگۆى ئه‌و بڵاوبۆته‌وه‌، بانکى ناوه‌ندیى عێراق ده‌ست له‌ پشتگیرى کردنى به‌هاى دینار هه‌ڵبگرێت و دینار له‌ بازاڕدا نرخى خۆى دیاریبکات، به‌ ڕاى زۆرینه‌ى ئابوریناسان، به‌و هه‌نگاوه‌ نرخى دینارى عێراقى به‌رامبه‌ر دراوه‌ جیهانییه‌کان به‌ شێوه‌یه‌کى مه‌ترسیدار داده‌به‌زێت .


لۆگۆ
سەرپێچی

وتار

زۆرترین خوێندراو