یوئێن: که‌مپێکى نوێ بۆ ئاواره‌کانى موسڵ ده‌کرێته‌وه‌

3/8/2017 8:58:00 PM
وێنەکان
یوئێن: که‌مپێکى نوێ بۆ ئاواره‌کانى موسڵ ده‌کرێته‌وه‌
جەماوەر نیوز
جه‌ماوه‌رنیوز







رێکخراوى نه‌ته‌وه‌یه‌کگرتووه‌کان که‌مپێکى نوێ بۆ نیشته‌جێکردسنى ئاواره‌کانى شارى موسڵ ده‌کاته‌وه‌.

 کۆمیساریاى باڵاى کاروبارى په‌نابه‌رانى سه‌ر به‌ نه‌ته‌وه‌یه‌کگرتووه‌کان ڕایگه‌یاند که‌ که‌مپى جامه‌کوورى کردووه‌ته‌وه‌ تا بتوانرێ پێشوازیى له‌و ڕێژه‌یه‌ى ئاواره‌کان بکرێت که‌ به‌هۆى شه‌ڕى موسڵه‌وه‌ شاره‌که‌ چۆڵ ده‌که‌ن.

که‌مپى جامه‌کوو، ٢٠کیلۆمه‌تر له‌ ڕۆژهه‌ڵاتى موسڵه‌وه‌ دووره‌، یه‌که‌م ده‌سته‌ى ئاواره‌کانیشى وه‌رگرت که‌ له‌ ٣٤٧ که‌س پێکهاتبوون و له‌ ڕۆژئاواى موسڵه‌وه‌ ئاواره‌ بوون، هاتنى ئاواره‌کان بۆ که‌مپه‌که‌ به‌رده‌وامه‌.

زۆربوونى ژماره‌ى ئاواره‌کان بووه‌ هۆى ئه‌وه‌ى که‌ جگه‌ له‌ پڕبوونى که‌مپه‌مانى باشوور، که‌مپه‌کانى ڕۆژهه‌ڵاتى موسڵیش پێ‌ ببن له‌ ئاواره‌ى شاره‌که‌. له‌ ئێستادا ٢١ که‌مپ له‌ ده‌وووبه‌رى موسڵ بۆ ئاواره‌کان ته‌رخان کراون و له‌ لایه‌ن نه‌ته‌وه‌ یه‌کگرتووه‌کانه‌وه‌ سه‌رپه‌رشتى ده‌کرێن.

فرید کوسیگ، سه‌رۆکى کۆمیسیارى باڵاى کاروبارى په‌نابه‌ران له‌ هه‌ولێر (یوئێن.ئێچ.سی.ئار) ڕایگه‌یاند ئه‌گه‌ر پێویستى کرد له‌ ئێستادا ده‌توانن پێشوازى له‌ هه‌زاران په‌نابه‌رى دیکه‌ بکه‌ن، دوو که‌مپى دیکه‌ش له‌ دروستکردندان و یه‌کێکیان به‌ر له‌ کۆتایى ئه‌م مانگه‌ ته‌واو ده‌بێت.


لۆگۆ
سەرپێچی

وتار

زۆرترین خوێندراو