سه‌رۆک کۆمار پێشوازیى له‌وه‌فدێکى که‌سوکارى قوربانیانى ئه‌نفال ده‌کات

4/13/2017 5:07:00 PM
وێنەکان
سه‌رۆک کۆمار پێشوازیى له‌وه‌فدێکى که‌سوکارى قوربانیانى ئه‌نفال ده‌کات
جەماوەر نیوز
جه‌ماوه‌رنیوز








دکتۆر فوئاد مه‌عسوم سه‌رۆک کۆمارى عێراق دوپاتیکرده‌وه‌ تاوانه‌کانى ئه‌نفال ئه‌ڵقه‌یه‌کى ئه‌و زنجیره‌ تاوانانه‌ى زۆرداران بو له‌دژى گه‌ل، به‌ڵام ئه‌م تاوانه‌ زۆر دڕندانه‌ بو که‌هه‌موو جیهانى توشى شۆک و ترس کرد له‌ئاست ره‌فتارى تاوانکاریى ده‌سه‌ڵاتدارانى دیکتاتۆریى له‌ناوچو دژى عێراقییه‌کان له‌ کوردستان و ناوچه‌کانى ترى عێراق.

ئه‌و دوپاتکردنه‌وه‌یه‌ى سه‌رۆک کۆمار ئه‌مڕۆ پێنج شه‌ممه‌ 13 ى نیسانى 2017 له‌ کۆشکى سه‌لام له‌ به‌غداد بوو، له‌ میانه‌ى پێشوازیکردنى له‌ وه‌فدێکى خانه‌واده‌ى قوربانیانى تاوانى ئه‌نفال که‌ رژێمى دیکتاتۆریى دژى مه‌ده‌نییه‌کان له‌ ناوچه‌ جیاجیاکانى کوردستانى عێراق و زیاتر له‌ سه‌د و هه‌شتا هه‌زار هاوڵاتیى عێراقیى بێدفاع بونه‌ قوربانیى زۆربه‌یان مناڵ و ژن و به‌ساڵاچو بون، بۆردومانى کیمیاویش زیاتر له‌ چوار هه‌زار گوندى بێوه‌ى وێرانکرد سه‌ربارى گرتن و راگواستنى سه‌دان هه‌زار که‌س له‌ دانیشتوانى بێ دیفاع.

سه‌رۆک کۆمار له‌ دیداره‌که‌دا گوێى له‌ وته‌ى ئه‌ندامانى وه‌فده‌که‌ گرت سه‌باره‌ت به‌ تاوانه‌که‌ و په‌رۆشیى و بایه‌خدانى خۆى دوپاتکرده‌وه‌ به‌ داواى ره‌واى که‌سوکارى قوربانیه‌کان به‌و جۆره‌ى شایسته‌ى خۆیان بێت و دادپه‌روه‌ریى و ئاشتییان بۆ به‌دى بهێنێت.

ژماره‌یه‌ک په‌رله‌مانتارى ئه‌نجومه‌نى نوێنه‌ران و خاتو کاترین میلۆدیچ نوسه‌رى ئه‌ڵمانیى پسپۆڕ له‌ بوارى مافه‌کانى مرۆڤ ئاماده‌ى دیداره‌که‌ بون.


لۆگۆ
سەرپێچی

وتار

زۆرترین خوێندراو