نورى مالکی بۆپۆستى سه‌رۆک وه‌زیران خۆى کاندید ناکاته‌وه‌

5/31/2017 8:43:00 PM
وێنەکان
نورى مالکی بۆپۆستى سه‌رۆک وه‌زیران خۆى کاندید ناکاته‌وه‌
جەماوەر نیوز
جه‌ماوه‌رنیوز






سه‌رۆکى کوتله‌ى ده‌وڵه‌تى یاسا له‌ په‌رله‌مانى عێراق ڕایگه‌یاند خۆم بۆ وه‌رگرتنى پۆستى سه‌رۆک وه‌زیران کاندید ناکه‌مه‌وه‌ و هه‌ندێ لایه‌نیش له‌هه‌وڵى دواخستنى هه‌ڵبژاردنى په‌رله‌مانى عێراقدان. 

له‌ دیمانه‌یه‌کدا له‌گه‌ڵ ڕۆژنامه‌ى الاخبار که‌ ئاژانسى فارسى ئێرانى بڵاویکرده‌وه‌، نوورى مالکى سه‌رۆکى کوتله‌ى ده‌وڵه‌تى یاسا له‌ ئه‌نجومه‌نى نوێنه‌ران و سه‌رۆک وه‌زیرانى پێشووى عێراق ڕایگه‌یاند ئه‌و لایه‌نانه‌ى که‌ دڵنیان له‌ سه‌رکه‌وتن و بردنه‌وه‌ى لایه‌نێکى ئیسلامى له‌ هه‌ڵبژاردنه‌کان، ده‌یانه‌وێت ئه‌و پڕۆسه‌یه‌ دوابخه‌ن که‌ ئه‌وه‌ش له‌ به‌رژه‌وه‌ندیى وڵاتانى وه‌ک ئه‌مریکا و به‌ریتانیایه‌.

مالکی، وێڕاى ڕه‌خنه‌ له‌ حکومه‌تى به‌غدا به‌ سه‌رۆکایه‌تیى حه‌یده‌ر عه‌بادى وه‌ک یه‌کێک له‌ لاوازترین حکومه‌ته‌کانى ناوچه‌که‌، هۆشداریى ئه‌وه‌ى دا که‌ مه‌به‌ست له‌ دواخستنى هه‌ڵبژاردنه‌کان، به‌ره‌نگاربوونه‌وه‌ى حزبه‌که‌ى واته‌ حزبى ده‌عوه‌یه‌. 

ناوبراو له‌و دیمانه‌یه‌دا ڕه‌تى کرده‌وه‌ که‌ جارێکى دیکه‌ خۆى بۆ وه‌رگرتنى پۆستى سه‌رۆک وه‌زیرانى عێراق کاندید بکات، به‌ڵام پێداگر بوو له‌سه‌ر ئه‌وه‌ى که‌ له‌ گۆڕه‌پانى سیاسیى وڵاتدا ده‌مێنێته‌وه‌.


لۆگۆ
سەرپێچی

وتار

زۆرترین خوێندراو