سه‌رۆک کۆمار قانونى بودجه‌ى فیدراڵى ده‌گه‌ڕێنێته‌وه‌ بۆ ئه‌نجومه‌نى نوێنه‌ران

3/13/2018 4:14:00 PM
وێنەکان
سه‌رۆک کۆمار قانونى بودجه‌ى فیدراڵى ده‌گه‌ڕێنێته‌وه‌ بۆ ئه‌نجومه‌نى نوێنه‌ران
جەماوەر نیوز
جه‌ماوه‌رنیوز








ئه‌مڕۆ سێ شه‌ممه‌  13 ى مارسى 2018  نوسینگه‌ى راگه‌یاندنى سه‌رۆکایه‌تى کۆمار ئاشکراى کرد به‌ڕێز سه‌رۆک کۆمار دکتۆر فوئاد مه‌عسوم بڕیاریدا که‌ (پرۆژه‌ى قانونى بودجوى گشتى فیدراڵى کۆمارى عیراق بۆ ساڵى 2018ى دارایی) بگه‌ڕێنێته‌وه‌ که‌ له‌ رۆژى 3-3-2018  ئه‌نجومه‌نى نوێنه‌ران ده‌نگى له‌سه‌ر دابوو.

نوسینگه‌ى راگه‌یاندن رونیکردۆته‌وه‌ بڕیاره‌که‌ى سه‌رۆک کۆمار به‌ئامانجى سه‌رله‌نوێ وردبینى کردن و پیاداچوونه‌وه‌یه‌ به‌ ناوه‌رۆکى قانونه‌که‌ له‌رووى ده‌ستورى و دارایى و قانونییه‌وه‌، ئاماژه‌شى کردووه‌ که‌ نزیکه‌ى 31 خاڵى قانونه‌که‌ ناکۆکه‌ له‌گه‌ڵ قانونه‌ کارپێکراوو په‌یڕه‌وکراوه‌کانداو له‌گه‌ڵیاندا ناگونجێت.

نوسینگه‌ى راگه‌یاندن له‌سه‌رۆکایه‌تى کۆمار روونیکردۆته‌وه‌ گه‌ڕانه‌وه‌ى بودجه‌ له‌دواى ئه‌وه‌بووه‌ که‌ ژماره‌یه‌ک له‌ پسپۆڕان و راوێژکارانى قانونى و دارایى توێژینه‌وه‌یان بۆ قانونه‌که‌ کردووه‌و وردبینییه‌کى ته‌واویان تیادا کردووه‌ له‌پێناوى دیاریکردنى گرنگترین سه‌رپێچى و پێشێلکارى ده‌ستورى و دارایى و قانونى هه‌ندێک له‌ماده‌و بڕگه‌و به‌نده‌کانى ئه‌و قانونه‌ به‌و ئامانجانه‌ى به‌ر له‌په‌سه‌ندکردنى چاره‌سه‌ر بکرێت، هاوکات هه‌ر که‌موکورتییه‌کیش له‌داڕشتنه‌وه‌ى ناوه‌رۆکى قانونه‌که‌دا هه‌یه‌ چاره‌سه‌ر بکرێت.


لۆگۆ
سەرپێچی

وتار

زۆرترین خوێندراو