حزبێکى به‌ریتانیا داوا ده‌کات ڕه‌گه‌زنامه‌ى به‌ریتانى له‌ هاوسه‌رى به‌شار ئه‌لئه‌سه‌د وه‌ربگیرێته‌وه‌

4/17/2017 4:55:00 PM
وێنەکان
حزبێکى به‌ریتانیا داوا ده‌کات ڕه‌گه‌زنامه‌ى به‌ریتانى له‌ هاوسه‌رى به‌شار ئه‌لئه‌سه‌د وه‌ربگیرێته‌وه‌
جەماوەر نیوز
جه‌ماوه‌رنیوز







حزبى لیبراڵ دیموکراتى به‌ریتانیا له‌ ڕێگه‌ى وته‌بێژه‌که‌ى بۆ کاروبارى ده‌ره‌وه‌ داواى له‌ حکومه‌تى وڵاته‌که‌ى کرد ڕه‌گه‌زنامه‌ى به‌ریتانى له‌ ئه‌سما ئه‌لئه‌سه‌د هاوسه‌رى به‌شار ئه‌سه‌د سه‌رۆکى سووریا وه‌ربگیرێته‌وه‌ به‌ هۆى پشتیوانیى به‌رده‌وامى بۆ کرده‌وه‌ دڕندانه‌کانى ڕژێمى ئه‌سه‌د.

بی.بی.سى بڵاویکرده‌وه‌، که‌ وته‌بێژى حزبى لیبراڵ دیموکراتى به‌ریتانیا داواى کردووه‌ ناسنامه‌ى به‌ریتانى له‌ ئه‌سما ئه‌لئه‌سه‌د بسه‌نرێته‌وه‌ و وتوویه‌تی" له‌ کاتێکدا بۆریس جۆنسۆن وه‌زیرى ده‌ره‌وه‌ داوا له‌ وڵاتان ده‌کات هه‌وڵى زیاتر دژى کرده‌وه‌کانى ئه‌سه‌د بده‌ن، له‌سه‌ر به‌ریتانیاشه‌ که‌ ڕه‌گه‌زنامه‌ى به‌ریتانى له‌ ئه‌سما ئه‌لئه‌سه‌د بسه‌نێته‌وه‌ به‌ هۆى پشتیوانیى به‌رده‌وامى بۆ کرده‌وه‌ دڕندانه‌کانى هاوسه‌ره‌که‌ی".

له‌م ماوه‌ى دواییدا، ئه‌سما وێنه‌ى کاته‌ خۆشه‌کانى له‌گه‌ڵ منداڵه‌کانى له‌ تۆڕى کۆمه‌ڵایه‌تى ئینستاگرام بڵاو کرده‌‌وه‌ ‌و له‌ دواى هێرشه‌که‌ى ئه‌مریکاش بۆ سه‌ر بنکه‌ سه‌ربازییه‌که‌ى سووریا نوسیبووى " ئه‌و هێرشه‌ نیشانه‌ى کورتبینى و کوێرى ئه‌مریکایه‌."  ئه‌سما، له‌ دایک و باوکێکى سوورى له‌ به‌ریتانیا له‌دایکبووه‌ و له‌ بوارى زانستى کۆمپیوته‌ردا خوێندنى ته‌واو کردووه‌.


لۆگۆ
سەرپێچی

وتار

زۆرترین خوێندراو