ڕێکخراوێکى جیهانی : له‌ هێرشه‌که‌ى خان شه‌یخوونى سووریا چه‌کى کیمیایى به‌کار هاتووه‌

4/20/2017 7:52:00 PM
وێنەکان
ڕێکخراوێکى جیهانی : له‌ هێرشه‌که‌ى خان شه‌یخوونى سووریا چه‌کى کیمیایى به‌کار هاتووه‌
جەماوەر نیوز
جه‌ماوه‌رنیوز








ڕێکخراوى جیهانیى ڕێگرتن له‌ چه‌کى کیمیایى ڕایگه‌یاند له‌ هێرشه‌که‌ى خان شه‌یخوونى سووریا چه‌کى کیمیایى به‌کار هاتووه‌. دواى ئه‌وه‌ى تیمێکى ڕێکخراوى جیهانیى ڕێگرتن له‌ به‌کارهێنانى چه‌کى کیمیایى گه‌یشتنه‌ تورکیا بۆ لێکۆڵینه‌وه‌ له‌ به‌کارهێنانى چه‌کى کیمیایی، ڕێکخراوه‌که‌ ده‌ڵى بێ هیچ گومانێک گازى سارین له‌ هێرشه‌که‌ى خان شه‌یخوون به‌کار هاتووه‌.

به‌ پێى هه‌واڵێکى (بی.بی.سی)، ڕێکخراوه‌که‌، دواى تاقیکردنه‌وه‌ى چه‌ند نموونه‌یه‌ک ڕایگه‌یاند که‌ بێ هیچ دوو دڵییه‌ک ده‌توانین بڵێین له‌لایه‌ن ڕژێمى ئه‌سه‌ده‌وه‌ چه‌کى کیمیایى بۆ هێرشکردنه‌ سه‌ر خان شه‌یخوون به‌کار هاتووه‌.  ئاماژه‌ به‌وه‌ش ده‌دات ئه‌و گازه‌ کیمیاییه‌ى که‌ به‌کارهاتووه‌ گازى سارینه‌.

دواى ئه‌وه‌ی، فڕۆکه‌کانى سه‌ر به‌ ڕژێمى ئه‌سه‌د هێرشیان کرده‌ سه‌ر شارۆچکه‌ى خان شه‌یخوونى نزیک شارى حه‌له‌ب، ٨٧ که‌س گیانیان له‌ده‌ست دا که‌ ١١یان منداڵ بوون و ژماره‌یه‌کیش بریندار بوون، ئاسه‌وارى گازى کیمیایى به‌ قوربانییه‌کانه‌وه‌ دیاربوو، زوو هه‌واڵگریى ئه‌مریکا ئاماژه‌ى به‌ به‌کارهێنانى چه‌کى کیمیایى کرد له‌و هێرشه‌دا و سه‌رۆکى ئه‌مریکا له‌ تۆڵه‌ى ئه‌و هێرشه‌دا ٥٩ مووشه‌کى تۆماهۆکى گرته‌ ئه‌و بنکه‌ سه‌ربازییه‌ى که‌ هێرشه‌که‌ى لێوه‌ کرابوو.


لۆگۆ
سەرپێچی

وتار

زۆرترین خوێندراو