ژاپۆن و یوئێن لێکۆڵینه‌وه‌یه‌ک له‌سه‌ر کاریگه‌ریى شه‌ڕى داعش له‌سه‌ر ژنان بڵاو ده‌که‌نه‌وه‌

5/14/2017 3:59:00 PM
وێنەکان
ژاپۆن و یوئێن لێکۆڵینه‌وه‌یه‌ک له‌سه‌ر کاریگه‌ریى شه‌ڕى داعش له‌سه‌ر ژنان بڵاو ده‌که‌نه‌وه‌
جەماوەر نیوز
جه‌ماوه‌رنیوز







به‌ هاوکارى حکومه‌تى ژاپۆن نه‌ته‌وه‌ یه‌کگرتووه‌کان ئه‌نجامى لێکۆڵینه‌وه‌یه‌ک له‌سه‌ر کاریگه‌ریى شه‌ڕى داعش له‌سه‌ر ئافره‌ت بڵاو ده‌کاته‌وه‌.

 ئاژانسى یوئێن ڤومه‌ن، که‌ ئاژانسى تایبه‌تى نه‌ته‌وه‌ یه‌کگرتووه‌کانه‌ به‌ کاروبارى جه‌نده‌رى و تواناسازیى ئافره‌ت، به‌ هاوبه‌شى له‌گه‌ڵ ئۆکسفام و ڕێکخراوى ئه‌کفه‌ر، لێکۆڵینه‌وه‌یه‌ک له‌سه‌ر کۆمه‌ڵگه‌کانى عێراق بڵاوده‌کاته‌وه‌ که‌شه‌ڕى داعش کارى تێکردوون.

به‌پێى ئه‌و ئاژانسه‌ى نه‌ته‌وه‌ یه‌کگرتووه‌کان حکومه‌تى ژاپۆن پاڵپشتى دارایى ئه‌و پرۆژه‌یه‌ى کردووه‌ و پرۆگرامى لیپى یوئێن ڤومه‌ن جێبه‌جێى کردووه‌ که‌ گرنگى ده‌دات به‌ ژیان و گوزه‌ران، خۆڕاگری، جێگه‌ى ئارام، پارێزگاریی، خزمه‌تگوزاریى و هاوکاریى یاسایى ژنه‌ ئاواره‌کان.

ئه‌م لێکۆڵینه‌وه‌یه‌، ده‌بێته‌ بنه‌مایه‌کى گرنگ  بۆ لایه‌نه‌ په‌یوه‌ندیداره‌کان له‌ ناوخۆ و کۆمه‌ڵگه‌ى نێوده‌وڵه‌تى بۆ وه‌ڵامدانه‌وه‌ى داخوازییه‌کانى ژنان و کچان و کوڕان و  پیاوان که‌ ئاواره‌ بوون یان به‌ هه‌ر شێوه‌یه‌ک بێت شه‌ێ‌ کاریگه‌ریى به‌سه‌ریانه‌وه‌ هه‌یه‌. 
 شه‌ڕى داعش، کاریگه‌رییه‌کى زۆرى له‌سه‌ر کۆمه‌ڵگه‌ و دانیشتووانى عێراق به‌جێهێشتووه‌ و ١٠ ملیۆن که‌س پێویستییان به‌ هاوکارییه‌.


لۆگۆ
سەرپێچی

وتار

زۆرترین خوێندراو