تیرۆریستانى ڕووداوه‌که‌ى له‌نده‌ن بریدج پلانى گه‌وره‌تریان هه‌بووه‌

6/11/2017 5:14:00 PM
وێنەکان
تیرۆریستانى ڕووداوه‌که‌ى له‌نده‌ن بریدج پلانى گه‌وره‌تریان هه‌بووه‌
جەماوەر نیوز
جه‌ماوه‌رنیوز







فه‌رمانده‌ى پۆلیسى له‌نده‌ن، دین هه‌یدوون له‌ به‌یاننامه‌یه‌کدا بڵاویکرده‌وه‌ ئه‌و سێ  تیرۆریسته‌ى که‌ کرده‌وه‌ تیرۆریستییه‌که‌ى له‌نده‌ن بریدجیان ئه‌نجام دا، به‌ نیازى کرده‌وه‌یه‌کى گه‌وره‌تر بوون که‌ بارهه‌ڵگرى ٧.٥ و  مۆلۆتۆڤى تێدا به‌کاربهێنن.

ڕۆژنامه‌ى گارده‌ینى به‌ریتانى بڵاویکرده‌وه‌، ئه‌و سێ تیرۆریسته‌، که‌ به‌ پێى لێدوانى پۆلیس، دانیشتووى شارى له‌نده‌ن بوون، هه‌وڵیان داوه‌ بارهه‌ڵگرێکى ٧.٥ به‌ کرێ بگرن، به‌ڵام نرخه‌که‌ى گران بووه‌ بۆیان له‌ باتى ئه‌و ڤانه‌ به‌کارى بهێنن که‌ به‌ ناو خه‌ڵکه‌که‌دا لێیان خوڕى هه‌روه‌ها مۆلۆتۆڤیش به‌کار بهێنن.  

پۆلیس، ده‌ڵێ ئه‌گه‌ر ئه‌وه‌یان پێبکرایه‌ ئه‌وا ئه‌نجامه‌کان زۆر ترسناکتر ده‌بوو.
له‌ دواى رووداوه‌که‌وه‌، پۆلیس چه‌ندین که‌سى دیکه‌ى به‌ تۆمه‌تى ده‌ست هه‌بوون له‌ تاوانه‌که‌ ده‌ستگیر کردووه‌، هه‌ندێک دواى لێکۆڵینه‌وه‌ ئازاد کراون و هه‌ندێک له‌ زینداندا ماونه‌ته‌وه‌.

سه‌ره‌ڕاى ئه‌وه‌ی، داعش به‌رپرسیارێتى خۆى له‌ تاوانه‌که‌ ڕاگه‌یاند، به‌ڵام پۆلیس پێى وایه‌ ڕوون نییه‌ ئاخۆ ئه‌و تیرۆریستانه‌ به‌ فه‌رمانى تۆڕێکى گه‌وره‌تر کاره‌که‌یان ئه‌نجام داوه‌، یاخود هه‌ر خۆیان بڕیاریان داوه‌ کرده‌وه‌یه‌کى وا ئه‌نجام بده‌ن.


لۆگۆ
سەرپێچی

وتار

زۆرترین خوێندراو