ئیسرائیل و سعودیه‌ هه‌وڵى کردنه‌وه‌ى په‌یوه‌ندیى دیپلۆماسی ده‌ده‌ن

6/18/2017 9:40:00 PM
وێنەکان
ئیسرائیل و سعودیه‌ هه‌وڵى کردنه‌وه‌ى په‌یوه‌ندیى دیپلۆماسی ده‌ده‌ن
جەماوەر نیوز
جه‌ماوه‌رنیوز







ڕۆژنامه‌ى تایمزى به‌ریتانى بڵاویکردووه‌ته‌وه‌ هه‌ردوو وڵاتى ئیسرائیل و سعودیه‌ له‌ گفتوگۆدان بۆ کردنه‌وه‌ى په‌یوه‌ندیى دیپلۆماسیی.  به‌پێى ڕۆژنامه‌که‌، هه‌ردوو وڵات ده‌ستییان به‌ گفتوگۆى نهێنى کردووه‌ بۆ کردنه‌وه‌ى نوێنه‌رایه‌تیى دیپلۆماسیى خۆیان له‌ ڕیاز و ته‌له‌بیب.

به‌پێى هه‌واڵه‌که‌، له‌ ‌سه‌ره‌تادا کۆمپانیاکانى هه‌ردوولا ده‌توانن نوێنه‌رایه‌تى کارسازى و وه‌به‌رهێنانى خۆیان له‌ لاى یه‌کدى بکه‌نه‌وه‌.  هه‌روه‌ها، هه‌نگاوه‌ سه‌ره‌تاییه‌کان فڕێنى فڕۆکه‌ى ئیسرائیلیشى به‌ مه‌وداى ئاسمانیى سعودیه‌ى له‌گه‌ڵدا ده‌بێت. به‌پێى سه‌رچاوه‌که‌، تا ئێستا به‌رپرسانى سعودیه‌ دانیان به‌وه‌دا نه‌ناوه‌ ‌و ڕه‌تى ده‌که‌نه‌وه‌.

ڕۆژنامه‌ى تایمزى به‌ریتانى ده‌نووسێت، به‌پێى لێدوانى به‌رپرسانى سعودیى ئه‌و باسه‌ ته‌نیا داوایه‌کى کۆشکى سپى بووه‌ که‌ له‌ سه‌ردانه‌که‌ى دۆناڵد تره‌مپ سه‌رۆکى ئه‌مریکادا پێشکه‌ش کراوه‌ و به‌ڵام هه‌نگاوى بۆ نه‌هاویشتراوه‌.  هه‌روه‌ها، به‌ دوورى نازانێ که‌ ته‌نگژه‌ى قه‌ته‌ریش به‌شێکى په‌یوندیى به‌و پرۆژه‌یه‌وه‌ هه‌بێت.


لۆگۆ
سەرپێچی

وتار

زۆرترین خوێندراو