ئه‌توانى له‌رێگاى ئیمه‌یڵ و ژماره ته‌له‌فۆنه‌کانمانه‌وه په‌یوه‌ندیمان پێوه‌بکه‌یت و راوسه‌رنج وپێشنیارو داواکاریه‌کانى خۆت بخه‌یته‌روو.
07705066052
پیته‌ر گالبرێت: وه‌زاره‌تى ده‌ره‌وه‌ى ئه‌مه‌ریکا هیچ باوه‌ڕێکی به‌یه‌کپارچه‌یى خاکى عێراق نیه
7/28/2017 9:24:00 PM
جەماوەر نیوز
جه‌ماوه‌رنیوز
پیته‌ر گالبرێت، باڵیۆزى پێشووى ئه‌مه‌ریکا له کرواتیا، له میانى به‌شداریکردنیدا له کۆنفرانسى کوردستان هاوپه‌یمانى ستراتیژى ئه‌مه‌ریکا رایگه‌یاند، سه‌ربه‌خۆیى کوردستان رێگرى لێناکرێت، ئه‌وه مافه و له چوارچێوه‌ى یاسا نێوده‌وڵه‌تییه‌کانه و له به‌رژه‌وه‌ندى ئه‌مه‌ریکایه.
هه‌ر قسه‌یه‌کیش له باره‌ى رێگریکردن له‌و ریفراندۆمه سوودى نییه و ناکرێت رێگرى له سه‌ربه‌خۆیى بکرێت.
راشیگه‌یاند، ئه‌مه‌ریکا و وڵاتانى دیکه‌ش، هه‌موو هه‌وڵێکیان بۆ هێشتنه‌وه‌ى یوگسلافیا بوو به یه‌کپارچه‌یی، به‌ڵام به هه‌زاران خه‌ڵکى کۆسۆڤۆ و سربیا و سلۆڤینیا سه‌ربه‌خۆییان ده‌ویست.
ووتى : "ده‌بێ له‌وه تێبگه‌ین ئه‌گه‌ر ریفراندۆم ئه‌نجامدرا، ئه‌مه‌ریکا و وڵاتانى دیکه خۆیان له‌گه‌ڵ ئه‌و راستى و واقعه ده‌گونجێنین و له‌گه‌ڵ دیفاکتۆ و واقیعێکى دیکه مامه‌ڵه ده‌که‌ن".
روونیشى کرده‌وه، با لۆمه له وه‌زاره‌تى ده‌ره‌وه‌ى ئه‌مه‌ریکا نه‌کرێت، چونکه ئه‌وان هیچ باوه‌ڕێکیان به یه‌کگرتوویى و یه‌کپارچه‌یى خاکى عێراق نییه.
هه‌روه‌ها وتی: "هیچ ئه‌مه‌ریکییه‌ک ئه‌وه‌ى قه‌بووڵ نییه له‌گه‌ڵ وڵاتێکدا بژى که گه‌له‌که‌ى تێیدا کۆمه‌ڵکوژ کرابێت، عێراقیش زیاتر وه‌ک وڵاتێکى داکۆکیکار له نه‌ته‌وه‌ى عه‌ره‌ب ده‌رکه‌وتووه" و روونیشیکرده‌وه، کورد چى بکات که نه‌ته‌وه‌یه‌کى جیاواز بووه و به‌و هۆیه‌وه کۆمه‌ڵکوژ کراوه.
سه‌باره‌ت به‌و قسانه‌ى گوایه سه‌ربه‌خۆیى کوردستان ناسه‌قامگیرى به دواى خۆیدا ده‌هێنێت، ئه‌وا هیوادارم له‌وه تێبگه‌ن، چ کاتێک رۆژهه‌ڵاتى ناوه‌ڕاست سه‌قامگیر بووه.
هه‌روه‌ها رایگه‌یاند سه‌یره که ده‌گوترێت کوردستان ئاماده نییه و ئابوورییه‌که‌ى ئاماده نییه بۆ سه‌ربه‌خۆیى و وتی: "چ وڵاتێک به‌ر له راگه‌یاندنى سه‌ربه‌خۆیى ئاماده‌بووه و به‌هێز بووه، ئه‌مه‌ریکا؟ یان هه‌ر وڵاتێکى دیکه هه‌بووه به‌و شێوه‌یه به‌هێز بووبێت و ئاماده بووبێت".
شایانى باسه ئه‌مڕۆ هه‌ینى 28 ى ته‌موزى 2017 پرسى سه‌ربه‌خۆیى و ریفراندۆمى کوردستان له کۆنفرانسێکدا له واشنتن له کۆنگرێسى ئه‌مریکادا خرایه‌روو که‌هه‌ر یه‌که له (مه‌سروور بارزانی) راوێژکارى ئه‌نجوومه‌نى ئاسایشى هه‌رێمى کوردستان و (نه‌جمه‌دین که‌ریم) پارێزگارى که‌رکووک و (جۆ وێڵسن) ئه‌ندامى کۆنگرێسى ئه‌مریکا که نوێنه‌رى کارۆلیناى باشوور، سه‌ر به پارتى کۆماریى ئه‌مریکا و (ترێنت فرانکس) ئه‌ندامى کۆنگرێسى ئه‌مریکا له ویلایه‌تى ئه‌ریزۆنا له پارتى کۆماریى ئه‌مریکا، له‌و کۆنفرانسه‌که‌دا له‌وباره‌یه‌وه گفتوگۆ ده‌که‌ن .
وتار
-
ڕه‌وشى ڕۆژنامه‌نوسى کوردى یان جیهانی
07.02.2024 -
ره‌گه‌ز گۆڕین کارێکى قێزه‌وه‌ن و شووره‌ییه
29.01.2024 -
سوکایه‌تى و بێڕێزى له‌پاى چی؟
10.01.2024
زۆرترین خوێندراو
- ڕۆژ
- هەفتە
- مانگ
-
پارتی و یه‌كێتی له سه‌ر دوو وه‌زاره‌ت ڕێكنه‌كه‌وتوون
27.10.2022
-
دوورخستنەوەی سەرۆککۆماری پێشووی چین ئاشكرا ده‌كرێت
23.10.2022
-
له كفری پارتی سۆسیال دیموكرات خولێكی تۆپی پێ ده‌كاته‌وه
22.10.2022
-
پارتی سۆسیال دیموكرات گۆڕانكاری ئه‌نجامده‌دات
23.02.2023