ئوسترالیا ده‌یان په‌ناخواز دیپۆرت ده‌کاته‌وه‌

8/29/2017 12:53:00 PM
وێنەکان
ئوسترالیا ده‌یان په‌ناخواز دیپۆرت ده‌کاته‌وه‌
جەماوەر نیوز
جه‌ماوه‌رنیوز







حکومه‌تى ئوسترالیا بڕیاریدا به‌ دیپۆرتکردنه‌وه‌ى ئه‌و په‌ناخوازانه‌ى که‌ پێشتر به‌ مه‌به‌ستى وه‌رگرتنى چاره‌سه‌رى ته‌ندروستى له‌ که‌مپه‌کانى دوورگه‌ى ناورۆ و پاپانیوگینیاوه‌ گواسترابوونه‌وه‌ بۆ ئه‌و ووڵاته‌.

به‌گوێره‌ى زانیاریه‌کانى ئاژانسى هه‌واڵى ئه‌ى بى سى نیوز ، ئه‌و بڕیاره‌ کاریگه‌رى له‌سه‌ر نزیکه‌ى 100 په‌ناخواز ده‌بێت و هه‌ر به‌گوێره‌ى بڕیاره‌که‌ ، حکومه‌تى ئوسترالیا ئه‌و پشتگیرییه‌ داراییه‌ش ده‌بڕێت که‌ بڕه‌که‌ى 200 دۆلار بووه‌ بۆ هه‌ر دوو هه‌فته‌یه‌ک بۆ هه‌ر یه‌کێک له‌و په‌ناخوازانه‌.

په‌ناخوازانى دوورگه‌ى ناورۆ و پاپانیوگینیا ، که‌ به‌شێکه‌ان به‌ڕه‌گه‌ز کوردن،  ئه‌و که‌سانه‌ن که‌ ویستویانه‌ به‌ قاچاخ و به‌به‌له‌م ڕوو له‌ ئوسترالیا بکه‌ن به‌ڵام له‌لایه‌ن هێزه‌ ده‌ریایه‌کانى ئوسترالیاوه‌ ده‌ستگیرکراون و ڕه‌وانه‌ى ئه‌و که‌مپانه‌ کراون و هه‌رگیز له‌ ئوسترالیا نیشته‌جێ ناکرێن. 

له‌و باره‌یه‌وه‌ وه‌زیرى خزمه‌تگوزاریه‌ مۆریه‌کانى ئوسترالیاش ڕایگه‌یاند بڕیاره‌که‌ له‌گه‌ڵ پرانسیپى یاساکانى کۆچى ئوسترالیا یه‌کده‌گرنه‌وه‌ و هه‌ر که‌سێک بیه‌وێت به‌ قاچاخ و به‌به‌له‌م ڕوو له‌ ئوسترالیا بکات ، هه‌رگیز له‌و ووڵاته‌ نیشته‌جێ ناکرێت. 


لۆگۆ
سەرپێچی

وتار

زۆرترین خوێندراو