ئه‌توانى له‌رێگاى ئیمه‌یڵ و ژماره ته‌له‌فۆنه‌کانمانه‌وه په‌یوه‌ندیمان پێوه‌بکه‌یت و راوسه‌رنج وپێشنیارو داواکاریه‌کانى خۆت بخه‌یته‌روو.
07705066052
سه‌رۆکى فه‌خریى په‌رله‌مانى پۆڵۆنیاپشتگیریى خۆى بۆ ریفراندۆمى هه‌رێمى کوردستان ڕاگه‌یاند
9/12/2017 4:49:00 PM
جەماوەر نیوز
جه‌ماوه‌رنیوز
سه‌رۆکى فه‌خریى په‌رله‌مانى پۆڵۆنیا، پشتیوانیى خۆى بۆ ئه‌نجامدانى ڕیفراندۆمى سه‌ربه‌خۆیى و دروستبوونى ده‌وڵه‌تى کوردستان ڕاگه‌یاند.
کۆرنێڵ مۆراڤێچکی سه‌رۆکى فه‌خریى په‌رله‌مانى پۆڵۆنیا ، په‌رله‌مانتار و سه‌رۆکى گرووپى ''ئازاد و پشتیوانه‌کان''له کۆنفڕانسێکى ڕۆژنامه‌وانى له په‌رله‌مانى پۆڵۆنیا، پشتیوانیى خۆى بۆ ئه‌نجامدانى ڕیفراندۆمى سه‌ربه‌خۆیى و دروستبوونى ده‌وڵه‌تى کوردستان ڕاگه‌یاند.
کۆرنێڵ مۆراڤێچکی باسى ڕۆڵى قاره‌مانیه‌تى و به‌رخودانى کوردى کرد له جه‌نگى دژ به تیرۆریستانى داعش و توندڕه‌وه‌کاندا ، ئه‌وه‌شى خسته‌روو که کوردستان مۆدێلێکى سه‌رکه‌وتووى پێکه‌وه‌ژیانى ئایین و نه‌ته‌وه‌کانه، که ئه‌مڕۆ زۆر پێویسته له ڕۆژهه‌ڵاتى ناوه‌ڕاستدا بوونى هه‌بێت.
له کۆنفڕانسه ڕۆژنامه‌وانییه‌که‌دا زیاد ڕه‌ئووف نوێنه‌رى حکوومه‌تى هه‌رێم رایگه‌یاند: ده‌سه‌ڵاتى کوردستان دواى سه‌د ساڵ له ئه‌زموونى سه‌خت و پێ له تراژیدیاى کورد له چوارچێوه‌ى عێراقدا، گه‌یشته ئه‌و بڕوایه‌ى ئیتر ناکرێ له وڵاتێکدا بمێنینه‌وه، که به‌ئاشکرا و بێ سڵه‌مینه‌وه ده‌ستوورى عێراق و هه‌موو ڕێککه‌وتنێکى لێکتێگه‌یشتن پێشێل ده‌کات. له‌به‌ر ئه‌وه کورد هه‌نگاو ده‌نێت به ئاراسته‌ى دروستکردنى کوردستانێکى سه‌ربه‌خۆدا، که ده‌بێته هۆى سه‌قامگیرکردنى ڕۆژهه‌ڵاتى ناوه‌ڕاست و شوێنى پێکه‌وه‌ژیانى ئاشتییانه بۆ هه‌موو پێکهاته نه‌ته‌وه‌یى و ئایینییه‌کان. هه‌روه‌ها ده‌بێته پارتنێرێکى گرینگى ئابوورى بۆ ڕۆژئاوا و وڵاتانى هاوپه‌یمان.
نوێنه‌رى حکوومه‌تى هه‌رێم ووتى: ''ڕیفراندۆمى سه‌ربه‌خۆیى له هه‌موو ناوچه‌کانى کوردستانى عێراق ئه‌نجام ده‌درێت. دواى ئه‌نجامى پۆزه‌تیڤى ڕیفراندۆم، کورده‌کانى عێراق ده‌یانه‌وێت به شێوه‌یه‌کى ئاشتییانه و له ڕێى دیالۆگ له‌گه‌ڵ به‌غدا و دراوسێکان و، هه‌روه‌ها له‌گه‌ڵ کۆمه‌ڵگه‌ى نێوده‌وڵه‌تی، سه‌ربه‌خۆیى ڕابگه‌یه‌نێت. بۆیه داواى له هه‌موو سیاسه‌تمه‌دارانى پۆڵۆنیا کرد، پشتگیرى سه‌ربه‌خۆییى کوردستان بکه‌ن، به‌تایبه‌تى که پۆڵۆنییه‌کان میلله‌تێک بوون، زیاتر له 100 ساڵ وڵاته‌که‌یان له ژێرده‌ستى داگیرکه‌راندا بوو.''
وتار
-
ڕه‌وشى ڕۆژنامه‌نوسى کوردى یان جیهانی
07.02.2024 -
ره‌گه‌ز گۆڕین کارێکى قێزه‌وه‌ن و شووره‌ییه
29.01.2024 -
سوکایه‌تى و بێڕێزى له‌پاى چی؟
10.01.2024
زۆرترین خوێندراو
- ڕۆژ
- هەفتە
- مانگ
-
پارتی و یه‌كێتی له سه‌ر دوو وه‌زاره‌ت ڕێكنه‌كه‌وتوون
27.10.2022
-
دوورخستنەوەی سەرۆککۆماری پێشووی چین ئاشكرا ده‌كرێت
23.10.2022
-
له كفری پارتی سۆسیال دیموكرات خولێكی تۆپی پێ ده‌كاته‌وه
22.10.2022
-
پارتی سۆسیال دیموكرات گۆڕانكاری ئه‌نجامده‌دات
23.02.2023