رووسیا هۆشدارى ده‌داته‌ ئه‌مه‌ریکا سه‌باره‌ت به‌ کشانه‌وه‌ى له‌ڕێکه‌وتنى ناوکى ئیران

1/13/2018 9:09:00 PM
وێنەکان
رووسیا هۆشدارى ده‌داته‌ ئه‌مه‌ریکا سه‌باره‌ت به‌ کشانه‌وه‌ى له‌ڕێکه‌وتنى ناوکى ئیران
جەماوەر نیوز
جه‌ماوه‌رنیوز







 ڕوسیا ڕایگه‌یاند: ئه‌مریکا به‌ کشانه‌وه‌ى له‌ڕێکه‌وتنى ناوه‌کى له‌گه‌ڵ ئێران  هه‌ڵه‌یه‌کى گه‌وره‌یه‌ ، به‌گه‌وره‌ترین هه‌ڵه‌ له‌سه‌ر ئاستى سیاسه‌تى ده‌ره‌وه‌ى واشنتن هه‌ژمار ده‌کات.

سێرگى ریابکۆف ،یاریده‌ده‌رى وه‌زیرى ده‌ره‌وه‌ى ڕوسیا ڕه‌خنه‌ى له‌ لێدوانى ڕۆژى هه‌ینى سه‌رۆکى ئه‌مریکا دۆناڵد ترامپ گرت که‌ وڵاته‌که‌ى له‌ ئێستادا سزا له‌سه‌ر ئێران دانانێت به‌هۆى به‌رنامه‌ ناوه‌کیه‌که‌یه‌وه‌، به‌ڵام دواتر له‌ئه‌مساڵدا ئه‌گه‌ر مه‌رجه‌کانى گۆڕانکارى به‌سه‌ردا نه‌یه‌ت ئه‌وا ئه‌مریکا له‌ ڕێکه‌وتنه‌که‌ ده‌کشێته‌وه‌، سه‌ربارى ئه‌مه‌ش گوتى مۆسکۆ له‌پێناو مانه‌وه‌ى ئه‌و ڕێکه‌وتنه‌ مێژوویییه‌ کار ده‌کات.

هه‌روه‌ها ڕیابکۆف له‌لێدوانه‌که‌یدا له‌گه‌ڵ ئاژانسى "ئینته‌رفاکس" ووتی"ئێمه‌ به‌ئه‌مه‌ ده‌گه‌ینه‌ ئاکامێک که‌ له‌ ناوخۆى ئه‌مریکادا بڕیارێک سه‌باره‌ت به‌ کشانه‌وه‌ له‌ ڕێکه‌وتنه‌ ناوه‌کیه‌که‌ دراوه‌ یاخود له‌سه‌روبه‌ندى ئه‌و بڕیاره‌دان".

ڕیابکۆف ووتیشی،"ئه‌وه‌ ده‌بێته‌ گه‌وره‌ترین هه‌ڵه‌ له‌ سه‌ر ئاستى سیاسه‌تى ده‌ره‌وه‌ى واشنتن".

ڕێکه‌وتنه‌که‌، که‌ له‌ مانگى 6ى ساڵى 2015دا له‌ نێوان ئێران و ئه‌مریکا وڕوسیا و چین و فه‌ره‌نسا و بریتانیا و ئه‌ڵمانیا و یه‌کێتى ئه‌وروپادا کرا، ده‌ڵێت سزاى نێوده‌وڵه‌تى به‌ پێى قۆناغ له‌سه‌ر ئێران لاده‌برێت ئه‌گه‌ر ئێران ده‌ست له‌ په‌ره‌سه‌ندنى به‌رنامه‌ى ناوکى هه‌ڵبگرێت.


لۆگۆ
سەرپێچی

وتار

زۆرترین خوێندراو