ترامپ: له‌م دوو ڕۆژه‌ى داهاتوو بڕیارێکى زۆر گرنگ له‌ باره‌ى سوریا ده‌ده‌ین

4/9/2018 10:26:00 PM
وێنەکان
ترامپ: له‌م دوو ڕۆژه‌ى داهاتوو بڕیارێکى زۆر گرنگ له‌ باره‌ى سوریا ده‌ده‌ین
جەماوەر نیوز
جه‌ماوه‌رنیوز







سه‌رۆکى ئه‌مه‌ریکا ده‌ڵێت له‌ ماوه‌ى دوو ڕۆژى داهاتوودا بڕیارێکى زۆر گه‌وره‌ له‌ بارى سوریا ده‌درێت سه‌باره‌ت به‌ چۆنیه‌تى کاردانه‌وه‌ له‌ به‌رامبه‌ر ئه‌و هێرشه‌ى به‌ چه‌کى کیمیایى کرایه‌ سه‌ر ناوچه‌ى دوماى باکورى ڕۆژئاواى دیمه‌شقى پایته‌خت.

ئه‌مڕۆ دووشه‌ممه‌ 9 ى نیسانى 2018 دۆناڵد ترامپ سه‌رۆکى ئه‌مه‌ریکا به‌ر له‌ کۆبوونه‌وه‌ى له‌گه‌ڵ ئه‌ندامانى به‌ڕێوه‌به‌رایه‌تییه‌که‌ى  ڕاگه‌یاند : " ئه‌مه‌ په‌یوه‌ندى به‌ مرۆڤایه‌تیـیه‌وه‌ هه‌یه‌ و ناکرێت ڕێگه‌ بدرێت ئه‌وه‌ ڕووبدات."

پـێشتر سه‌رۆکى ئه‌مه‌ریکا هێرشه‌که‌ى به‌ ئه‌وپه‌ڕى دڕنده‌یى ناوبرد و سه‌رۆکى سوریاى به‌ ئاژه‌ڵ ناوبرد.

کاربه‌ده‌ستانى ئه‌مه‌ریکا ده‌ڵێن به‌پێى لێکۆڵینه‌وه‌ سه‌ره‌تایـیه‌کان ئه‌و هێرشه‌ کیمیایـیه‌ى ڕۆژى شه‌ممه‌ کرایه‌ سه‌ر دوما به‌ گازى ده‌مار بووه‌.


لۆگۆ
سەرپێچی

وتار

زۆرترین خوێندراو