شه‌ڕله‌ نێوان گروپه‌ چه‌کداره‌کانى سه‌ر به‌ تورکیا له‌ عه‌فرین ڕووده‌دات

5/24/2018 1:22:00 PM
وێنەکان
شه‌ڕله‌ نێوان گروپه‌ چه‌کداره‌کانى سه‌ر به‌ تورکیا له‌ عه‌فرین ڕووده‌دات
جەماوەر نیوز
جه‌ماوه‌رنیوز








کۆمه‌ڵه‌ى سوریا بۆ چاودێرى مافه‌کانى مرۆڤ ده‌ڵێت شه‌ڕ له‌ نێوان دوو گروپى چه‌کدارى سه‌ر به‌ تورکیا له‌ عه‌فرین ڕوویداوه‌ و له‌ ئاکامدا بریندار له‌ هه‌ردوولایان که‌وتوونه‌ته‌وه‌.

کۆمه‌ڵه‌که‌ له‌ ماڵپه‌ڕه‌که‌ى خۆى نووسیویه‌تى بۆجارى شه‌ڕ و پـێکدادان له‌ نێوان گروپه‌کانى سه‌ر به‌ تورکیا له‌ شارى عه‌فرین ڕوویداو ئه‌م جاره‌ له‌ نێوان هه‌ردوو گروپى ئه‌حرار ئه‌لشه‌رقیـیه‌ و فرقه‌ ئه‌لحه‌مزات بووه‌. ده‌ڵێت چه‌کدارانى ئه‌حرار ئه‌لشه‌رقیه‌ له‌ ناوچه‌ى دێرزور هاتوون و چه‌کدارانى حه‌مزاتیش خه‌ڵکى ناوچه‌ گوندیـیه‌کانى حه‌له‌بن که‌ به‌شێکیان کوردن.

به‌پـێى سه‌رچاوه‌کان شه‌ڕه‌که‌ له‌وه‌وه‌ ده‌سـتیپـێکردووه‌، گروپى ئه‌حرار ئه‌لشه‌رقیه‌ چه‌کدارانى گروپى ئه‌لحه‌مزاتیان تاوانبارکردووه‌ به‌ ئه‌نجامدانى دزى و تاڵانى به‌ ئامانجى زڕاندنى ناوى هێزه‌کانى سه‌ر به‌ تورکیا. دواتر شه‌ڕ له‌ نێوانیان هه‌ڵگیرساوه‌ و بریندار له‌ هه‌ردوولایان که‌وتووه‌ته‌وه‌ و پـۆلیسى له‌شکرى تورکیا هاتووه‌ته‌ نێوانیان. پاشان شه‌ڕه‌که‌ گۆڕاوه‌ بۆ شه‌ڕى نێوان چه‌کدارانى ئه‌حرار ئه‌لشه‌رقیـیه‌ و پـۆلیسى تورکیا، ئه‌مه‌ش وه‌هاى کردووه‌ هێزى زیاترى تورکیا به‌ره‌و ناو شاره‌که‌ بڕۆن بۆ کۆنترۆڵکردنى ڕه‌وشه‌که‌.


لۆگۆ
سەرپێچی

وتار

زۆرترین خوێندراو