حزبی سۆسیالیست په‌یامێكی پیرۆزبایی ئاراسته‌ی پارتی دیموكراتی كوردستان ده‌كات

15.08.2019
جەماوەر نیوز

مه‌كته‌بی سیاسی حزبی سۆسیالیست دیموكراتی كوردستان په‌یامێكی پیرۆزبایی ئارسته‌ی پارتی دیموكراتی كوردستان ده‌كات به‌ بۆنه‌ی 73 هه‌مین ساڵڕۆژی دامه‌زراندنی، له‌ په‌یامه‌كه‌ی حزبی سۆسیالیست هاتووه‌ " پارتی دیموکراتی کوردستان، لە سەرەتای دامەزراندنییەوە تاکو ئێستا هێزێکی کاریگەر و ڕۆڵێکى دیار و بەرچاوی هەبووە لە له‌کاروانى بزاڤى رزگاریخوازى گه‌لەکەماندا و لەو پێناوەشدا قوربانی زۆری بەخشیوە بۆ بەدەستهێنانی مافە ڕەواکانی گەلی کوردستان".

ده‌قی په‌یامی پیرۆزبایی حزبی سۆسیالیست دیموكراتی كوردستان به‌بۆنه‌ی 73هه‌مین ساڵڕۆژی دامه‌زراندنی پارتی دیموكراتی كوردستان:


بەڕێز جەنابی کاک مەسعود بارزانی
بەڕێزان ئەندامانی مەکتەبی سیاسی پارتی دیموکراتی کوردستان
سڵاو و ڕێز
بە بۆنەی ۷۳ هەمین ساڵیادی دامەزراندنی  پارتی دیموکراتی کوردستانەوە،گەرمترین پیرۆزبایی ئاراستەی سەرکردایەتی و سەرجەم ئەندام و لایەنگرانی پارتە تێکۆشەرەکەتان دەکەین و هیوای بەرەوپێشچوون و سەرکەوتنتان بۆ دەخوازین.
پارتی دیموکراتی کوردستان، لە سەرەتای دامەزراندنییەوە تاکو ئێستا هێزێکی کاریگەر و ڕۆڵێکى دیار و بەرچاوی هەبووە لە له‌کاروانى بزاڤى رزگاریخوازى گه‌لەکەماندا و لەو پێناوەشدا قوربانی زۆری بەخشیوە بۆ بەدەستهێنانی مافە ڕەواکانی گەلی کوردستان ئەم خەبات و تێکۆشانە بەرزدەنرخێنین و جێگای ستایش و پێزانینمانە.
ئومێدەوارین ئەم یادە ببێتە هەوێنی قۆناغێکی نوێی خه‌باتی نیشتمانی و بەهه‌ماهه‌نگیى و کۆده‌نگى هەموو لایەنەکان تێبکۆشین بۆ پته‌وترکردنى قه‌واره‌ى ھه‌رێمى کوردستان و سەرخستنی پرۆسەی دیموکراتی و ئارامی و خۆشگوزرانی و بەرژەوەندییە باڵاکانی گەلەکەمان بکەینە ئامانج و دەستەبەریان بکەین.

هەر سەرفراز و سەرکەوتووبن

مەکتەبی سیاسی 
حزبی سۆسیالیست دیموکراتی کوردستان
۱٦ی ئابی ۲٠۱۹