جه‌ماوه‌رنیوز واده‌ی ئه‌نجامدانی هه‌ڵبژاردنی مامۆستایان ئاشكرا ده‌كات

25.10.2019

وێنەکان

جه‌ماوه‌رنیوز واده‌ی ئه‌نجامدانی هه‌ڵبژاردنی مامۆستایان ئاشكرا ده‌كات

جەماوەر نیوز

بڕیاره‌ بوو له‌ 31ی تشرینی یه‌كه‌می 2019 هه‌ڵبژاردنی مامۆستایان ئه‌نجامبدرێت، به‌ڵام به‌ هۆی نه‌بونی بودجه‌ی پێویست بۆ به‌رێوه‌چونی پرۆسه‌ی هه‌ڵبژاردنی مامۆستایان هه‌ڵبژاردنه‌كه‌ دواخرا.
له‌وباره‌یه‌وه‌ عه‌تا ئه‌حمه‌د، جێگری سه‌رۆكی یه‌كێتی مامۆستایانی كوردستان به‌ جه‌ماوه‌رنیوزی راگه‌یاند هه‌ڵبژاردنی یه‌كیێتی مامۆستایانی كوردستان بڕیار بوو 31ی تشرینی یه‌كه‌می ئه‌مساڵ ئه‌نجامبدرێت، به‌ڵام له‌ به‌رهه‌ندێك كێشه‌ی دارایی و ته‌كنیكی دواده‌كه‌وێت بۆ ماوه‌ی چه‌ند مانگێك هه‌تا ئه‌و كاته‌ی ئاماده‌سازییه‌كان ده‌كرێت له‌ ڕووی لیسی ناو و ناسنامه‌ و هه‌روه‌ها بودجه‌ی پێویست‌.
ناوبراو وتیشی بۆ ئه‌و هه‌ڵبژاردنه‌ لانی كه‌م پێویستمان به‌ 117 ملیۆن دیناره‌ و یه‌كێتی مامۆستایان76 هه‌زار ئه‌ندامی هه‌یه‌ ، ئه‌نجامدانی هه‌ڵبژاردن پێویستی به‌ فه‌رمانبه‌ر و بنكه‌ی ده‌نگدان و كه‌سانی یاسای هه‌یه‌.
جێگری سه‌رۆكی یه‌كێتی مامۆستایانی كوردستان وتیشی بڕیاره‌ له‌ دوای سه‌ری مانگه‌وه‌ مه‌كته‌بی ته‌نفیزی بڕیارێك له‌وباره‌یه‌وه‌ بدات هه‌تا ئاماده‌ سازییه‌كان ده‌كرێت دوابكه‌وێت بۆ ماوه‌ی دوو مانگ یان سێ مانگی دیكه‌ له‌گه‌ڵ ئه‌وه‌شدا هه‌موو لایه‌ك كۆده‌نگن له‌ ئه‌نجامدانی هه‌ڵبژاردنی مامۆستایان.
له‌باره‌ی ژماره‌ی ئه‌و لیستانه‌ی كه‌ به‌شداری هه‌ڵبژاردنی مامۆستایان ده‌كه‌ن عه‌تا ئه‌حمه‌د هێمای بۆ ئه‌وه‌ كرد ئه‌و لیستانه‌ی كه‌ پێشكه‌شیان كردووه‌ بۆ ئه‌وه‌ی به‌شداری له‌ هه‌ڵبژاردنه‌كه‌دا بكه‌ن بریتین له‌ 8 لیست.