ئهتوانى لهرێگاى ئیمهیڵ و ژماره تهلهفۆنهکانمانهوه پهیوهندیمان پێوهبکهیت و راوسهرنج وپێشنیارو داواکاریهکانى خۆت بخهیتهروو.
07705066052
ئا: كارزان عەبدوڵا
بەرزەپەستانی خوێن بەیەكێك لەو كێشە تەندروستیانە دادەنرێت كە ڕووبەڕووی زۆرێك لەمرۆڤەكان دەبێتەوە لەسەرتاسەری جیهان بەهۆی كۆمەڵێك هۆكاری جیاجیاوە.
بەرزەپەستانی خوێن بریتیە لەزیادبوونی هاتوچۆی خوێن لەنێو دەمارەكان بەشێوەیەكی ناسروشتی و ئەوەش دەبێتە هۆی سەرهەڵدانی كێشەی تەندروستی وەك نەخۆشیەكانی دڵ و دەمارەكان و پەككەوتنی گورچیلە و جەڵتەی مێشك.
پسۆڕان كۆمەڵێك ئامۆژگاری بەسوود دەخەنەڕوو بۆ ڕزگاربوون لەبەرزەپەستانی خوێن، ئەوانیش:
* كەمكردنەوەی كێش: پەیوەندی پتەو هەیە لەنێوان قەڵەوی و بەرزەپەستانی خوێن و كەمكردنەوەی كێش رێگایەكی چالاكە بۆ كۆنترۆڵكردنی پەستانی خوێن.
* بەردەوامی چالاكی جەستە: ئەنجامدانی ڕاهێنان و وەرزشكردن بەشێوەی رێكخراو وەك پاسكیل لێخوڕین و رۆیشتن و ڕاكردن دەبێتە هۆی دابەزینی پەستانی خوێن.
* كەمكردنەوەی خوێ: زیادەڕەوی لەبەكارهێنانی خوێ دەبێتە هۆی زیادبوونی مەترسی بەرزەپەستانی خوێن و نەخۆشیەكانی دڵ و دەمارەكان.
* وازهێنان لەجگەرەكێشان: كەسانی جگەرەكێش زیاتر ئەگەری تووشبوونیان بە بەرزەپەستانی خوێن و نەخۆشیەكانی دڵ زیاترە ، ئەگەر كەسێك پەستانی خوێنی بەرزبوو دەبێت واز لەجگەرەكێشان بهێنێت بۆ كەمكردنەوەی مەترسی.
* سیستمی خۆراكی تەندروست: گرتنەبەری سیستمێكی تەندروستی خۆراك كە دەوڵەمەند بێت بە دانەوێڵە و میوە و سەوزە و بەروبومی شیرەمەنی و كەمكردنەوەی خۆراكی پڕ لەچەوی تێر و كۆلیسترۆل دەبێتە هۆی دابەزینی پەستانی خوێن.
* كەمكردنەوەی فشاری دەروونی: كەمكردنەوەی فشاری دەروونی و ئەنجامدانی یۆگا و ڕاهێنانەكانی پشوودان بەسوودە بۆ دابەزینی پەستانی خوێن.
* كەمكردنەوەی كافیین: خواردنەوەی زیاتر لەچوار كوپ قاوە لەرۆژێكدا دەبێتە هۆی زیادبوونی پەستانی خوێن.
* كەمكردنەوەی خواردنی شیرینی: كەمكردنەوەی بەكارهێنانی شیرینی و خواردنەوە شیرینەكان بەشێوەیەكی زۆر دەبێتە هۆی دابەزینی پەستانی خوێن.
* خواردنی خۆراكی دەوڵەمەند بە پۆتاسیۆم: ئەو جۆرە خۆراكە وەك مۆز كاریگەری دەبێت بۆ كەمكردنەوەی كاریگەری سۆدیۆم لە لەش و كۆنترۆڵبوونی پەستانی خوێن.
ئهتوانى لهرێگاى ئیمهیڵ و ژماره تهلهفۆنهکانمانهوه پهیوهندیمان پێوهبکهیت و راوسهرنج وپێشنیارو داواکاریهکانى خۆت بخهیتهروو.
07705066052