په‌رله‌مانی كوردستان كۆده‌بێته‌وه‌

25.10.2020

وێنەکان

جەماوەر نیوز
رۆژی سێ شه‌ممه‌ 27ی تشرینی یه‌كه‌م كاتژمێر (2)ی دوانیوه‌ڕۆ په‌رله‌مانی كوردستان كۆده‌بێته‌وه‌ و له‌ كۆبونه‌وه‌كه‌دا پرساندنی سەرۆک وەزیران و جێگرەکەی و وه‌زیری دارایی دەخرێتە بەرنامەی کاری پەرلەمانەوە.
لە خشتەی کاری كۆبونه‌وه‌ی پەرلەمان سێ تەوەر تاوتوێ دەکرێت:
یه‌كه‌م: خوێندنه‌وه‌ی یه‌كه‌م بۆ ئه‌م پێشنیازه‌یاساییانه‌ی خواره‌وه‌ پشت به‌ستن به‌حوكمی مادده‌كانی (79، 80)ی په‌یڕه‌وی ناوخۆی په‌رله‌مانی كوردستان.
1ـ پێشنیازی یاسای (پاراستنی تۆڕو بنچینه‌كانی ئاوو ئاوه‌ڕۆ له‌هه‌رێمی كوردستان-عێراق).
2ـ پێشنیازی یاسای (به‌رێوه‌بردن و پاراستنی ئاو له‌هه‌رێمی كوردستان-عێراق).
دووه‌م: دانانی ئه‌ندامی په‌رله‌مان به‌رێز (عمر عبدالله فتاح) له‌لیژنه‌ی دارایی و كاروباری ئابووری به‌پێی حوكمی مادده‌كانی (28، 34) له‌په‌یڕه‌وی ناوخۆی په‌رله‌مانی كوردستان.
سێیه‌م: گفتوگۆی پرساندن و وه‌ڵامه‌كانی به‌رێزان (سه‌رۆكی ئه‌نجوومه‌نی وه‌زیران) و (جێگری سه‌رۆكی ئه‌نجوومه‌نی وه‌زیران) و (وه‌زیری دارایی و ئابووری)، به‌پێی حوكمی مادده‌كانی (70، 71، 73) له‌په‌یڕه‌وی ناوخۆی په‌رله‌مانی كوردستان