جەماوەر نیوز
بەئامادەبوونی بەڕێز محەمەد حاجی مەحمود مەراسیمێک بۆ ڕاگەیاندنی کۆمەڵەی شورای مەزنی چین بەڕێوەچوو
ئەمڕۆ ۸ـی کانوونی یەکەمی ۲٠۲٥ بەئامادەبوونی بەڕێز محەمەد حاجی مەحمود، سەرۆکی حزبی سۆسیال دیموکراتی کوردستان و ژمارەیەک لە هەڤاڵانی حزب و لیو جیون، کونسولی گشتیی کۆماری میللی چین و ژمارەیەک لە بەرپرسانی حکومی و حزبی و ژمارەیەک لە خوێندکاران و مامۆستایانی زانکۆکانی کوردستان، مەراسیمی ڕاگەیاندنی کۆمەڵەی شورای مەزنی چین بەڕێوەچوو.
کۆمەڵەکە، تایبەتە بەخوێندکاران و ئەو کەسایەتییانەی لەماوەی دوو ساڵی ڕابردوودا سەردانی وڵاتی چین یانکردوە، دروستکردنی ئەم ڕێکخراوە هەوڵێکە بۆ بەهێزکردنی پەیوەندی دۆستانەی نێوان گەلی کورد و چین.
لەمەراسیمەکەدا، چەندین وتار پەیوەست بە بیرۆکە و ئامانجەکانی کۆمەڵەکە پێشکەشکرا، لەوچواچێوەیەدا کونسولی گشتیی چین لە هەرێمی کوردستان باسی لە پەیوەندی دۆستانەی نێوان هەردوولا کرد و خواستی وڵاتەکەی بۆ پێشخستنی ئەو پەیوەندییانە خستەڕوو، هەروەها سوپاسی ئامادەبوونی سەرۆک محەمەد حاجی مەحمودی کرد لە مەراسیمەکەدا.