جەماوەر نیوز
بەئامادەبوونی بەڕێز محەمەد حاجی مەحمود، ڕێوڕەسمی ڕاگەیاندنی (سەنتەری لێکۆڵینەوەی دەستپێشخەری شارستانی) بەڕێوەچوو
ئەمڕۆ ۱٥ـی کانوونی یەکەمی ۲٠۲٥ لە هەولێری پایتەخت، بەڕێز محەمەد حاجی مەحمود، بەیاوەری شادمان ڕۆستەم و دکتۆر یوسف عەزیز، ئەندامانی مەکتەبی سیاسی حزبی سۆسیال دیموکراتی کوردستان، بەشداریکرد لە ڕێوڕەسمی ڕاگەیاندنی (سەنتەری لێکۆڵینەوەی دەستپێشخەری شارستانی).
لەڕێوڕەسمەکەدا، کە ژمارەیەک لە بەرپرسانی حکومەتی هەرێمی کوردستان، سەرۆک و نوێنەری هێز و لایەنە سیاسییەکان و شاندێکی باڵای کۆمیتەی ناوەندی حزبی شیوعی چین بە سەرپەرشتی جین شین، جێگری وەزیری دەرەوەی چین ئامادەیبوون، لە چەند وتارێکدا باس لە گرنگی سەنتەرەکە کرا بۆ خزمەتکردن و پەرەپێدانی گفتوگۆی نێوان شارستانیەتەکان و فێربوونی هاوبەش.
بەڕێز محەمەد حاجی مەحمود، وێڕای پیرۆزبایی لە بەڕێز کاوە مەحمود، سەرۆکی سەنتەرەکە، ئومێدی خواست لەڕێگەی پرۆژە و لێکۆڵینەکانیانەوە خزمەت بە دۆزی ڕەوای گەلەکەمان بکەن.