كۆشكی سه‌رۆكایه‌تی روسیا (کرێملن) ڕایگەیاند، ڤلادیمیر پوتن، سەرۆکی ڕوسیا خۆی ئامڕازەکانی زیرەکی دەستکرد بەکارناهێنێت، بەڵکو ئەو بەرپرسانەی کە کاری بۆ دەکەن بەکاریدەهێنن.

دیمیتری پێسکۆڤ، وتەبێژی کرێملن ئه‌مڕۆ پێنجشه‌ممه‌ له‌ لێدوانێكدا باسی له‌وه‌كردوه‌، "کرێملن ئامرازەکانی زیرەکی دەستکردی بەکارهێناوە بۆ یارمەتیدانی ڕیزکردنی پرسیارەکانی هاوڵاتیان لە میانی کۆبونەوەی ساڵانەی پرسیار و وەڵام لەگەڵ سەرۆک کۆمار".

پوتن داوای پێکهێنانی هێزێکی ئەرکی نیشتمانی کردوه‌ بۆ هەماهەنگی کارکردن لەسەر مۆدێلی زیرەکی دەستکردی درووستکەری ناوخۆیی، کە بەوتەی خۆی زۆر گرنگن بۆ پاراستنی سەروەری ڕوسیا.

ڕۆبۆتێکی بەهێزی AI دوێنێ چوارشه‌ممه‌ لەبەردەم پوتن سەمای کرد لە پێشانگایەکدا کە لەلایەن Sberbank گەورەترین بانکی ڕووسیا بەڕێوەچو، بۆ نمایشکردنی گەشەسەندنی تەکنەلۆژیای خۆی.

به‌گوێره‌ی لێکۆڵینەوەیەکی ئەم دواییە، دەرکەوتوە کە کرێملن ستراتیژییەکی ورد بەکاردەهێنێت بۆ شاردنەوەی شوێنی ڕاستەقینەی ڤلادیمیر پوتن سەرۆکی ڕوسیا، بە بەکارهێنانی سێ نوسینگەی نزیکەی یەکسان کە لە شوێنی جیاواز لە ناو ڕوسیادا هەڵکەوتون.