ڕوونکردنەوەیەک لە پۆلیسى هەولێرەوە

29.09.2023
وێنەکان
ڕوونکردنەوەیەک لە پۆلیسى هەولێرەوە
جەماوەر نیوز
ڕوونکردنەوەیەک بۆ ڕاى گشتیى

سەبارەت بەو گرتە ڤیدیۆیەى بڵاوکراوەتەوە لە بارەى ئەو پۆلیسەى لە ڕێورەسمى یادى لە دایكبوونی پێغەمبەری ئیسلام پێشەواى مرۆڤایەتى و فەخری کائینات حەزرەتی محه‌مه‌دولمسته‌فا (دروودی خوای لەسەر بێت) لە سەر قەڵاى هەولێر بە شێوەیەکى ناشایستە مامەڵە لەگەڵ گەنجێک دەکات و پەلامارى دەدات، بەپێویستى دەزانیین بۆ هەموو لایەکى ڕوونبکەینەوە، لە کاتێکدا کە ژمارەیەکى زۆرى هاوڵاتییانى شارى هەولێرى پایتەخت بە چالاکی و شێوازی جیاواز لەو ڕۆژە پیرۆزەدا خۆشەویستی خۆیان بۆ پێغەمبەری ئیسلام دەردەبڕى لە نێو سەنتەرى شار، لە هەمانکاتدا کۆمەڵێک گەنج لە سەر قەڵاتى هەولێر بە ئەنجامدانى چەند کردار و ڕەفتارێکى ناشایستە هاوڵاتیانیان ناڕەحەت و بێزارکردبووە، بۆ کۆنتڕۆڵکردنى ئەو بارودوخە و ئیجرائات وەرگرتن لەگەڵ ئەو گەنجانە پۆلیس ڕەوانەى شوێنەکە کران، بەڵام بەداخەوە لەلایەن یەکێک لە پۆلیسەکان بەشێوازێکى ناشایستە پەلامارى یەکێک لە گەنجەکان درا، لە بەرامبەر ئەو ڕەفتارە نابەجێیە ئەفسەرێک و ئەو پۆلیسە لەلایەن بەڕێوەبەرایەتیەکەمانەوە دەستبەسەرکراون و لیژنەى لێکۆڵینەوەیان لە سەر پێکهێنراوە و بەپێى یاسا مامەڵەیان لەگەڵدا دەکرێت.
هاوڵاتییان و هاوشاریانى خۆشەویستى شارەکەمان دڵنیا دەکەینەوە هیچ کەسێک لە سەرووى یاساوە نییە.

بەڕێوەبەرایەتى پۆلیسى پارێزگای هەولێر
2023.9.28

بابەتی هاوشێوە

گەڕانەوە بۆ سەرەوە
لۆگۆ
سەرپێچی

وتار

زۆرترین خوێندراو

  • ڕۆژ
  • هەفتە
  • مانگ