فیلمی ته‌میره‌ له‌ فێستیڤاڵی نێوده‌وڵه‌تی فیلمی كوردی مۆسكۆ نمایش ده‌كرێ

29.09.2023
وێنەکان
فیلمی ته‌میره‌ له‌ فێستیڤاڵی نێوده‌وڵه‌تی فیلمی كوردی مۆسكۆ نمایش ده‌كرێ
جەماوەر نیوز

دوای پازده‌ ساڵ له‌ به‌رهه‌مهێنانی، فیلمی "ته‌میره‌" له‌ ده‌رهێنانی "فه‌رید ئێلهامی"، له‌ فێستیڤاڵی فیلمی كوردی مۆسكۆ وه‌رگیرا و بڕیاره‌ له‌ فێستیڤاڵه‌كه‌دا نمایش بكرێت.

وه‌رگیرانی ئه‌و فیلمه‌ له‌ فێستیڤاڵی فیلمی كوردی مۆسكۆ له‌ كاتێكدایه‌، حه‌وت له‌و مامۆستا و گێڕه‌ره‌وانه‌ی ته‌مبوور، كه‌ له‌ فیلمه‌كه‌دا به‌شداریان كردووه‌ كۆچی دواییان كردووه‌.

فیلمه‌كه‌ جگه‌ له‌ ناوچه‌كانی كوردستان، له‌ ئێران، عێراق، توركیا، فه‌ره‌نسا، ئه‌ڵمانیا و سوید وێنه‌ی گیراوه‌.

هه‌ریه‌ك له‌ هونه‌رمه‌ندان مه‌زهه‌ری خالقی، شه‌هرام نازری، حوسێن عەلیزادە و کەیخۆسرەو پوور نازری، ئەوەیان پشتڕاست کردووه‌ته‌وه‌، کە ئامێری میوزیكی ته‌مبوور، ئامێرێكی دێرینی یارسانه‌ و كۆمه‌ڵگه‌ی یارسان وه‌ك ئامێرێكی پیرۆز و به‌شێك له‌ كولتووری ئایینی به‌ درێژایی مێژوو پاراستوویانه‌ و نه‌وه‌ له‌ دوای نه‌وه‌ هونه‌ری فێربوونیان به‌ نه‌مری هێشتووه‌ته‌وه‌.

فێستیڤاڵی نێوده‌وڵه‌تی فیلمی كوردی مۆسكۆ، لە ساڵی 2020 ـه‌وە بەڕێوەدەچێت، وەشانی یه‌كه‌م و دووەمی فێستیڤاڵه‌كه‌ به‌ هاوكاری و سپۆنسه‌ری وەزارەتی رۆشنبیری و لاوانی حکومەتی هەرێمی کوردستان به‌ڕێوه‌چووه‌ و بۆ وه‌شانی سێیه‌میش كه‌ بڕیاره‌ پێش كۆتایی ئه‌مساڵ به‌ڕێوه‌بچێت، وه‌زاره‌تی ڕۆشنبیری و لاوان پشتیوانی ده‌كات و بڕیاره‌ وه‌زیری ڕۆشنبیری و لاوانیش تێیدا ئاماده‌ بێت.

بابەتی هاوشێوە

گەڕانەوە بۆ سەرەوە
لۆگۆ
سەرپێچی

وتار

زۆرترین خوێندراو

  • ڕۆژ
  • هەفتە
  • مانگ