زاراوه‌ى پێوه‌ره‌ زیره‌که‌کان زۆرجار ئاماژه‌یه‌ بۆ پێوه‌رێکى کاره‌با، به‌ڵام ڕه‌نگه‌ به‌ ماناى ئامێرێک بێت که‌ به‌کارهێنانى غازى سروشتی، ئاو بپێوێت.
پێوه‌رى زیره‌ک ئامێرێکى ئه‌لیکترۆنییه‌ که‌ زانیارییه‌کان تۆمار ده‌کات وه‌ک به‌کارهێنانى وزه‌ى کاره‌با، ئاستى ڤۆڵتیه‌ و ته‌زوو، پاوه‌ر فاکته‌ر و چاودێریکردنى کوالیتى کاره‌با. زانیارییه‌کان ده‌گوازێته‌وه‌ بۆ به‌کارهێنه‌ر و بۆ کۆمپانیاى کاره‌باى په‌یوه‌ندیدار نزیک له‌ کاتى ڕاسته‌قینه‌دا. پێوه‌ره‌ زیره‌که‌کان ڕێگه‌ به‌ په‌یوه‌ندى دوولایه‌نه‌ ده‌ده‌ن له‌ نێوان پێوه‌ره‌که‌ و سیسته‌مى ناوه‌ندیدا.

پێوه‌ره‌ زیره‌که‌کان به‌ شێوه‌یه‌کى گشتى به‌کارهێنانى وزه‌ى کاره‌با تۆمار ده‌که‌ن، و ڕاپۆرتى به‌رده‌وام پێشکه‌ش ده‌که‌ن، به‌ ماوه‌یه‌کى کورت به‌ درێژایى ڕۆژ. . ڕه‌نگه‌ پێوه‌ره‌ زیره‌که‌کان به‌شێک بن له‌ تۆڕێکى زیره‌ک، به‌ڵام له‌ خۆیاندا تۆڕێکى زیره‌ک پێک ناهێنن.
پێوه‌رى زیره‌ک زۆر له‌ پێوه‌رى ته‌قلیدى ده‌چێت که‌ له‌ ماڵه‌کاندا ده‌بینرێت، چونکه‌ داتاى به‌کارهێنانى وزه‌ى کاره‌با ده‌پێوێت و تۆمارى ده‌کات. به‌ڵام پێوه‌رى زیره‌ک جیاوازه‌ چونکه‌ ئامێرێکى دیجیتاڵییه‌ و ده‌توانرێت له‌ دووره‌وه‌ په‌یوه‌ندى پێوه‌ بکرێت. هه‌ر 15 خوله‌ک تا کاتژمێرێک زانیارى به‌کارهێنانى به‌کارهێنه‌ر بۆ کۆمپانیاى کاره‌باى په‌یوه‌ندیدار و بۆ به‌کارهێنه‌ر ده‌نێرێت و پێویستى به‌ خوێنه‌رى پێوه‌ر نامێنێت.
پێوه‌ره‌ زیره‌که‌کان ڕه‌نگدانه‌وه‌ى ئه‌و کاره‌بایه‌ ده‌بن که‌ پێشتر به‌کارهێنه‌ر به‌کارى ده‌هێنێت. به‌ دابینکردنى ده‌ستڕاگه‌یشتنێکى زیاترى به‌ زانیارى ورد سه‌باره‌ت به‌ به‌کارهێنانى وزه‌ى کاره‌بایی، به‌کارهێنه‌ر کۆنترۆڵى زیاترى به‌سه‌ر به‌کارهێنانى وزه‌ى خۆیدا ده‌بێت. به‌ گۆڕینى ڕه‌فتاره‌کانى له‌سه‌ر بنه‌ماى تێگه‌یشتنه‌ نوێیه‌که‌ی، به‌م شێوه‌یه‌ ده‌توانێت به‌کارهێنانى وزه‌ى کاره‌با که‌م بکاته‌وه‌
جگه‌ له‌ زانیارییه‌کانى به‌کارهێنه‌ر، پێوه‌ره‌ زیره‌که‌که‌ ده‌توانێت ده‌ستبه‌جێ ڕاپۆرت بدات ئه‌گه‌ر پچڕانى کاره‌با ڕوویدا و به‌ خێرایى تیمه‌کانى چاککردنه‌وه‌ ڕه‌وانه‌ بکات بۆ ئه‌وه‌ى به‌ خێرایى دۆخه‌که‌ چاره‌سه‌ر بکه‌ن. کاتێک هه‌موو شتێک ئاسایى بووه‌وه‌، پێوه‌ره‌ زیره‌که‌که‌ به‌کارهێنه‌ر له‌و باره‌یه‌وه‌ ئاگادار ده‌کاته‌وه‌
کاتێک پێوه‌ره‌ زیره‌که‌که‌ دانرا، به‌کارهێنه‌ر ده‌توانێت بڕى ئه‌و وزه‌یه‌ى که‌ به‌کارى ده‌هێنێت بزانێت به‌ یه‌کێک له‌م ڕێگایانه‌ى خواره‌وه‌:
• له‌سه‌ر شاشه‌یه‌ک له‌ناو ماڵه‌که‌دا.
• به‌ چوونه‌ ژووره‌وه‌ بۆ ئه‌کاونتێکى ئۆنلاین دیاریکراو.
• له‌ ڕێگه‌ى ئه‌پڵیکه‌یشنێکه‌وه‌ له‌ مۆبایل
شاشه‌ى ناوماڵ چییه‌؟
شاشه‌ى In-Home Display ئامێرێکى دیجیتاڵى به‌سووده‌ که‌ ده‌توانرێت له‌ هه‌ر شوێنێکى ماڵ یان دامه‌زراوه‌که‌ دابنرێت، هه‌روه‌ها به‌ستراوه‌ته‌وه‌ به‌ پێوه‌ره‌ زیره‌که‌که‌وه‌. ئه‌م شاشه‌یه‌ ده‌توانێت به‌کارهێنه‌ر به‌رده‌وام ئاگادار بکاته‌وه‌ له‌و وزه‌یه‌ى که‌ به‌کارى ده‌هێنێت و ده‌توانێت هانده‌رى که‌مکردنه‌وه‌ى به‌کاربردن بێت.
ده‌توانرێت شاشه‌که‌ هاوبه‌ش بکرێت بۆ پیشاندانى به‌کارهێنانى جۆره‌کانى ترى هه‌ڵگرى وزه‌ له‌و وڵاتانه‌ى که‌ غاز بۆ به‌کارهێنه‌ران دابین ده‌که‌ن”.

ئه‌ندازیار
دلێر عادل